Intembauzyo 75
75
Kumupati wabasikwiimba. Lwiimbwe mbuli lwiimbo lwa-Utanyonyooni. Intembauzyo ya-Asafu. Lwiimbo
1Tulakulumba, O Leza, tulakulumba;
Tulakwiilila izina lyako, tulaluula milimo yako iigambya.
2(Leza wakati)
Kuciindi cibikidwe,
Ndabeteka cakululama.
3 #
Heb 1:3
Na nyika yadadalika abantu bayo,
Ndime ndabamba ziimikilo zyayo.
Sela.
4Ndaambila basikulisumpula kuti, Mutalisumpuli;
Abasizibi ndabaambila kuti, Mutabusyi meja aanu;
5Mutabusyi meja aanu kujulu,
Mutaambi cakuliyumya insingo.
6Nkaambo teensi kujwe nekuba kumbo,
Alimwi teensi kunkanda, nkokuzwa kusumpulwa.
7 #
1 Sam 2:7; 2 Sam 5:2; Dan 2:21; Lk 1:52 Leza nguubeteka;
Umwi ulamufwinsya, aumwi ulamusumpula.
8 #
Job 21:20; Jer 25:15; Ciy 14:10 Nkaambo mujanza lya-Leza muli inkomeki;
Ilizwide imbote iivwelene iifufumuka,
Ulaungwida umwi aumwi,
Nkabela basizibi boonse banyika bayooinywidilila.
9Pele mebo njookanana lyoonse,
Njooimbila Leza wa-Jakobo intembauzyo.
10Meja oonse aabasizibi njooatyolaula,
Pele meja aabaluleme ayoosumpulwa.
Currently Selected:
Intembauzyo 75: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
