Rute 4
4
Boazi mbwaakakwata Rute
1 #
Rut 3:12
Lino Boazi wakaya kumulyango wamunzi, wakala nkuko. Nkabela kwakainda oyo siluzubonyina Boazi ngwaakaambide. Mpawo wakati, Uwe, nyomfwi, boola, ukale okuno. Lino wakaleya, wakala. 2#Kul 18:21,22; Dt 16:18; 17:9; 29:10; 1 Bam 21:8; Int 82:2; Tus 31:23Nkabela wakasala baalumi bali ikumi akati kabapati bamunzi, wabaambila kuti, Anywebo amukale okuno. Lino bakakala. 3Mpawo wakaambila siluzubonyina kuti, Naomi waboola kuzwa kunyika ya-Moabu, lino waulisya caabilo canyika icakali ca-Elimeleki mukwesu. 4#Jer 32:7,8; Rom 12:17; 2 Kor 8:21; Flp 4:8; Matl 23:18; Lev 25:25Nkaambo kako ndakayeeya kuti ndeelede kukuyubunwida makani, kuti uule okuno kubusyu bwabaaba bakede akubusyu bwabapati babantu bangu, Na ulayanda kucinununa, nununa. Pele na toyandi kucinununa, undaambile, kuti ndizibe, nkaambo taakwe muntu umbi uuelede kucinununa cita nduwe, ambebo ndi wabili. Mpawo wakati, Ndacinununa. 5#Matl 38:8; Dt 25:5,6; Rut 3:13; Mt 22:24Lino Boazi wakati, Mubuzuba obo mbubonya nozooula muunda kuzwa kumaanza aa-Naomi, uleelede kuula alakwe Rute mu-Moabu mukamufu, kuti ukabusye izina lyamufu mucaabilo cakwe. 6#Rut 3:12,13Elyo siluzubonyina wakati, Nsikonzyi kulinunwida, inga njoobisya caabilo cangu ndemwini. Tambula ceelelo cakunununa yebo, nkaambo mebo nsikonzyi kucinununa pe.
7 #
Dt 25:7,9 Lino kalekale mucisi ca-Israyeli kacili ciyanza cili boobu. Mumakani aakunununa amumakani aakuula, muntu naakayanda kusalazya makani, wakagwisya insangu yakwe, wapa mweenzinyina. Mbuboobo mbubakali kusinizya makani mucisi ca-Israyeli. 8Aboobo oyo siluzubonyina naakaambila Boazi kuti, Kolyuulila omwini, wakagwisya insangu yakwe. 9Nkabela Boazi wakaambila bapati abantu boonse kuti, Ndinywe bakamboni. Mwabona kuti buzuba obuno ndaula imbono zyoonse zya-Elimeleki azyoonse zya-Kilioni azya-Maloni kuzwa kumaanza aa-Naomi. 10#Dt 25:5-6Alakwe Rute muMoabu muka-Maloni ndamuula, kuti abe mukaangu, abusye izina lyamufu mucaabilo cakwe, kuti izina lyamufu litalobi akati kababunyina nimuba mumulyango wamunzi wakwe. Ndinywe bakamboni buzuba obuno. 11#Matl 29:31; Matl 1:28; 9:1; 17:16; Int 127:3; 128:3; Dt 25:9; Matl 35:16; Mik 5:2Abantu boonse ibakakede mumulyango wamunzi abapati bakaamba kuti, Tuli bakamboni. Jehova acite kuti oyu mwanakazi uuti njile muŋanda yako abe mbuli Rakele ambuli Leya, nkaambo aba bobile mbebakayaka luzubo lwa-Israyeli. Kojana coolwe mu-Efrata akuba simpuwo mu-Betelehemu. 12#Matl 38:27-30; 1 Mak 2:4; Mt 1:3; 1 Sam 2:20Iŋanda yako ibe mbuli iŋanda ya-Perezi, Tamare ngwaakazyalila Juda, nkaambo kalunyungu Jehova ndwazookupa kulinakalindu oyu.
13 #
Matl 29:31; 33:5 Aboobo Boazi wakakwata Rute, waba mukaintu wakwe. Lino naakaswanaana awe, Jehova wakamupa inguzu zyakuminta, nkabela wakazyala mwana mulombe. 14#Lk 1:58; Rom 12:15Mpoonya awo banakazi bakaambila Naomi kuti, Alumbwe Jehova, nkaambo sunu tanakusiide kuti ubule mukowa. Izina lyakwe libe ampuwo mucisi ca-Israyeli. 15#1 Sam 1:8Uyookubeda sikupilusyabuumi asikukulela mubucembele bwako, nkaambo mukamwana wako uukuyandisya, uukubotela kwiinda bana balombe bali musanu ababili, nguwamuzyala. 16Lino Naomi wakabweza mwana, wamulazika akaango kakwe, waba sikumulela, 17#Lk 1:58,59Nkabela banakazi mbobakakede abo bakamuulika izina, bati, Naomi wazyalilwa mwana mulombe. Bakamuulika izina lya-Obedi. Ngonguwe wisi Jese wisi Davida.
18 #
1 Mak 2:4; Mt 1:3 Nzeezi inyungu zya-Perezi. Perezi wakazyala Hezironi, 19alakwe Hezironi wakazyala Ramu, alakwe Ramu wakazyala Aminadabu, 20#My 1:7alakwe Aminadabu wakazyala Nasoni, alakwe Nasoni wakazyala Salmoni, 21alakwe Salmoni wakazyala Boazi, alakwe Boazi wakazyala Obedi, 22alakwe Obedi wakazyala jese, alakwe Jese wakazyala Davida.
Currently Selected:
Rute 4: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.