Intembauzyo 80
80
Kumupati wakasikwiimba. Lwiimbwe mbuli lwiimbo lwa-Susani-Eduti, Intembauzyo ya-Asafu
1 #
Kul 25:22; Dt 33:2; Int 89:1 Cenjeka kutwi kwako,
O Mweembeli wa-Israyeli,
Uwe noenzya Josefa mbuli imbelele;
Uwe nokede akati kabakerebimu, mweka!
2Kunembo lya-Efraimu a-Benjamini a-Manase.
Busya inguzu zyako, Uboole kuzootuvuna.
3 #
1 Bam 18:37
Utubusye, O Leza;
Mwesya busyu bwako, tufutulwe,
4O Jehova, Leza wamakamu,
Ulaleka lili kukalalila zikombyo zyabantu bako?
5Wabasanizya insima yamisozi,
Wabanywisya misozi mucinywido cipati.
6Wacita kuti tube masampu kubeenzuma;
Basinkondoma boonse balatuseka.
7Utubusye, O Leza wamakamu;
Mwesya busyu bwako, tufutulwe.
8 #
Is 5:1,7; Jer 2:21; Ezk 15:6 Wakagwisya isaansa ku-Egepita;
Wakatanda bamasi, walisimpika.
9Wakalibambila busena,
Elyo lyakasyuuka, lyazuzya nyika.
10Zilundu zyakavumbwa kucenzule calyo,
Mitabi yalyo yakali mbuli makedari aa-Leza.
11 #
Kul 23:31; Int 72:8 Lyakatandabika mitabi kusikila ku-Lwizi,
Adelema lyalyo lyakasika kumulonga.
12 #
Is 5:5
Ino nkaambonzi wamwaya mabaya aalyo,
Lino boonse bainda munzila bala cela kulindilyo?
13Bankuntula bamuzisaka balalilumauna,
Banyama boonse bamusokwe balalilya.
14 #
Zek 1:12,16,17; Is 63:15 Uboole alimwi, O Leza wamakamu!
Sondela kuzwa kujulu, ubone,
Uswaye kusaansa eli,
15 #
Is 49:5
Musamu iwakasimpwa ajanza lyako lyalulyo,
Mutabi ngowakapa inguzu omwini.
16Lyatentwa amulilo, lyagonkwa.
Bamaninina nkaambo kabukali bwako.
17 #
Int 89:21; Kul 4:22; Int 110:1; Dan 7:13,14; Joh 5:21-27 Ijanza lyako libe amuntu wajanza lyako lyalulyo,
Amwana amuntu nguwakapa inguzu omwini.
18Aboobo tatukooyookufutatila;
Utuponye, lino tuyoolemeka izina lyako.
19 #
My 6:25; Int 27:4,9 Utubusye, O Jehova Leza wamakamu;
Mwesya busyu bwako, tufutulwe.
Currently Selected:
Intembauzyo 80: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
