Intembauzyo 64
64
Kumupati wabasikwiimba. Intembauzyo ya-Davida
1Swiilila ijwi lyangu, O Leza, mukukulilila kwangu;
Bamba buumi bwangu kuti ntayoowi basinkondoma.
2 #
Int 143:9
Ndiyubika kubuvwiyi bwabasizibi,
Akulupyopyongano lwabaabo bacita bubi,
3 #
Int 57:4
Banona indimi zyabo mbuli mapanga,
Bafusa majwi aalula mbuli mivwi,
4Kuti bafuse baluleme mumayubilo aabo;
Mpawo balafusa cakutayoowa.
5Balakakatila kumakanze mabi;
Balaambaula aakuteya kakole;
Balati, Ino ngwani uukonzya kukabona?
6Balavwima zibisizya, bati,
Twalondola makani, twavwima loko.
Nkaambo miyeeyo yamoyo wamuntu milamfu.
7Pele Leza uyoobafusa mivwi yakwe,
Nkabela uyooboongomokela kubayasa,
8 #
Tus 12:13
Indimi zyabo beni ziyoobalebya,
Nkabela boonse baba bona bayoocija.
9Lino bantu boonse bayooyoowa,
Bayooluula milimo ya-Leza,
Akumvwisya nzyaakacita.
10 #
Int 32:11; Flp 4:4 Baluleme basekelele Jehova akuyuba mulinguwe;
Baololokede myoyo balikankaizye.
Currently Selected:
Intembauzyo 64: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
