Jemɨzai 4
4
Gotɨyarɨ dalaangevɨ marulawakɨnaade'nesɨ.
1Maimayagaala sarɨmɨnyaba yɨhima'nɨvanɨka sangɨne aaya kaavɨlya' berɨvaka? Yɨ munyɨ' dɨkaata sabwi yɨhwa'devulyɨ. Sara yada sarɨmɨre kɨlaaka yuyajɨkɨ mala yɨhyadezɨkɨ. Nabaai sasare dazahɨbwi maimayagaala sabwi dɨhaa'bwa'desɨ. Sasare mi yadevwi dɨngaka! 2Sarɨmɨ gɨlyɨvɨta dala nabinabinya maarya'neihɨrɨ tewaanya yɨhɨvu'nadeihɨlyɨ. Kɨrɨ' sarɨmɨ mamaari yɨpɨneihɨlyɨ. Sara yadɨvɨ' sarɨmɨ a'mweraavɨre gɨlyɨvɨta maarya'neihi sahwaraavɨ tamakya'na yawɨ'dɨvɨsaihɨlyɨ. Sarɨmɨ gɨlyɨvɨsangɨna tɨganaarya yadɨvɨta sare sangɨ sarɨmɨ mamaaryadɨvɨsaihɨlyɨ. Sare savɨdaa'nyɨ sarɨmɨ maimayagaala kayaa'na dadɨvɨ' mala tannadɨvɨsaihɨlyɨ. Sarɨmɨ Gotɨyarɨ gɨlyɨvɨsa maarya'na yɨdaangadɨvɨtaihi mɨ'. Sara yadɨvɨ' sarɨmɨ mamaaryadɨvɨsaihɨlyɨ. 3Pɨgaa' sarɨmɨ gɨlyɨvɨsa maarya'na yɨdaangadɨvɨ' kɨrɨ' sarɨmɨ mamaaryadɨvɨsaihɨlyɨ. Gatha'darevɨnaka? Sarɨmɨre sɨmunyabwi nayaa yɨda'na myadɨvɨ' Gotɨyarɨ yɨdangadaapi “Nemɨ yune wabahɨlaaka ya'neina gɨlyɨvɨta sa maraana!” yawɨ'dɨvɨ' yɨdaangadɨvɨsa'nanyɨ. 4Sarɨmɨ a'mwe pwaraavɨrengɨ ata lɨmwadɨvɨta sarabɨsaihɨlyɨ. Kwaa'nyɨ-a'mwebɨsaihɨlyɨ. Dara myawɨrijɨvanɨga'! A'mwei Kwaaka davakɨyabwina yɨlaaya yajai, sai Gotɨyarɨ yɨkamaangei yɨma'nɨwakelyɨ. Dazavɨ myawɨranganyɨvanɨgasaihi daaka! Sarevɨdaa'nyɨ a'mwe pwai kwai Kwaakevakɨya sabwi “Nya'mwana wɨdɨma!” dozɨ yajai, yɨ sai Gotɨyarɨna yɨkamaangei yɨma'nadelyɨ. 5Gotɨyare Bukuya' dara dɨnɨ' “Kuryai dazai Gotɨyai nemɨnyɨ kusawɨ nemwaaihadei yune gamɨre saburɨna dɨragɨnna yawɨ'da yune dɨragɨnaangelyɨ. Pɨburaavɨ ya'nejɨ pwaraavɨ yɨlaaya marya'nejɨ ‘Arɨkewɨ!’ yawɨrɨbainyɨna yada ‘Gotɨyai gave pwainanyarɨ yɨlaaya marina jɨla!’ yawɨ'delyɨ.” Sarɨmɨ dara dahayawɨ'manɨga'? “Yagaala daza' yaasɨwa'nanya' dɨngaka!” Woi! Naangesɨ. Sare'na kayaa'nanya dazabura jahalya'mayɨla! 6Kɨrɨ' nemɨ kayaa'nanyabwi dathɨwagya'neinaavɨ Gotɨyai yanga gaimwanga naange' nejaavadelyɨ. Sarevɨ Bukuyavɨ dara dɨnɨ' “Gotɨyai a'mwe pihadɨka yadɨvɨsaraavɨ tɨvɨpalasɨ'delyɨra. Sara yada kɨrɨ' a'mwe kumɨre sɨmunya' walamarakya yadɨvɨsaraavɨ yanga gaimwange' wiadelyɨ.” 7Sarevɨdaa'nyɨ sarɨmɨre sɨmunya' walamarakya yapɨjɨ Gotɨyarɨ dalaangewɨ dɨmwaalyɨla! Sarɨmɨ Saataanɨ Kayaa'nanyarɨ dɨrɨvɨpalasɨ'nyɨla! Sara kyapɨjɨ yɨhyagalya'mavojɨ lɨkaanya wawodelyɨra. 8Sarɨmɨ Gotɨyaryaba aya kɨbanna nayaa dulaawila! Nabaai sahwai sarɨmɨnyaba aya kɨbanna bathelyɨ. A'mwe kayaa'nanyabwi yadɨvɨsaihi, a'mweigɨ gɨnnya asɨraai aalya jɨnana! Taabɨrɨwaizɨmunya kɨnɨnnakeigɨ nawɨ'nya tewaanya wannadevaaibɨ' gɨrɨkita kayaa'nanya gɨnnya sɨmunyavɨ dɨthuimwagasɨ'nana! 9Sarɨmɨre kayaa'nanyanna sarɨmɨ sɨmunya' taanga maa'dɨvɨ' kale yɨhyadeihi kɨnna kwalaalya dɨzɨla! Sarɨmɨ jɨka givanɨgasaihi sarɨmɨre jɨka gyavwi maroyɨmaa'napɨjɨ kɨnna dɨzɨla! Sarɨmɨ a'mwe dahaa' yɨlaaya yɨvanɨgasaihi yɨlaaya ya sabwi maroyɨmaa'nya kyapɨjɨ kale naange' yɨhyana! 10Nabaai Naangere tɨnnyarɨ sarɨmɨ saihi kwaakewɨ dɨmarulawakɨnyɨla! Nabaai sara yɨpɨja' Naangei sarɨmɨnyɨ munyaba yɨhɨmakɨladelyɨ.
11Nya'mweihi, sarɨmɨ sɨrya'mweraavɨ yagaala kayaa'nanya mudɨpɨnera! A'mwei gya'mwe pwarɨ yagaala kayaa'nanya, yaasɨwakyagaala wɨdazai gannya gya'mwerɨ jɨdavajai sai kɨwɨnya dɨnɨkevɨna yagaala kayaa'nanya wɨdozɨ Kɨwɨnya' jɨdavadelyɨ. Nabaai kɨwɨnya dɨnɨke' jɨda'na yɨja' yɨ gɨmɨ Kɨwɨnya dɨnɨke' nayaa mɨdɨdɨnyaigɨ mɨ'. Aawa. Yawɨbwa'dɨnyaigɨ wɨjɨda'dɨnyaigɨnyɨ. 12Gotɨyai yune gave pwainanyai kɨwɨnya dɨnɨka daza wakadengɨ. Sai sara yada yawɨbwarya'nei mwaaidelyɨ. Sai yune gave sahwai a'mweraavɨ yɨnɨga wi'na padaihasamaarannei, a'mweraavɨ kayaaka yɨgalakannei mwaalɨ'. Sarevɨdaa'nyɨ a'mwe pwarɨ wɨjɨdaya'neigɨ aai gɨmwaaihakaigɨnaka!
Nemɨ pihadɨka myaannebwinesɨ.
13Dara dɨdɨvɨsaihi nayaa dɨnyu'nyɨla! “Dahaa' pɨgaa', mwanyagaa' kɨgaa' anga naanga pɨba wawaajɨ kwarame pɨrɨvɨ yɨnɨga wi'nanne' mubya'neina wawɨnya yaadeinera. Sarevɨ nabaai nemɨ nɨgwia kwalaalya naanga maraadeinera.” Yɨ sarɨmɨnyɨ dara yɨhɨthɨma! 14Sarɨmɨ myawɨrivanɨga'. Yɨrɨta mwanyagaa' benɨ yɨma'nade dɨngaka? Sarɨmɨre gaala mwaalyabwi gatha'darebulaka! Sare' darevɨnyɨ. Sarɨmɨ jɨta yide sa'bɨsaihɨlyɨ. Jɨsa' yidehaa' kɨbawa maalɨ'na wa'da yarai yɨmaanyɨna yadevaaibɨta sarɨmɨre gaala mwaalyabulyɨ. 15Pɨgaa'na sara dahɨlakya'na madɨpɨnera! Aawa. Dara dɨpɨjaihɨlyɨ “Naangei gannya sɨmunyaburɨ sara yawɨraja' nemɨ gaala kuna mwalawaajɨ wawɨnya pɨrɨ' wawɨnya kɨrɨ' yaadeine.” 16Sare kɨrɨ' sarɨmɨre wawɨnya'na yaasɨwa' yagaala naanga damaryadɨvɨ' sarɨmɨnne yaya munyaba makinadɨvɨsaihɨlyɨ. Sasare yuya pihadɨka yuya sa, kayaa'nanyangɨ. 17Sarevɨdaa'nyɨ a'mwe nawɨ'nya ya sabwina Gotɨyai wibwarɨdaakwojɨyabwina yawɨ'dei, sasare sabwi mi yajai pɨbwi yajai yɨ a'mwe dazai wana kayaa'nanyabwi yadelyɨ.
Currently Selected:
Jemɨzai 4: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Jemɨzai 4
4
Gotɨyarɨ dalaangevɨ marulawakɨnaade'nesɨ.
1Maimayagaala sarɨmɨnyaba yɨhima'nɨvanɨka sangɨne aaya kaavɨlya' berɨvaka? Yɨ munyɨ' dɨkaata sabwi yɨhwa'devulyɨ. Sara yada sarɨmɨre kɨlaaka yuyajɨkɨ mala yɨhyadezɨkɨ. Nabaai sasare dazahɨbwi maimayagaala sabwi dɨhaa'bwa'desɨ. Sasare mi yadevwi dɨngaka! 2Sarɨmɨ gɨlyɨvɨta dala nabinabinya maarya'neihɨrɨ tewaanya yɨhɨvu'nadeihɨlyɨ. Kɨrɨ' sarɨmɨ mamaari yɨpɨneihɨlyɨ. Sara yadɨvɨ' sarɨmɨ a'mweraavɨre gɨlyɨvɨta maarya'neihi sahwaraavɨ tamakya'na yawɨ'dɨvɨsaihɨlyɨ. Sarɨmɨ gɨlyɨvɨsangɨna tɨganaarya yadɨvɨta sare sangɨ sarɨmɨ mamaaryadɨvɨsaihɨlyɨ. Sare savɨdaa'nyɨ sarɨmɨ maimayagaala kayaa'na dadɨvɨ' mala tannadɨvɨsaihɨlyɨ. Sarɨmɨ Gotɨyarɨ gɨlyɨvɨsa maarya'na yɨdaangadɨvɨtaihi mɨ'. Sara yadɨvɨ' sarɨmɨ mamaaryadɨvɨsaihɨlyɨ. 3Pɨgaa' sarɨmɨ gɨlyɨvɨsa maarya'na yɨdaangadɨvɨ' kɨrɨ' sarɨmɨ mamaaryadɨvɨsaihɨlyɨ. Gatha'darevɨnaka? Sarɨmɨre sɨmunyabwi nayaa yɨda'na myadɨvɨ' Gotɨyarɨ yɨdangadaapi “Nemɨ yune wabahɨlaaka ya'neina gɨlyɨvɨta sa maraana!” yawɨ'dɨvɨ' yɨdaangadɨvɨsa'nanyɨ. 4Sarɨmɨ a'mwe pwaraavɨrengɨ ata lɨmwadɨvɨta sarabɨsaihɨlyɨ. Kwaa'nyɨ-a'mwebɨsaihɨlyɨ. Dara myawɨrijɨvanɨga'! A'mwei Kwaaka davakɨyabwina yɨlaaya yajai, sai Gotɨyarɨ yɨkamaangei yɨma'nɨwakelyɨ. Dazavɨ myawɨranganyɨvanɨgasaihi daaka! Sarevɨdaa'nyɨ a'mwe pwai kwai Kwaakevakɨya sabwi “Nya'mwana wɨdɨma!” dozɨ yajai, yɨ sai Gotɨyarɨna yɨkamaangei yɨma'nadelyɨ. 5Gotɨyare Bukuya' dara dɨnɨ' “Kuryai dazai Gotɨyai nemɨnyɨ kusawɨ nemwaaihadei yune gamɨre saburɨna dɨragɨnna yawɨ'da yune dɨragɨnaangelyɨ. Pɨburaavɨ ya'nejɨ pwaraavɨ yɨlaaya marya'nejɨ ‘Arɨkewɨ!’ yawɨrɨbainyɨna yada ‘Gotɨyai gave pwainanyarɨ yɨlaaya marina jɨla!’ yawɨ'delyɨ.” Sarɨmɨ dara dahayawɨ'manɨga'? “Yagaala daza' yaasɨwa'nanya' dɨngaka!” Woi! Naangesɨ. Sare'na kayaa'nanya dazabura jahalya'mayɨla! 6Kɨrɨ' nemɨ kayaa'nanyabwi dathɨwagya'neinaavɨ Gotɨyai yanga gaimwanga naange' nejaavadelyɨ. Sarevɨ Bukuyavɨ dara dɨnɨ' “Gotɨyai a'mwe pihadɨka yadɨvɨsaraavɨ tɨvɨpalasɨ'delyɨra. Sara yada kɨrɨ' a'mwe kumɨre sɨmunya' walamarakya yadɨvɨsaraavɨ yanga gaimwange' wiadelyɨ.” 7Sarevɨdaa'nyɨ sarɨmɨre sɨmunya' walamarakya yapɨjɨ Gotɨyarɨ dalaangewɨ dɨmwaalyɨla! Sarɨmɨ Saataanɨ Kayaa'nanyarɨ dɨrɨvɨpalasɨ'nyɨla! Sara kyapɨjɨ yɨhyagalya'mavojɨ lɨkaanya wawodelyɨra. 8Sarɨmɨ Gotɨyaryaba aya kɨbanna nayaa dulaawila! Nabaai sahwai sarɨmɨnyaba aya kɨbanna bathelyɨ. A'mwe kayaa'nanyabwi yadɨvɨsaihi, a'mweigɨ gɨnnya asɨraai aalya jɨnana! Taabɨrɨwaizɨmunya kɨnɨnnakeigɨ nawɨ'nya tewaanya wannadevaaibɨ' gɨrɨkita kayaa'nanya gɨnnya sɨmunyavɨ dɨthuimwagasɨ'nana! 9Sarɨmɨre kayaa'nanyanna sarɨmɨ sɨmunya' taanga maa'dɨvɨ' kale yɨhyadeihi kɨnna kwalaalya dɨzɨla! Sarɨmɨ jɨka givanɨgasaihi sarɨmɨre jɨka gyavwi maroyɨmaa'napɨjɨ kɨnna dɨzɨla! Sarɨmɨ a'mwe dahaa' yɨlaaya yɨvanɨgasaihi yɨlaaya ya sabwi maroyɨmaa'nya kyapɨjɨ kale naange' yɨhyana! 10Nabaai Naangere tɨnnyarɨ sarɨmɨ saihi kwaakewɨ dɨmarulawakɨnyɨla! Nabaai sara yɨpɨja' Naangei sarɨmɨnyɨ munyaba yɨhɨmakɨladelyɨ.
11Nya'mweihi, sarɨmɨ sɨrya'mweraavɨ yagaala kayaa'nanya mudɨpɨnera! A'mwei gya'mwe pwarɨ yagaala kayaa'nanya, yaasɨwakyagaala wɨdazai gannya gya'mwerɨ jɨdavajai sai kɨwɨnya dɨnɨkevɨna yagaala kayaa'nanya wɨdozɨ Kɨwɨnya' jɨdavadelyɨ. Nabaai kɨwɨnya dɨnɨke' jɨda'na yɨja' yɨ gɨmɨ Kɨwɨnya dɨnɨke' nayaa mɨdɨdɨnyaigɨ mɨ'. Aawa. Yawɨbwa'dɨnyaigɨ wɨjɨda'dɨnyaigɨnyɨ. 12Gotɨyai yune gave pwainanyai kɨwɨnya dɨnɨka daza wakadengɨ. Sai sara yada yawɨbwarya'nei mwaaidelyɨ. Sai yune gave sahwai a'mweraavɨ yɨnɨga wi'na padaihasamaarannei, a'mweraavɨ kayaaka yɨgalakannei mwaalɨ'. Sarevɨdaa'nyɨ a'mwe pwarɨ wɨjɨdaya'neigɨ aai gɨmwaaihakaigɨnaka!
Nemɨ pihadɨka myaannebwinesɨ.
13Dara dɨdɨvɨsaihi nayaa dɨnyu'nyɨla! “Dahaa' pɨgaa', mwanyagaa' kɨgaa' anga naanga pɨba wawaajɨ kwarame pɨrɨvɨ yɨnɨga wi'nanne' mubya'neina wawɨnya yaadeinera. Sarevɨ nabaai nemɨ nɨgwia kwalaalya naanga maraadeinera.” Yɨ sarɨmɨnyɨ dara yɨhɨthɨma! 14Sarɨmɨ myawɨrivanɨga'. Yɨrɨta mwanyagaa' benɨ yɨma'nade dɨngaka? Sarɨmɨre gaala mwaalyabwi gatha'darebulaka! Sare' darevɨnyɨ. Sarɨmɨ jɨta yide sa'bɨsaihɨlyɨ. Jɨsa' yidehaa' kɨbawa maalɨ'na wa'da yarai yɨmaanyɨna yadevaaibɨta sarɨmɨre gaala mwaalyabulyɨ. 15Pɨgaa'na sara dahɨlakya'na madɨpɨnera! Aawa. Dara dɨpɨjaihɨlyɨ “Naangei gannya sɨmunyaburɨ sara yawɨraja' nemɨ gaala kuna mwalawaajɨ wawɨnya pɨrɨ' wawɨnya kɨrɨ' yaadeine.” 16Sare kɨrɨ' sarɨmɨre wawɨnya'na yaasɨwa' yagaala naanga damaryadɨvɨ' sarɨmɨnne yaya munyaba makinadɨvɨsaihɨlyɨ. Sasare yuya pihadɨka yuya sa, kayaa'nanyangɨ. 17Sarevɨdaa'nyɨ a'mwe nawɨ'nya ya sabwina Gotɨyai wibwarɨdaakwojɨyabwina yawɨ'dei, sasare sabwi mi yajai pɨbwi yajai yɨ a'mwe dazai wana kayaa'nanyabwi yadelyɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.