Intembauzyo 60
60
Kumupati wabasikwiimba. Lwiimbwe mbuli lwiimbo lwa-Susani-Eduti. Intembauzyo ya-Davida yakuciindi eco naakali kulwisya bantu ba-AramuNaharaimu aba-Aramu-Zoba; Joabu naakaboola akujaya ba-Edomu bali zyuulu zili ikumi azibili mumumpata wa-Munyo
1O Leza, watusowa, watumwaya;
Watukalalila; utuboozye alimwi.
2Wakankamya nyika, waiandaula;
Sinka nanz! zya yo, nkaambo ilateketa,
3Wabonya bantu bako makataazyo,
Watunywisya zyakunywa zitudadalisya.
4 #
Is 11:10
Abo bakulemeka wabapa ndembela,
Kuti bacije kulinjiyo kuzwa kulibasimata.
Sela.
5 #
Int 108:6
Bayandwi bako bavunwe!
Utufutule ajanza lyako lyalulyo akutuvwiila,
6 #
Int 89:35; Matl 12:6; Jos 13:27 Leza waamba mubusalali bwakwe kuti,
Ncobeni njookondwa akwaabanya Sekemu,
Njooabila ikuti lya-Sukoti,
7 #
Dt 33:17; Matl 49:10 Gileadi nguwangu, Manase nguwangu;
Efraimu ningowani yamutwe wangu,
Juda ngumusako wangu wabwami.
8Moabu ncisambilo cangu;
Ndawaalila Edomu insangu zyangu;
Ku-Filistiya ndoonzomoka cakuzunda,
9Ngwani uuyootuleta kumunzi muyumu?
Ngwani uuyootunjizya mu-Edomu?
10 #
Int 44:9
Sa yebo tokwatusowa, O Leza?
Tosindikili impi zyesu, O Leza.
11Utugwasye kulibasinkondoma,
Nkaambo lugwasyo lwabantu ndwabuyo.
12 #
1 Mak 19:13
Muli-Leza tuyoocita canguzu,
Nkaambo nguwe uuyoolyataula basinkondoma.
Currently Selected:
Intembauzyo 60: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
