Intembauzyo 77
77
Kumupati wabasikwiimba. Lwiimbwe mbuli lwiimbo lwa-Jedutuni. Intembauzyo ya-Asafu
1Ndakwiilila Leza ajwi lyangu,
Ndakwiilila Leza, kuti andiswiilile.
2 #
Int 50:15; Is 26:9 Mubuzuba bwamapenzi aangu ndakayandaula Mwami;
Ciindi camasiku ndatambika maanza aangu cakutaleka;
Moyo wangu wakakaka kuumbulizigwa.
3Na ndaibaluka Leza, ndatongela;
Na ndamuyeeya, ndalengauka.
Sela.
4Ulapa meso aangu cilabila;
Mukupenga kwangu ndakacilwa kwaamba,
5 #
Dt 32:7; Int 14:5; Is 51:9 Ndayeeya mazuba aakalekale,
Myaka yakamana.
6Ndaamba mumoyo wangu masiku,
Ndayeeya, ndalingula muuya wangu.
7Sa Mwami ulasowa lyoonse?
Sa takonzyi kubotelwa limbi?
8 #
Is 27:11; Joh 2:4; My 23:19; Jer 15:18; Rom 9:6 Sa luzyalo lwakwe lwamaninina?
Sa zisyomezyo zyakwe zyaleka kukabe kutamani?
9 #
Is 49:15
Sa Leza waluba kufwa buuya?
Sa wasinkilizya luse lwakwe nkaambo kakukalala?
Sela.
10 #
Job 42:3; Int 31:22; Jer 10:19 Ndakati, Ncencico buusu bwangu.
Ijanza lyalulyo lya-Mupatikampatila lyasanduka.
11 #
1 Mak 16:12; Int 28:5; Is 5:1 Njiibaluke milimo ya-Jehova,
Njeeye malele aakwe aaciindi.
12Mbike moyo wangu kuncito zyako zyoonse,
Akuyeeya-yeeya milimo yako yakalekale.
13 #
Int 73:17
O Leza, inzila yako yasalalisya.
Nguni muzimu mupati mbuli Leza?
14Nduwe Leza oocita malele.
Wa tondezya inguzu zyako akati kamasi.
15Nduwe wakanununa bantu bako akuboko kwako,
Bana ba-Jakobo aba-Josefa.
Sela.
16 #
Kul 14:21; Jos 3:15,16 Maanzi akakubona, O Leza;
Maanzi akakubona, akayoowa;
Ibbonze lyalwizi lyakakankama.
17Mayoba akapoomona maanzi,
Mujulu mwakamvwigwa mizumo,
Mivwi yako yakali kweendeenda.
18Ijwi lyamizumo yako lyakali mukambizi,
Malabo akamunika nyika,
Luwa lwakakankama akuteketa.
19 #
Hab 3:15; Kul 14:28; Job 37:23 Inzila zyako zyakali mulwizi,
Kweenda kwako kwakali mumaanzi malamfu,
Pele mikondo yako teeyakaboneka.
20 #
Is 63:11
Wakeenzya bantu bako mbuli imbelele
Kujanza lya-Musa alya-Aroni.
Currently Selected:
Intembauzyo 77: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
