Intembauzyo 78
78
Intembauzyo ya-Asafu
1 #
Kul 19:5; Dt 32:29 No bantu bangu, amuswiilile lwiisyo lwangu;
Amucenjeke matwi aanu kumajwi aamulomo wangu.
2 #
Int 49:4; Mt 13:35 Ndaasama amulomo wangu kwaamba cikozyano,
Ndaamba tulabi twakalekale,
3 #
Int 44:1
Makani ngetwakaswiilila akuziba,
Ngebakatwaambila bamatata.
4 #
Dt 4:9; Kul 12:26; Jos 4:6,7 Tatukooasisa kubana babo pe;
Tulaambila izyalani liboola intembauzyo zya-Jehova,
Inguzu zyakwe amalele aakwe ngaakacita.
5Nkaambo wakabusya bukamboni muli-Jakobo,
Wakabika mulao mu-Israyeli,
Ngwaakalailila bamatata,
Kuti bazibye bana babo,
6 #
Int 102:18
Kuti izyalani litobela lizibe,
Nkokuti bana basi zyalwe,
Babuke akukananina bana babo,
7Kuti babike myoyo yabo kuli-Leza,
Batalubi milimo ya-Leza
Babambe milazyo yakwe,
8Batabi mbuli bamawisi,
Izyalani lipapila likataazya,
Izyalani ilyatakakalika moyo,
Akutasyomeka kuli-Leza.
9Bana ba-Efraimu, ibakasakatide mata,
Bakapa isule mubuzuba bwankondo.
10Kabatabambide cizuminano ca-Leza;
Bakakaka kweenda mumilazyo yakwe.
11 #
Is 17:10; Jer 2:32 Bakaluba incito zyakwe,
Amalele aakwe ngaakabatondezya,
12 #
Matl 32:3; Kul 7:8–12:32; Is 19:11 Wakacita malele kumeso aabamawisi,
Munyika ya-Egepita, mumyuunda ya-Zoani,
13 #
Kul 14:21-22
Wakaandula lwizi, wabazubusya akati.
Wakalundika maanzi mbuli cilwi.
14 #
Kul 13:21-22
Isikati kabeenzya ajoba,
Masiku kabeenzya lyoonse amumuni wamulilo.
15 #
Kul 17:1-7; My 20:2-13; Int 105:41; Is 41:18 Wakaandula indomba munkanda,
Wabanywisya loko mbuli kumaanzi malamfu.
16Wakagwisya tulonga mugala,
Mane maanzi akakunka mbuli milonga,
17 #
Heb 3:16
Nekubaboobo kabacimubisizya;
Bakapapila Mupatikampatila munkanda.
18 #
Kul 16:2-15; My 11:4-23,31-35 Bakasunka Leza mumyoyo yabo
Kukukumbila zilyo nzibakasukeme.
19 #
My 11:4
Bakasampaula Leza, bati,
Sa Leza ulakonzya kutubambila zyakulya munkanda?
20 #
Kul 17:6; My 20:11 Wakauma igala, lino maanzi akatuntumuka;
Milonga yakapaya,
Sa ulakonzya kutupa cilyo acalo?
Sa ulabambila bantu bakwe nyama?
21Mpawo Jehova naakamvwa, wakakalala,
Mulilo wakayakila Jakobo,
Bukali bwakabukila Israyeli.
22 #
Heb 3:10
Nkaambo kabatazuminini Leza,
Kabatasyomi lufutuko lwakwe.
23 #
Matl 7:11; Dt 28:12 Nekubaboobo wakalailila mayoba,
Wajula milyango yakujulu,
24 #
Neh 9:15,20; Joh 6:31; 1 Kor 10:3 Wabawisizya zilyo zya-Mana,
Wabapa maila aakujulu,
25Bantu bakaiya zilyo zyabaangelo;
Wakabatumina zilyo zyakubakutya.
26Kujulu wakaungya muuwo wakujwe;
Wakeenzya muuwo wakumusanza kunguzu zyakwe.
27Wakabawisizya nyama mbuli lusuko,
Bayuni banji mbuli musee wakulwizi.
28Wakabalosya mukati kamalabba aabo,
Kumbali lyazilao zyabo.
29Lino bakaiya, bakuta loko.
Wakabapa ncibakasukeme.
30Pele kusukama kwabo nekwatakalina kumana,
Zilyo nezyakali mukanwa lyabo,
31Bukali bwa-Leza bwakababukila,
Nkabela wakajaya baneneede akati kabo,
Wanyonyoona balombe babotu ba-Israyeli,
32Nekubaboobo kabaciya bubisya,
Kabatazuminini malele aakwe.
33Nkaambo kako wakamanizya mazuba aabo mbuli muuya wakufulida;
Myaka yabo yakali kumana mubuyoofu.
34 #
My 5:15
Kufumbwa ciindi naakabajaya bakamuyandaula;
Bakaboola kupangika myoyo yabo kulinguwe;
35Bakaibaluka kuti Leza nindomba yabo,
Leza Mupatikampatila ngu-Munununi wabo.
36 #
Ezk 33:31
Pele bakamoongelezya amilomo yabo,
Bakamweena kundimi zyabo.
37 #
Inc 8:21
Myoyo yabo teeyakasyomeka,
Teebakakakatila kucizuminano cakwe.
38 #
Kul 34:6; Neh 9:17; Int 86:15; 1 Bam 21:29; Mik 7:18; Rom 2:4 Pele walo, mbazwide luzyalo, wakabalekelela,
Taakwe naakabanyonyoona.
Kanji-kanji wakapilusya lunyemo lwakwe,
Katabusyi bukali bwakwe boonse.
39 #
Matl 6:3; Joh 3:6; Jak 4:14; Job 7:7,16 Wakayeeya kuti mbantu buyo,
Muuwo uuindilila, uutabooli.
40Kanji-kanji bakamupapila munkanda,
Akumukataazya musokwe.
41Bakali kusunka Leza,
Akukalazya Uusalala wa-Israyeli.
42Teebakayeeya ijanza lyakwe,
Na buzuba obo naakabanununa kuli basinkondonyina;
43Mbwaakacita zitondezyo zyakwe mucisi ca-Egepita,
Amalele aakwe mumyuunda ya-Zoani.
44 #
Kul 7:17-21
Wakasandula milonga yabo kuba bulowa,
Kabatakonzyi kunywa maanzi aayo.
45 #
Kul 8:1-6,20-24 Wakabatumina mazi, akabaluma;
Abasyacande bakabanyonyoona.
46 #
Kul 10:12-15
Wakaabila masozi zilyo zyabo;
Cisozi cakalya inguzu zyabo.
47 #
Kul 9:22-25
Misaansa yabo wakaijazya civulamabwe,
Amikuyu yabo yakaandwa impeyo.
48Wakaaba iŋombe zyabo kucivulamabwe;
Imbelele zyabo lulabo lwakazyaanda.
49 #
Rom 2:8
Wakabawaalila bukali bwakwe buyoosya,
Lunyemo akukalala amapenzi,
Inkamu yabaangelo babi.
50Wakabambila bukali bwakwe inzila.
Takabakasizye lufu.
Wakaaba buumi bwabo kubulwazi.
51 #
Matl 9:22; Kul 12:29 Wakauma bana boonse bataanzi bamucisi ca-Egepita,
Babulombe bwabo boonse muzilao zya-Hamu.
52 #
Kul 13:17-22
Mpawo wakeenzya bantu bakwe mbuli imbelele;
Wakabazulwida munkanda mbuli mweembeli wamatanga.
53 #
Kul 14:26-28
Wakabeenzya kabotu cakutayoowa.
Pele lwizi lwakababbizya basinkondonyina.
54 #
Kul 15:17; Jos 3:14-17 Lino wakabasisya kunyika yakwe iisalala,
Kucilundu neelyakavubide ijanza lyakwe lyalulyo,
55 #
Jos 11:16-23
Wakatanda banicisi kunembo lyabo,
Wakabaabila lukono cakweeleka;
Wakakazika misyobo ya-Israyeli muzilao zyabo,
56 #
Bab 2:11-15
Nekubaboobo kabacikataazya akupapila Leza
Mupati kampatila, Kabatabambi malailile aakwe.
57 #
Ezk 20:27; Hos 7:16 Bakaleyauka cakutasyomeka mbubonya mbuli bamawisaabo,
Bakapambalika mbuli buta bweena:
58 #
Lev 26:30; My 33:52; Dt 12:2 Bakamukalazya azipaililo zyabo zyakuzilundu,
Bakamujazya munyono kuzikozyano zyabo zibezedwe.
59 #
Heb 4:13
Lino Leza naakamvwa, wakakalala;
Wakabasesemwa loko ba-Israyeli.
60 #
1 Sam 4:11; Jer 7:12; Jos 18:1; Jer 7:12-14; 26:6 Lino wakasia cikalilo cakwe caku-Silo,
Cilao ncaakayakide akati kabantu.
61 #
1 Sam 4:4-22; Bab 4:12 Wakaleka inguzu zyakwe kuti zitolwe mubuzike,
Abulemu bwakwe wakabwaaba mumaanza aabasinkondonyina,
62Wakaaba bantu bakwe kupanga;
Wakakalalila lukono lwakwe.
63Mulilo wakasyukutya bakubusi babo,
Abanakalindu babo baka bula lwiimbo lwabwinga.
64 #
Job 27:15
Bapaizi babo bakajayigwa apanga,
Nkabela bamukabafu babo teebakalila.
65 #
Is 42:13
Mpawo Mwami wakabuka mbuli uuzwa muŋonzi,
Mbuli singuzu uuonzomoka nkaambo kawaini,
66Wakauma basinkondonyina, wabatanda,
Wacita kuti babe masampu aalyoonse.
67Lino wakakaka cilao ca-Josefa;
Takasalide musyobo wa-Efraimu;
68Pele wakasala musyobo wabana ba-Juda,
Acilundu ca-Zioni ncaakayandisya.
69 #
1 Bam 6:1
Wakayaka cikombelo cakwe cisumpukide mbuli ijulu,
Mbuli nyika njaakasitikizya cakutamana,
70 #
1 Sam 16:11-12; 2 Sam 7:8; 1 Mak 17:7 Wakasala Davida mulanda wakwe,
Wamugwisya muzimpati zyambelele,
71 #
2 Sam 5:2; 1 Mak 11:2; Mik 5:2-4; Zek 11:4 Wamugwisya kukweembela zinyonsya,
Kuti alele bantu bakwe ba-Jakobo, a-Israyeli lukono lwakwe,
72 #
1 Bam 9:4
Nkabela kabalela mukusyomeka kwamoyo wakwe,
Kabeenzya mubuuza bwamaanza aakwe.
Currently Selected:
Intembauzyo 78: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
