Rute 1
1
Rute mbwaakakakatila banyinazyala mumapenzi aabo
1 #
Bab 2:16; Matl 12:10; 26:1; Dt 28:38; 1 Bam 18:2; 2 Bam 8:1; Bab 17:8; Mik 5:2 Lino mumazuba alya babetesi nebakali kubeteka kwakaba inzala munyika, nkabela umwi muntu waku-Betelehemu mucisi ca-Juda wakainka kuyoo kala-kala munyika ya-Moabu, kali amwanakazi wakwe abana bakwe balombe bobile. 2#Matl 35:19; Bab 3:30Izina lyamuntu oyo kali Elimeleki, amwanakazi wakwe kali Naomi, abana bakwe bobile bakali Maloni a-Kilioni. Bakali ba-Efrata bakuBetelehemu mucisi ca-Juda. Lino bakasika kunyika ya-Moabu akukalakala nkuko. 3Nbabela Elimeleki mulumi wa-Naomi wakafwa, aboobo wakasyaala alike abana bakwe balombe bobile. 4Lino bakakwata banakazi bakucisi ca-Moabu. Izina lyaumwi kali Olipa, awabili kali Rute. Nkabela bakalikede nkukonya oko myaka iili mbuli ikumi. 5Elyo Maloni a-Kilioni bakafwa boonse bobile. Mwanakazi wakafwidwa mulumaakwe abana bakwe boonse bobile.
6 #
Kul 4:31; Int 80:14; Jer 29:10; Zef 2:7; Zek 10:3; Lk 1:68; 7:16; Matl 28:20; 48:15; Kul 16:4,6; Int 104:14,16; Tus 30:8; Is 55:10; Mt 6:11 Lino wakanyamuka abamukabana bakwe kuti akapiluke kuzwa kunyika ya-Moabu, nkaambo kamvwide kale omo mucisi ca-Moabu kuti Jehova kabaswayide bantu bakwe akubapa zilyo. 7Aboobo wakazwa omo mwakabede, wakanyamuka abamukabana bakwe bobile, nkabela bakali kuya bweenda munzila kuti apiluke kucisi ca-Juda. 8#Jos 24:15; 2 Tim 1:16Pele Naomi wakaambila bamukabana bakwe bobile kuti, Kamuya, mukapiluke umwi aumwi kuŋanda yabanyina, Jehova amufwide luzyalo, mbubonya mbumwakacitila bafwide ambumwandicitila ambebo. 9#Rut 3:1Jehova amupe coolwe kuti mujane cilyokezezyo umwi aumwi muŋanda yamulumaakwe, Mpawo wakabamyonta, nkabela bakatalika kulila. 10Bakamwaambila kuti, Nee! Katuya toonse kubantu bako. 11#Matl 38:11; Dt 25:5Lino Naomi wakati, Pe, bana bangu, amupiluke, Nkaambonzi nomuyanda kwiinka ambe? Sa ncijisi bana balombe mwida lyangu bakonzya kuyoomukwata? 12Amupiluke, nobana bangu, kulindinywe, nkaambo mebo ndacembaala, nsikonzyi kukwatwa pe. Na ndaamba kuti cicikonzeka kukwatwa, na ndajana mulumi masiku ano ngaonya akuzyala bana balombe, 13#Bab 2:15; Job 19:21; Int 32:4; 38:2sa mulakonzya kulindila mane bakakomene? Sa mulakonzya kulikasya kukwatwa kumbi nkaambo kambabo? Nee, nobana bangu! Moyo wangu ulausa loko nkaambo kanu, nkaambo kakuti ijanza lya-Jehova lyandiletela mapenzi. 14#Dt 4:4; 10:20; Tus 17:17; 18:24; Joh 6:66-69; Heb 10:39Bamvwe obo bakalilisya alimwi. Lino Olipa wakamyonta banyinazyala, wapiluka, pele Rute nguwakakakatila mbabo.
15 #
Jos 24:15-21; Bab 11:24 Lino bakati, Bona! Mukwatwanyoko wapiluka kulibanyina akumizimu yakwe. Piluka ayebo mbuli mukwatwanyoko. 16Pele Rute wakavuwa kuti, Utandisungilizyi kukusia nanka kuleka kukutobela, nkaambo kufumbwa nkoya yebo ndaya ambebo, nkoyookala yebo njookala ambebo. Bantu bako bayooba bantu bangu, a-Leza wako uyooba Leza wangu. 17#1 Sam 3:17; 25:25; 2 Bam 6:31Kufumbwa nkoyoofwida njoofwida ambebo nkuko akuzikwa nkukonya. Leza andicitile mbubonya akwiinda na ndazumizya cintu neciba cimwi cita lufu luzutu kundaanzanya ayebo. 18#Inc 21:14Lino Naomi naakabona kuti moyo wakwe ulisungukide loko kuya awe, wakaleka kukazyanya awe.
19 #
Mt 21:10; Is 23:7; Malo 2:15 Aboobo bakeenda boonse bobile mane lumwi bakasika ku-Betelehemu, Lino nebakasika ku-Betelehemu, bantu boonse bamunzi bakagamba nkaambo kabo, nkabela banakazi bakati, Ma! Sa teensi Naomi oyu? 20Pele wakabavwiila kuti, Mutandaambi limbi kuti Naomi pe, amundaambe kuti Mara, nkaambo Syakeemba wandicitila makani aalula luu! 21#1 Sam 2:7,8; Job 1:21Nendakainka ndakalizwide, pele Jehova wandiboozya acinkwamaanza. Nkaambonzi mulandaamba kuti Naomi? Jehova wandipenzya, Syakeemba wandibisizya!
22 #
Kul 9:31; 2 Sam 21:9 Mbuboobo Naomi mbwaakaboola. Wakeza a-Rute mu-Moabu mukamwana wakwe kuzwa kucisi ca-Moabu, Nkabela bakasika ku-Betelehemu maila aabbaale naakatalika kutebulwa.
Currently Selected:
Rute 1: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.