Intembauzyo 58
58
Kumupati wabasikwiimba. Lwiimbwe mbuli lwiimbo lwa-Utanyonyooni. Intembauzyo ya-Davida
1Sa ncobeni mulaamba bululami, nobasilutwe?
Sa mulabeteka makani kabotu, nobana babantu?
2 #
Int 94:20
Pe, mumyoyo yanu mulacita cabubi,
Mulaabila nyika lunyonyongano lwamaanza aanu.
3 #
Int 51:5
Basizibi balapenzya akuzwa mumala,
Bazyalwa buyo balabisya, baya bwaamba zyakubeja.
4 #
Int 140:4
Buyoka bwabo buli mbuli buyoka bwanzoka;
Bali mbuli cipile cimpamya musinkematwi,
5Uutaswiilila ijwi lyamunanga,
Uuindauka muziinda zyakwe.
6 #
Job 4:10
Tyolaula meno aabo, O Leza, mumilomo yabo;
Nonkola ba cibanda babalavu, O Jehova.
7Bamaninine mbuli maanzi aafwamba kuyuminina,
Balyataulwa akupusama mbuli bwizu.
8Babe mbuli inkumba iienzunuka ninyeenda,
Ambuli kana kasowegwa kataboni izuba.
9 #
Tus 10:25
Zilongo zyanu nizitana kumvwa inkasaalo yatukuni,
Nituba tutete nituba tuyaka, ulabatola mbuli kambizi.
10 #
Dt 32:42; Job 22:19; Int 18:47; Tus 10:11; Ciy 18:20 Mululami uyookondwa kukubona kuliya inkoto,
Ulasanzya maulu aakwe mubulowa bwabasizibi.
11 #
Rom 2:6-11; Job 34:11; Muk 5:8; Jer 32:19; Ezk 7:27; Rom 14:12; Ciy 2:23 Lino bantu bayooamba kuti, Ncobeni baluleme balajana bulumbu,
Ncobeni nkwali Leza uubeteka nyika.
Currently Selected:
Intembauzyo 58: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
