Intembauzyo 79
79
Intembauzyo ya-Asafu
1 #
2 Bam 25:8-10; 2 Mak 36:17-19; Jer 26:18; Jer 52:12-14 O Leza, bamasi banjila mulukono lwako;
Basofwaazya intempele yako iisalala;
Jerusalemu baucita zitantaala.
2 #
Jer 7:33
Baaba mitunta yabalanda bako kuba zilyo zyabayuni bakujulu,
Anyama yabasalali bako kumilomo yabanyama baansi.
3 #
Ciy 11:9
Bulowa bwabo babutila mbuli maanzi cakuzyunguluka Jerusalemu;
Nkabela taakwe uubazika.
4Twaba masampu kubeenzuma,
Twawelwa akusampaulwa kulibaabo batweengelede.
5 #
Dt 29:20; Ezk 36:5 Cilamana lili, O Jehova! Sa ulakalala lyoonse?
Sa ibbivwe lyako lilatenta mbuli mulilo?
6 #
Is 45:4; Int 53:4 Tula bukali bwako alibamasi batakwizi,
Akuzisi zitakwiilili izina lyako,
7Nkaambo mbombabo balya Jakobo,
Basaala cikalilo cakwe.
8 #
Is 43:25
Utayeeyi milandu yabamatateesu;
Luzyalo lwako lufwambaane kutweenzya,
Nkaambo twawizuka loko.
9 #
Jos 7:0; Jer 14:7 Utugwasye, O Leza walufutuko lwesu, nkaambo kabulemu bwazina lyako.
Utuvune, utusonzaule zibi zyesu, nkaambo kazina lyako,
10Bamasi baambilenzi kuti,
Uli kuli Leza wabo?
Koliya inkoto yabulowa bwabalanda bako butika.
Makani azibwe akati kabamasi mumeso esu.
11 #
My 14:17
Kutongela kwabaange kumvwigwe kumatwi aako;
Munguzu zyako zipati ubavune balindila lufu,
12Vuzizya beenzuma ziindi zili musanu azibili
Milandu yamasampu ngebakusampauzya, O Mwami.
13 #
Is 43:21
Lino swebo tobana bako, tombelele zyameembelelo aako,
Tunookulumba lyoonse,
Tunookanana kutembaulwa kwako kumazyalani oonse.
Currently Selected:
Intembauzyo 79: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
