Intembauzyo 59
59
Kumupati wabasikwiimba. Lwiimbwe mbuli lwiimbo lwa-Utanyonyooni, Intembauzyo ya-Davida yakuciindi eco Saulo naakatuma bantu kukulindila iŋanda yakwe kuti bamujaye
1Undivune kulibasinkondoma, O Leza wangu,
Unditabilile kulibaabo bandibusizya inkondo.
2Undivune kulibasizibi,
Undifutule kulibasimalowa.
3 #
1 Sam 26:18
Nkaambo balalindila buumi bwangu,
Basinguzu babungana kuti bandilwisye.
Tuuli mulandu wangu, naa cibi cangu, O Jehova.
4Balazuzaana kundibambila mebo nentakwe kaambo.
Buka, undigwasye, ubone.
5 #
Dan 4:35
Webo, O Jehova Leza wamakamu, nduwe Leza wa-Israyeli,
Buka, upe bamasi mulandu;
Abaabo bakanza bubi, utabafwidi insoni, naba omwe.
6Balaboola kumabbililo aazuba,
Balawuula mbuli babwa,
Balazyunguluka munzi.
7Bona! Balatutumuka amulomo wabo;
Mapanga ali mumilomo yabo.
Balati, Ino ngwani uumvwa?
8 #
Int 2:4; Tus 1:26 Pele webo, O Jehova, ulabaseka,
Ulasampaula bamasi boonse.
9O Inguzu zyangu, njookutembaula,
Nkaambo Leza niŋanda yangu indamfu.
10Leza wangu ulanditabilila aluse lwakwe,
Leza ulandibonya mbunjanda kulibasinkondoma.
11 #
Matl 4:12,13 Utabafwidi luzyalo, kuti bantu bangu batalubi.
Ubamwaye kunguzu zyako, ubafwinsye,
O Mwami intobo yesu.
12Nkaambo kazibi zyakumilomo yabo amajwi ngebaamba,
Bacegwe mukulisumpula kwabo.
Nkaambo kamatusi azyakubeja nzebaamba,
13Ubanyonyoone cabukali,
Ubanyonyoone kuti batabi limbi,
Kuzibwe kuti Leza nguuendelezya Jakobo,
Kusikila kumamanino aanyika.
Sela.
14Balaboola kumabbililo aazuba,
Balawuula mbuli babwa,
Balazyunguluka munzi.
15Balazumba kukuyandaula zilyo;
Na babula kukuta, balavuluma.
16Pele mebo njooimba aanguzu zyako,
Njootembaula luse lwako kulwiimbo lwacifumo;
Nkaambo wakandibeda iŋanda indamfu,
Amayubilo kubuzuba bwamapenzi aangu.
17O Inguzu zyangu, njookutembaula,
Nkaambo nduwe iŋanda yangu indamfu,
O Leza, Leza uundifwida luzyalo.
Currently Selected:
Intembauzyo 59: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
