Intembauzyo 56
56
Kumupati wabasikwiimba. Lwiimbwe mbuli lwiimbo lwanziba yakumabanga aakule. Intembauzyo ya-Davida yakuciindi eco ba-Filisti nibakamujata ku-Gati
1 #
Int 31:9
Undifwide luzyalo, O Leza, nkaambo bantu balandivwima.
Ciindi coonse balandipenzya kukundilwisya.
2 #
Int 57:3
Basinkondoma balandivwima ciindi coonse,
Nkaambo mbanji bandilwisya cakulisumpula.
3 #
1 Sam 30:6; 2 Mak 20:3 Kuciindi cakuyoowa
Ndasyoma nduwe,
4 #
Heb 13:5,6 Leza, ndatembaula ijwi lyakwe,
Leza ngunsyoma cakutayoowa.
Ino bantususu bandicitenzi?
5Buzuba boonse balavwelenganya majwi aangu,
Miyeeyo yabo yoonse njakundibisizya.
6 #
Inc 4:27,28 Babungana antoomwe, bayuba,
Batobela intaamu zyangu,
Mbubavwima buumi bwangu.
7Kobabweedezezya Junyonyooko lwabo;
Tontaika bamasi cabukali, O Leza.
8 #
Mal 3:16
Ulibwene kuzingwa kwangu.
Bika misozi yangu munsazi yako,
Sa tiilembedwe mubbuku lyako?
9 #
Is 8:9,10 Basinkondoma bayoopilusigwa
Mubuzuba bwakukwiilila nduwe.
Ndizi obo, nkaambo Leza uli kulindime.
10Leza, ndatembaula ijwi lyakwe;
Jehova, ndatembaula ijwi lyakwe;
11Leza ngunsyoma cakutayoowa.
Ino bantususu bandicitenzi?
12 #
Int 116:14-16
Nzendakapinga kulinduwe, O Leza, ndazicita.
Ndatuula zyakulumbya.
13 #
Job 33:30
Nkaambo wavuna buumi bwangu kulufu,
Amaulu aangu kukudadalika,
Kuti njende kubusyu bwa-Leza Mumumuni wa-Leza.
Currently Selected:
Intembauzyo 56: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
