Jenɨzɨzɨ 32
32
Jaikopɨ daka “Gara yɨjɨwana Yɨzoi nyanganade'na?” kaanna wɨyaa'.
(32:1-21)
1-12Jaikopɨ kaanna wɨna yakegaa' dara wanganake' “Nɨmɨjɨ Gotɨyare mamaayara ejelɨyarajɨ mwaaiho.” Sara daka Jaikopɨ sɨhumale yaasadɨvɨsaraavɨ gathaakaanga Yɨzorɨna wɨdaasa'. Yaasadɨvɨsara kaanna waweva Yɨzorɨ wɨde' “Jaikopɨ gɨmɨnyawɨnna bɨvanɨ'. Gamɨre gɨlyɨvɨta naanga warɨka.” Yaasadɨvɨsara Yɨzorɨ wɨ'neva kaanna bɨna yeva Jaikopɨmɨ wɨde' “Yɨzolyɨ a'mwe kwala naangerajɨ sara bɨvanɨgava.” Mi'na kude' Jaikopɨ lɨka yaka Gotɨyarɨ wɨda' “Gɨhaimwagɨdeinyɨ nyɨdahɨnya' ‘Gɨmɨre kaimɨraaya kwala naanga yɨma'nɨpɨ'dere.’ Nyɨgaimwadɨnyaigɨnyɨ. Nabaai dahaa' nɨmɨre gɨlyɨvɨta naanga warɨ'. ‘Gɨnnya angewɨnna dɨwodera,’ nyɨdahɨnya' sa' nyɨdaakaanga Yɨzorɨna nɨmɨ lɨka yena ‘Yɨzoi naneramakadɨka!’ dena ‘Nyɨgaimwana!’ gɨthɨwa.”
13-21“Yɨzorɨ sɨnna tɨka nudavadɨ'! Jɨlɨkyaawarya naanga yanga wɨjaavɨma!” daka Jaikopɨ Yɨzorɨne jɨlɨkyaawaryangɨ maryaasaka gamɨ dɨvidaa'nyɨ mɨdɨna'.
Kwaaka Penɨyalɨ saba Jaikopɨ ata sɨvɨla galalɨmwanna yaa'.
(32:22-32)
22-32Jaikopɨ gamɨrengɨ kudaasa' kumɨza gamɨre gɨlyɨvɨtajɨ Aalya Javokɨ maraga'makuna. Maraga'makuna kya' Jaikopɨ gave kwai mwaala'. Sawɨsavɨ pwai baka Jaikopɨmɨ asangɨ galalɨmwanna ya'. Mala tannadaakɨri yɨrɨka purɨna kya' pwai Jaikopɨmɨ wɨda' “Nyɨmakwaasa!” Sara kuda' Jaikopɨ wɨda' “Yagaala tewaanya' nyɨda'gɨzɨ dɨwodera.” Pwai wɨda' “Gɨnnya yaya' Jaikopɨ (kwaasɨ yadei) sa' Gotɨyarɨjɨ a'mweraavɨjɨ yagaala bazɨwaimanaawɨgɨnyaigɨ, malya' gɨmɨnna dathɨvalaradɨnyaigɨ, gɨnnya yaya mudɨke' Yɨzɨrelɨmo.” Jaikopɨ wɨda' “Gotɨyarɨ wanganena kwaihwaainakeinyɨ mwaaimwa.” Nyɨla bilaawɨna yadaa'nyɨ Jaikopɨ tu'mudɨka wɨda'daa'nyɨ yɨgala yɨgala kaanya wawa'.
Currently Selected:
Jenɨzɨzɨ 32: byr
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.