1 Samuele 1
1
Samuele mbwaakazyalwa
1 #
1 Mak 6:27; Rut 1:2 Ciindi cimwi kakuli muntu umwi uwakazwa ku-Ramatayimu, mu-Zofi uuzwa kucilundu ca-Efraimu, izina lyakwe Elikana mwanaakwe Jerohamu mwanaakwe Elihu mwanaakwe Tohu mwanaakwe Zufi, mu-Efraimu. 2Oyo muntu kakwete banakazi bobile, izina lyaumwi kali Hana, umwi kali Penina. Lino Penina kazyede bana, pele Hana takakazyede bana pe. 3#Dt 12:5; Jos 18:1; Bab 18:31; Int 78:60; Jer 7:12-14Nkabela oyo muntu wakali kutanta kuzwa kumunzi wakwe mazuba oonse kuya kukukomba akupaila Jehova wamakamu makamu ku-Silo, nkukonya nkubakakede bana bobile ba-Eli, Hofeni a-Pinehasi bapaizi ba-Jehova.
4Lino kufumbwa buzuba mbwaakali kuyanda kupaila Elikana wakali kwaabila Penina mukakwe abana bakwe boonse balombe abasimbi zyaabilo. 5#Matl 30:2Pele Hana wakali kumupa caabilo comwe buyo, nkaambo kamuyandisya Hana, nekubaboobo Jehova kasinkide izyalilo lyakwe. 6Nkabela mubwatwanyina wakali kumupenzya loko kukumugalamukila, nkaambo kakut. Jehova kalisinkide izyalilo lyakwe. 7#Kul 23:14; Dt 16:16; Lk 2:41Mbuboobo mbwaakali kucita mazuba oonse kuciindi ncaakali kutanta kuya kuŋanda ya-Jehova, wakali kumupenzya, nkabela walo Hana wakali kulila akutalya. 8#Rut 4:15Lino Elikana mulumaakwe wakamwaambila wati, Ino Hana, nkaambonzi ulalila? Nkaambonzi tolyi? Nkaambonzi moyo wako ulaciswa? Teensi ndime nenkubotela kwiinda bana bali ikumi na?
9 #
1 Sam 3:3
Lino nibakamana kulya akunywa Hana wakanyampuka, Nkabela mupaizi Eli wakalikede acuuno kucikunguzyo cantempele ya-Jehova. 10#Job 7:11; 10:1; My 30:3; 2 Sam 17:8Lino Hana mbwaakaciswa moyo wakali mukukomba Jehova cakulilisya. 11#My 6:5; Matl 28:20; My 21:2; 30:3-8; Bab 11:30; Muk 5:4; Matl 29:32; Kul 4:31; 2 Sam 16:12; Int 25:18; Matl 8:1; 30:22; Int 132:1,2Nkabela wakalumbila cilumbizyo cakwaamba kuti, O Jehova wamakamu makamu, kuti kobona cakubona mafwabi aamwanakazi mulanda wako kukundiibulukwa akutaluba mulanda wako akundipa ndemulanda wako mwana mulombe ambebo noomupa Jehova mazuba oonse aabuumi bwakwe, nkabela mutwe wakwe tuukoozoogelwa lunyoolo lyoonse pe.
12Nkabela mbuli mbwaakakomezya ciindi cakukomba kwakwe, Eti wakali kulangisya mulomo wakwe. 13Nkaambo Hana wakali kwaamba mumoyo wakwe, milomo yakwe luzutu njiyakali kuputaputa, pele ijwi lyakwe teelyakali kumvwigwa pe, nkikaako Eli wakayeeya kuti wakolwa. 14Lino EH wakamwaambila kuti, Ino kusikila kuciindinzi ncoti kolwe? Uleke waini lyako. 15#Int 62:8Nkabela Hana wakavuwa wati, Pe mwami, ime ndi mwanakazi uuciswa mumoyo. Nsinywide waini niciba cintu cikola pe, ndatila buyo moyo wangu kubusyu bwa-Jehova. 16#2 Kor 6:15Utandipi mulandu, ndemulanda wako, wakuba muna-Saatani, pe, nkaambo moyo wangu waciswa loko, mapenzi aangu avulisya, nkikaako nkindazwa kwaamba. 17#Bab 18:6; 1 Sam 25:35; Lk 7:50; 8:48; Int 20:4,5Nkabela Eli wakavuwa wati, Koya caluumuno, Leza wa-Israyeli akupe cikumbilo cako ncokumbila kulinguwe. 18#Matl 33:15; Rut 2:13; Muk 9:7; Joh 16:24Lino wakaamba wati, Nkafwidwe luzyalo, ndemulanda wako, kumeso aako, Mpawo mwanakazi wakainka, wakalya, takakacili kuusa pe.
19 #
Matl 30:22
Nibwakaca bakafuma, bakakomba kubusyu bwa-Jehova, elyo bakabweeda akusika kulimbabo ku-Rama. Nkabela Elikana bakaswaanana amukakwe Hana, alakwe Jehova wakamwiibulukwa. 20Lino kumamanino aamwaka Hana wakamita, wakazyala mwana mulombe, wakamuulika izina lya-Samuele, nkaambo wakati, Ndakamukumbila kwa-Jehova. 21Alimwi oyo muntu Elikana wakatanta antoomwe abamuŋanda yakwe boonse kuya kuyoopaila Jehova cipaizyo camyaaka yoonse akulondola kupinga kwakwe. 22#Lk 2:22; 1 Sam 2:11; 3:1Pele Hana takaakatanta pe, nkaambo wakaambila mulumi akwe kuti, Ndilindile mane mwana aleke kunyonka, elyo ninzoomutola kuti akabonwe kubusyu bwa-Jehova akukala nkuko lyoonse. 23#My 30:7; 2 Sam 7:25Nkabela Elikana mulumi akwe wakamwaambila wati, Ncibotu, cita mbuli mbuwabotelwa, syaala mane ukamulesye, elyo Jehova nayoolondola ijwi lyakwe. Mbuboobo mwanakazi mbwaakasyaala akunyonsya mwanaakwe kusikila kukumulesya kwakwe. 24#Dt 12:5Amane kumulesya wakamutola kuŋanda ya-Jehova ku-Silo antoomwe abasune botatwe alusuwo lwabusu ankomo yawaini, nkabela mwana kacili munnm. 25Lino bakajaya musune nkabela bakaswenya mwana kuli-Eli. 26Elyo wakaamba wati, Ncobeni mwami wangu, mbuli muuya wako mbuucili muumi, mwami, ndime oyo mwanakazi uwakiimvwi okuno kulinduwe kukukomba Jehova. 27#Mt 7:7Ngomwana oyu ngundakali kukombela, lino Jehova wandipa cikumbilo ncindakamukumbila. 28#Matl 24:26,52Nkaambo kako ambebo ndamukolotya Jehova. Mazuba oonse ngaacipona ulaba cikoloto ca-Jehova. Lino mpawo wakakomba Jehova.
Currently Selected:
1 Samuele 1: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
