Babetesi 21
21
Ba-Benjamini basyeede mbubakapegwa banakazi
1 #
Bab 20:1; 1 Sam 7:5,6 Lino bantu ba-Israyeli bakakonkezya cikonkezyo ku-Mizipa cakuti, Taakwe naba omwe akati kesu uuelede kupa mwanaakwe musimbi kukwatwa kumusyobo wa-Benjamini. 2#Jos 18:1; Bab 20:18,26Nkabela bantu bakasika ku-Beteli, bakakala nkuko kubusyu bwa-Leza mane kumabbililo aazuba, alimwi bakoomoka amajwi aabo cakulila loko. 3Bakati, O Jehova Leza wa-Israyeli, nkaambonzi makani aali boobu acitwa ku-Israyeli Nkaambonzi sunu kwabula musyobo omwe waba-Israyeli? 4#Matl 8:20; 12:7; Kul 20:24,25; Bab 6:26; 1 Sam 14:35; 1 Bam 8:64; Heb 13:10Elyo nibwakaca, bantu bakafuma kubuka, bakayaka cipaililo, akutuula zituuzyo azipaizyo zyakutontozya. 5#Lev 27:28,29; Bab 5:23; 1 Sam 11:7; Jer 48:10Nkabela bantu ba-Israyeli bakabuzya kuti, Nguuli musyobo waba-Israyeli iwakabula kusika kumbungano ya-Jehova? Nkaambo bakacitide cikonkezyo cipati kuliyooyo uuyoobula kusika kuli-Jehova ku-Mizipa. Bakati, Oyo uleelede kujayigwa. 6Lino bantu ba-Israyeli bakafwida Benjamini mukwabo luzyalo. Bakati, Sunu musyobo omwe wapambulwa kumisyobonyina ya-Israyeli. 7Lino tucite buti kuti tujanine baalumi basyeede banakazi? Nkaambo twakonkezya kale kubusyu bwa-Jehova kuti iswe tatukooyookwatya bana besu basimbi kulimbabo.
8 #
1 Sam 11:1; 31:11; 2 Sam 2:5,6 Nkabela bakabuzya kuti, Ino nguuli musyobo waba-Israyeli iwatasika kuli-Jehova ku-Mizipa? Elyo bakajana kuti katakwe muntu naba omwe iwakasika kumbungano kuzwa ku-Jabezi-Gileadi. 9Bantu nibakabalwa katakwe muntu naba omwe wabantu ba-Jabezi-Gileadi iwakajanika. 10#Dt 13:15; Jos 7:24-26; Bab 5:23; 1 Sam 11:7Mpawo imbungano yakatuma nkuko zyuulu zili ikumi azibili zya bantu babo bakozu. Bakabalailila kuti Kamuya mukajazye ipanga bantu boonse bakede ku-Jabezi-Gileadi, abanakazi boonse abana. 11#My 31:17Mbuboobu mbumweelede kucita. Baalumi boonse abanakazi boonse ibaswanene abaalumi, boonse amubanyonyoone. 12#Jos 18:1; 22:9; 1 Sam 1:3; Int 78:59,60; Jer 7:12,14Nkabela bakajana akati kabantu ba-JabeziGileadi basimbi banakalindu bali myanda yone ibakatalina kuswaana abaalumi, elyo abo basimbi bakabasisya kuzilao ku-Silo munyika ya-Kanana.
13 #
Bab 20:47; Dt 20:10 Mpawo imbungano yoonse yakatumina ba-Benjamini ibakakede kundomba ya-Rimoni, akubaambila caluumuno. 14Aboobo ba-Benjamini bakaboola kuciindi eco, nkabela bakabaabila banakazi abo mbubakafutula akati kabanakazi ba-Jabezi-Gileadi, nekubaboobo teebakazulila pe, 15Lino bantu bakafwida Benjamini luzyalo nkaambo Jehova wakabulizya umwi wamisyobo ya-Israyeli.
16Elyo bapati bambungano bakati, Ino tucite buti, kuti tujanine baalumi basyeede banakazi? nkaambo banakazi banyonyooka mucisi ca-Benjamini. 17Alimwi bakati, Bantu ba-Benjamini basyeede baleelede kuba alukono, kuti kutafwidilili umwi wamisyobo yaba-Israyeli. 18#Bab 11:35Nekubaboobo tatukonzyi kubakwatya bana besu pe. Nkaambo bantu ba-Israyeli bakakonkezya kuti, Uli alutuko umwi aumwi uukwatya mwana wakwe mumusyobo wa-Benjamini. 19Lino bakaamba kuti, Mwaka umwi aumwi kuli ipobwe lya-Jehova ku-Sile, kunyika ya-Beteli, kujwe lyamugwagwa uuzwa ku-Beteli akuya ku-Sekemu, akumusanza wa-Lebona. 20Nkabela bakalailila ba-Benjamini kuti, Kamuya, mukayube mumyuunda yamisaansa, 21#Kul 15:20; 32:6,19; Bab 11:34; 1 Sam 18:6; 21:11; 29:5; Jer 31:4,13akulindila, elyo na basimbi baku-Sile bazwa kukuzyana mumisobano, amuyubunuke mumyuunda akulijatila umwi aumwi mukaakwe akati kabasimbi ba-Sile, mwiinke abo kunyika ya-Benjamini. 22Lino na bazyali babona bakulana babo basika kuzootutongaukila, tulabaambila kuti, Amubafwide luzyalo akubaleka bakwate, nkaambo twakabula kubayobweda umwi aumwi mwanakazi wakwe ciindi cankondo, alimwi teemwakabapa buyo pe, nkaambo nimwakacita obo nimwakaba amulandu. 23#Bab 20:48Mpawo ba-Benjamini bakacita obo, akulijatila banakazi babo, boonse buyo mbuli mweelwe wabo, akati kabasikuzyana mbubakatola. Elyo bakabweeda kucisi cabo, baakuyakulula minzi yabo akukala mulinjiyo. 24Abantu ba-Israyeli bakapambuka kuzwa oko kuciindi eco, bakaya umwi aumwi kumusyobo wakwe akuciinga cakwe. Bakaya boonse umwi aumwi kubusena bwakwe.
25 #
Bab 17:6; 18:1; 19:1; Dt 12:8; Malo 5:14; Rom 13:3-5 Kumazuba ayo kakutana kuba mwami mucisi ca-Israyeli. Muntu woonse waka cita kufumbwa cakabota mumeso aakwe.
Currently Selected:
Babetesi 21: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
