Intembauzyo 65
65
Kumupati wabasikwiimba. Intembauzyo ya-Davida. Lwiimbo
1Kutembaulwa kuleelede nduwe, O Leza, mu-Zioni;
Azyalo zikonkezegwa ziyoozuzikizigwa kulinduwe.
2 #
Lk 11:9,10; Is 66:23 Webo ooswiilila zikombyo,
Bantu boonse bayoosika kulinduwe.
3 #
Heb 9:14
Nekuba kuti zibi zyatuvulila,
Webo ulaziminganya milandu yesu.
4 #
Int 33:12
Uli acoolwe muntu ngosala, ngoswenya kulinduwe,
Kuti akale muŋanda yako.
Tulamwe kububotu bwaŋanda yako,
Intempele yako iisalalisya.
5Kumilimo iiyoosya ulatuvwiila cabululami,
o Leza walufutuko lwesu.
Nduwe bulangizi bwamagolelo oonse aanyika,
Abaabo bali kule kulwizi.
6Nduwe oositikizya malundu kunguzu zyako,
Ulisamide buyumu.
7 #
Mt 8:26
Nduwe ooumuzya kuvuuma kwalwizi,
Kuvuuma kwamayuwe aale,
Alupyopyongano lwabamasi,
8 #
Job 37:5
Nkabela abo bakede kumagolelo aanyika
Balayoowa nkaambo kazitondezyo zyako.
Kubuzwezuba akumabbililo ulabakondezya.
9Ulaswaya nyika, uliipa maanzi,
Uliibotya loko.
Mulonga wa-Leza ulizwide maanzi;
Ulabapa zilyo noibamba obo.
10Ulatesya minkolola yayo,
Ulabambasika mutuntuulu yayo,
Ulaibombya kuluzwaamina,
Ulaipa coolwe cakusyuusya.
11 #
Int 104:3
Ulasakatizya mwaka musini wabubotu bwako,
Mikondo yako ilaswenka mafuta.
12Mafulo aamusokwe alaswenka,
Azilundu zilalisakatizya inkaba zyalukondo,
13Meembelelo alisamide matanga,
Amimpata ilapeka maila.
Zilayobeka akwiimba cakukondezya.
Currently Selected:
Intembauzyo 65: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
