Intembauzyo 57
57
Kumupati wabasikwiimba. Lwiimbwe mbuli lwiimbo lwa-Utanyonyooni. Intembauzyo ya-Davida yakuciindi eco naakayubide Saulo kumpangala
1 #
Is 26:20
Undifwide luzyalo, O Leza, undifwide luzyalo,
Nkaambo ndayubila mulinduwe.
Ndayubila muceenzule camababa aako,
Mane lunyonyooko lwiindilile.
2 #
Int 138:8
Ndakwiilila Leza Mupatikampatila;
Leza uundicitila makanze aakwe.
3 #
Int 144:5; 40:11 Kujulu ulatuma, andifutule,
Abo bandivwima ulabausya bweeme.
Sela.
Leza ulatuma luzyalo lwakwe akusyomeka kwakwe.
4 #
Tus 30:14; Int 64:3 Ndilede akati kabalavu,
Balidilila bana babantu.
Meno aabo masumo amivwi,
Indimi zyabo mapanga aabosya.
5 #
Int 108:5
Lisumpule, O Leza, kwiinda ijulu;
Bulemu bwako busumpulwe kwiinda nyika yoonse.
6 #
Int 9:15
Bateya maulu aangu kakole,
Moyo wangu walenda. Bandisida cilindi,
Pele bawida mukati kaco beni.
Sela.
7 #
Int 108:1
Moyo wangu ulaanzikidwe, O Leza;
Moyo wangu ulaanzikidwe.
Njooimba akutembaula.
8 #
Bab 5:12
Buka, O muuya wangu;
Amubuke, O kantimbwa anamalwa.
Mebo ndemwini ndafumisya kubuka,
9Njookuulumba, O Mwami, akati kabantu;
Njookutembaula akati kabamasi.
10 #
Int 108:4
Nkaambo luzyalo lwako ndupati, lulasika akujulu,
Busyomeki bwako bulasika akumayoba.
11Lisumpule, O Leza, kwiinda ijulu;
Bulemu bwako busumpulwe kwiinda nyika yoonse.
Currently Selected:
Intembauzyo 57: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
