Intembauzyo 74
74
Intembauzyo ya-Asafu
1 #
Int 95:7; Jer 23:1; Ezk 34:8,31; Lk 12:32 O Leza, watusowelanzi cakutamana?
Bukali bwako bulasukilanzi imbelele zyameembelelo aako?
2Ibaluka imbungano yako njowakavuba kalekale,
Njowakanununa kuti ibe musyobo walukono lwako,
Acalo cilundu ca-Zioni mowakakede.
3Vungulula maulu aako kuya kumatongo aakale;
Basinkondoma babisya loko kucikombelo cako.
4 #
Dan 6:27
Basinkondonyoko balabuluma kucibunganino cako;
Babika zitondezyo zyako nkukonya oko.
5Bakali mbuli basikunyampula tuleba
Kukugonka cisaka camisamu.
6Lino zibeze zyaco zyoonse Bakazityolaula atuleba ansando,
7Bakatenta cikombelo cako,
Babisya cikalilo cazina lyako, baciwisizya ansi.
8 #
Int 83:4
Bakaamba mumyoyo yabo kuti,
Atuzipwayaule zyoonse.
Batenta zibunganino zya-Leza zyoonse zyamunyika.
9 #
1 Sam 3:1; Mik 3:6; Mt 16:4 Zitondezyo zyesu tatuziboni;
Tacikwe limbi musinsimi;
Taakwe muntu akati kesu uuzi naayoomana.
10O Leza, batulwisya balaleka lili kusampaula?
Sa basinkondoma balatuka izina lyako lyoonse?
11Wakasizyanzi ijanza lyako lyalulyo?
Ligwisye akaango kako, ubanyonyoone.
12 #
Int 44:4
Nekubaboobo Leza ngu-Mwami wangu waciindi,
Uucita zifutula mukati kanyika,
13 #
Kul 14:21; Is 51:9 Nduwe wakaandula lwizi kunguzu zyako,
Ulapwayaula mitwe yazyuuka zyamumaanzi.
14 #
Kul 17:5,6; My 14:9; My 20:11; Job 41:1; Is 11:16; Is 27:1; Jos 3:13; Int 72:9; Int 104:26; Int 105:41; Hab 3:9; Ciy 16:12 Wakapwayaula mutwe wa-Leviyatani,
Wamwaaba kuti abe zilyo zyabaabo ibakede munkanda.
15Wakadonkaula tusena atulonga;
Wakayuminizya milonga mipati.
16Masiku asikati, zyoonse nzizyako;
Nduwe wakabika izuba anyenyeezi.
17 #
Inc 17:26
Nduwe wakabika migaano yanyika;
Mainza amapeyo, nduwe wakazilenga zyoonse.
18 #
Ciy 16:19
Koyeeya aya, O Jehova: sinkondonyoko wasampaula,
Bantu bafubafuba batukila izina lyako.
19 #
Lwi 2:14; 4:1 Utaabi inziba yako kubanyama bamusokwe;
Utalubi lyoonse buumi bwabapengede bako.
20 #
Matl 17:7; Lev 26:44; Jer 33:21 Yeeya cizuminano cako,
Nkaambo mayubilo aamunyika alizwide lunyonyongano,
21 #
Int 9:18
Bacete batatandwi munsoni;
Batengwana abapengede batembaule izina lyako.
22 #
Is 37:23
Buka, O Leza, ulikoswede makani;
Ingasila bafubafuba mbubasampaula izina lyako lyoonse.
23Utalubi majwi aabasinkondonyoko,
Cikwala cabaabo bakulwisya cikubukila lyoonse.
Currently Selected:
Intembauzyo 74: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
