Intembauzyo 81
81
Kumupati wabasikwiimba. Lwiimbo lwakulizya a-Gititi. Intembauzyo ya-Asafu
1Amwiimbisye kuli-Leza inguzu zyesu,
Amuyobeke cakukondwa kuli-Leza wa-Jakobo,
2Amutunge lwiimbo, muzyanye insaka;
Amuume kantimbwa anyeele.
3 #
My 10:10
Amulizye mweembo kumwezi mupya,
Akumwezi uuzyuka, kubuzuba bwapobwe lyesu.
4 #
Lev 23:24; My 10:10 Nkaambo ngumulazyo mucisi ca-Israyeli,
Mulumbe wa-Leza wa-Jakobo.
5Wakaubikila Josefa, ube citondezyo,
Ciindi eciya naakainka kuyoolwisya nyika ya-Egepita.
Ndakamvwa ijwi ndendatakezi, liti,
6Ndakalemununa makuko aako,
Maanza aako akaangununwa kucisuwo,
7 #
Kul 17:7; My 20:13 Wakakwiila kumapenzi, lino ndakakuvuna;
Ndakakuvuwa kumayubilo aamizumo;
Ndakakusunka kumaanzi aaku-Meriba,
Sela.
8Amuswiilile, nobantu bangu, mulaye!
o Israyeli, kuti nemwakamvwa!
9 #
Kul 20:2-3; Dt 5:6-7 Kutabi Leza umbi akati kanu.
Mutakotamini baleza beenzu.
10 #
Int 37:3; Joh 15:7 Ndime Jehova Leza wako,
Iwakakugwisya munyika ya-Egepita.
Asamika mulomo wako, lino ndauzuzya.
11Pele bantu bangu teebakaswiilila ijwi lyangu,
Israyeli wakandikaka,
12 #
Inc 7:42; Rom 1:24 Nkaambo kako ndaka baleka kuti beende mukupapila kwamyoyo yabo,
Beende mumakanze aabo beni.
13 #
Dt 5:29; Is 48:18; Jer 44:4,5; Mt 23:37 Kuti bantu bangu nebandiswiilila!
Ba-Israyeli nebeenda munzila zyangu!
14Nendafwambaana kuzunda basinkondonyina!
Nendabika ijanza lyangu kukulwisya babapenzya!
15Abo basulide Jehova nebalibombya kulinguwe.
Ciindi cabo necaba calyoonse.
16Nendabalela kumaila mabotu loko.
Nendabakusya buci buzwa mundomba.
Currently Selected:
Intembauzyo 81: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
