Intembauzyo 72
72
Intembauzyo ya-Solomoni
1Upe mwami imbeta zyako, O Leza;
Mwana wamwami, umupe bululami bwako,
2 #
Is 11:2
Abeteke bantu bako cakululama,
Akukosweda bacete kabotu,
3Zilundu ziletele bantu luumuno,
Atwalo tulundulundu nkaambo kabululami.
4Abeteke bacete babantu,
Afutule bana babapengede,
Apwayaule basikupenzya,
5Aongole mbuli izuba,
Akalilile mbuli mwezi mumazyalani oonse.
6 #
2 Sam 23:4
Abe mbuli imvula iiwida abwizu bumwidwe,
Ambuli miyoba iibombya nyika,
7 #
Is 2:4; Dan 2:44; Lk 1:33 Mumazuba aakwe bululami bukomene,
Aluumuno luvule ciindi coonse mwezi nuuciliwo,
8 #
Kul 23:31; 1 Bam 4:21,24; Int 2:8; Zek 9:10 Bwami bwakwe butandabale kuzwa kulwizi kusikila kulwizinyina,
Akuzwa kumulonga kusikila kumagolelo aanyika,
9Abo bamubusizya inkondo bamukotamine,
Abasinkondonyina bamyankute lusuko,
10 #
Is 49:7
Bami ba-Tarisi abakunkomwe zyalwizi bamuletele mutelo,
Bami ba-Syeba aba-Seba balete zipo.
11Bami boonse bamukotamine,
Misyobo yoonse imumanine milimo,
12Nkaambo ulavuna bacete nibakwiila,
Abalo bapengede abaabo babula mugwasyi.
13Bacete abatengwana ulabafwida luzyalo;
Buumi bwabacete ulabufutula.
14Ulanununa buumi bwabo kulupenzyo:
Bulowa bwabo bulayandika mumeso aakwe.
15 #
Mt 6:10
Apone, apegwe ingolida yaku-Syeba;
Akombelwe lyoonse;
Alumbwe buzuba boonse,
16 #
1 Bam 4:20
Maila avule ansi, atala lyazilundu.
Ayoome mbuli lusaka lwaku-Lebano.
Abantu bamuminzi bavule mbuli bwizu bwamusokwe.
17 #
Jer 4:2; Is 45:23,24; Lk 1:48; Flp 2:9-11 Izina lyakwe likalilile lyoonse,
Izina lyakwe linooliwo kufumbwa izuba lyanooliwo.
Bantu balongezegwe nkaambo kakwe;
Misyobo yoonse imulongezye.
18Alumbwe Jehova Leza, Leza wa-Israyeli;
Ngonguwe alike uucita malele.
19Izina lyakwe lyabulemu lilumbwe lyoonse,
Anyika yoonse izule bulemu bwakwe.
Akube boobo! Akube boobo!
20Zyamana zikombyo zya-Davida mwana wa-Jese.
Currently Selected:
Intembauzyo 72: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
