Intembauzyo 76
76
Kumupati wabasikwiimba. Lwiimbo lwakulizya atuntimbwa. Intembauzyo ya-Asafu. Lwiimbo
1Leza ulizibidwe mucisi ca-Juda,
Izina lyakwe ndipati mu-Israyeli.
2Cilao cakwe cili mu-Salemu,
Cikalilo cakwe cili mu-Zioni.
3 #
Int 46:9; Ezk 39:9 Nkonkuko nkwaakatyolawida mivwi iimweka-mweka yabuta,
Antobo, ama panga, azilwisyo.
Sela.
4 #
Ezk 38:12
Yebo ulayoosya,
Uli abulemu kwiinda zilundu ziteeli.
5 #
Is 46:12; Int 13:3; Jer 51:39 Bayumumyoyo basaalwa, boona muŋonzi zyabo;
Boonse basinguzu balengauka kumaanza aabo.
6 #
Kul 15:1; Nah 2:13; Zek 12:4 Kukutapatila kwako, O Leza wa-Jakobo,
Inkalaki ambizi zyoonse zyoonenena.
7 #
Nah 1:6
Yebo ncobeni ulayoosya!
Ngwani uukonzya kwiima kubusyu bwako na wakalala?
8Kuzwa kujulu wakaswiilizya kubeteka kwako;
Nyika yakayoowa, yakaumuna,
9Leza naakabuka kukubeteka,
Kuti afutule boonse bapengede baansi,
Sela.
10 #
Kul 9:16
Ncobeni bukali bwabantu bulakutembaula;
Bukali busyeede bulakusekelela.
11 #
Muk 5:4; Int 68:29 Amukonkezye, mupe Jehova Leza wanu;
Boonse bamuzyungulukide balete inkambilizyo kuliyooyo uuyoosya.
12 #
Int 68:35
Ulakosola bukali bwabami,
Ulayoosya bami baansi.
Currently Selected:
Intembauzyo 76: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
