Intembauzyo 73
73
IBBUKU LYATATU
Intembauzyo ya-Asafu
1Ncobeni Leza mubotu kuba-Israyeli,
Kulibaabo basalala mumyoyo.
2Pele mebo, maulu aangu akaamba kulebwa,
Intaamu zyangu zyakali kufwaafwi kutezeleka.
3Nkaambo ndakafwa ibbivwe kulibasikulisumpula,
Nindakabona coolwe cabasizibi.
4Nkaambo tabakwe zicisa;
Mibili yabo ili kabotu, ilineneede.
5Tabali mumapenzi mbuli bantu bamwi.
Tabaumwi mbuli bantu bamwi.
6 #
Muk 8:11
Nkaambo kako kamikami kababeda bulungu bwamusingo, Lunyonyongano lulibavumbilide mbuli cibaki.
7Meso aabo azimba amafuta;
Myoyo yabo ilifwasukide mumiyeeyo mibi.
8 #
2 Pet 2:18; Jud 1:16 Balasabula, balaamba cabubi;
Balaamba cakulisumpula aalunyonyongano.
9 #
Ciy 13:6
Balanzika milomo yabo kujulu,
Andimi zyabo zileendeenda munyika.
10Aboobo bantu balasanduluka kubatobela,
Tababoni kubija kwabo.
11 #
Job 22:13; Int 94:7 Balaamba kuti, Ino Leza azibe buti?
Sa kuli luzibo ku-Mupatikampatila?
12Ncobeni mbubabede basizibi;
Balilisantide lyoonse, balavuba lubono lunji.
13 #
Job 21:15; Int 24:4; Mal 3:14; Heb 10:19-22 Ma! Candigwasyanzi kusalazya moyo wangu?
Ndasanzizyanzi maanza aangu atakwe kaambo?
14Nkaambo buzuba boonse ndakali kupenzegwa,
Ndakali kutapatilwa lyoonse cifumo.
15Nendakaamba kuti, Njeelede kukanana obo,
Nendakabisizya izyalani lyabana bako.
16 #
Muk 8:17
Nekubaboobo nindakali kuyeeya kumvwisya makani,
Akandikataazya loko,
17 #
Int 77:13
Mane lumwi ndakanjila mucikombelo ca-Leza,
Akuyeeya makani aamamanino aabo.
18Ncobeni ulababika mumasena aatezemuka,
Ulabawisizya mulunyonyooko.
19Mpoonya awo balafwambaana kusaalwa;
Ziyoosyo zilabamaninina.
20Mbuli ciloto, muntu naasinsimuka,
Yebo nobuka, O Mwami, ulasampaula ciwa cabo.
21Moyo wangu nowakalula,
Nindakayaswa mukati kangu,
22Ndakali mbuli munyama uutezi,
Ndakali mbuli iŋombe kubusyu bwako,
23Nekubaboobo tuli ayebo lyoonse,
Ulindijisi kujanza lyangu lyalulyo,
24 #
Is 58:8; Joh 14:3; 2 Kor 5:1 Unoondeenzya alulayo lwako,
Lino kumamanino uyoonditambula mubulemu.
25 #
Is 26:8,9; Hab 3:17,18 Ino ngwani ngunjisi kujulu cita nduwe?
Aalo ansi taakwe umbi ngunjanda.
26 #
Int 84:2
Nekuba kuti mubili wangu amoyo wangu zyamaninina,
Leza ninguzu zyamoyo wangu acaabilo cangu calyoonse.
27Nkaambo boonse batantamuka kuzwa kulinduwe balafwidilila;
Ulanyonyoona boonse basukeme kumbi.
28 #
Heb 10:22
Pele mebo, kulandibotela kuswena kuli-Leza;
Ndakasala Mwami Jehova, abe mayubilo aangu, Kuti nduule milimo yako yoonse.
Currently Selected:
Intembauzyo 73: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
