Intembauzyo 66
66
Kumupati wabasikwiimba. Lwiimbo. Intembauzyo
1Amuyobekele Leza cakukondwa, nonyika yoonse;
2Amutembaule bulemu bwazina lyakwe;
Amumulemeke antembauzyo.
3 #
Int 18:44
Amwaambile Leza kuti, Milimo yako ilagambya!
Nkaambo kanguzu zyako zipati basinkondonyoko balalibombya kubusyu bwako.
4 #
Int 67:3
Nyika yoonse ilakukotamina;
Balakutembaula,
Balatembaula izina lyako.
Sela.
5 #
Int 46:8
Amuboole, mubone milimo ya-Leza;
Ulayoosya bantu kukucita kwakwe.
6 #
Kul 14:21; Jos 3:14-17; Int 78:13; Is 63:13,14 Wakasandula lwizi kuba nyika injumu;
Bakazubuka mulenga ama ulu.
Nkukonya oko twakakondelelwa nguwe.
7 #
Int 11:4
Uleendelezya kunguzu zyakwe cakutamana;
Meso aakwe alalangilila bamasi.
Basikupapila batalisumpuli.
8Amulumbe Leza wesu, nobantu;
Alimvwigwe ijwi lyakumutembaula.
9Ngonguwe uutubamba mubuumi,
Uutazumizyi maulu esu kusunzululwa.
10 #
Zek 13:9
Nkaambo webo watusunka, O Leza;
Watusalazya mbubonya mbuli insiliva mbwiisalazigwa.
11Watuteya akakole,
Watulemezya loko mucikungu.
12Wakeenzya basimbizi amitwe yesu,
Twakainda mumulilo amumaanzi,
Pele watusisya mombuzyeenzi.
13 #
Int 116:14,18; Muk 5:4; Joh 2:9 Njoonjila muŋanda yako azipaizyo zyakutenta,
Njoozuzikizya nzendakakonkezya,
14Izyakazwa kumilomo yangu,
Nzindakaamba kuciindi camapenzi aangu.
15Njookutentela zipaizyo zinono,
Antoomwe abweema bwabagutu;
Njoopaizya basune abasijembwe, Sela.
16Amuboole, muswiilile, nyoonse nemuyoowa Leza,
Nkamulwiide nzyaakandicitila.
17Ndakamukwiilila amulomo wangu;
Lulimi lwangu lwakamutembaula.
18 #
Job 11:14,15; Tus 15:29; Is 1:15 Nindakayubika bubi mumoyo wangu,
Mwami naatamvwa.
19Pele ncobeni Leza wakaswiilila,
Wamvwa majwi aacikombyo cangu.
20Alumbwe Leza,
lwatakaka cikombyo cangu,
Na kutandikasya luzyalo lwakwe.
Currently Selected:
Intembauzyo 66: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
