Intembauzyo 55
55
Kumupati wabasikwiimba. Lwiimbo lwakwiimba atuntimbwa. Intembauzyo ya-Davida
1Cenjeka kutwi kwako kucikombyo cangu, O Leza;
Utayubi kukukumbila kwangu,
2Undiswiilile akundivwiila;
Ndazingwa mumapenzi aangu, ndatongela buyo;
3Nkaambo kajwi lyabasinkondoma,
Nkaambo kakupenzegwa kulibasizibi,
Nkaambo balandiyumbila zyabubi,
Amubukali bwabo balandisula.
4 #
Int 102:3-5; Mt 26:37,38; Joh 12:27; 2 Kor 1:8-10 Moyo wangu ulaciswa loko mukati kangu;
Buyoofu bwalufu bwandisikila.
5Kuyoowa akukankama zilindijisi,
Ndafwa mutempwe.
6Ndakati, Necabota nendajisi mababa mbuli inziba,
Nguluke kuya kuyoolyokezya.
7Ncobeni nendaya kule,
Nendaya kuyookala munkanda. Sela.
8Nendalijanina mayubilo,
Nendacija muuwo uungisya amayoba.
9Ubalye, O Mwami; ubapambukanye kundimi zyabo;
Nkaambo ndibwene lutuzi ankondo mumunzi.
10Isikati amasiku balazyunguluka amalambo aawo;
Bubi alunyonyongano zili mukati kawo.
11Lunyonyooko luli akati kawo;
Luuni alweeno tazimani mumasambalilo aawo.
12Nkaambo tali sinkondoma uundisampaula;
Kwaakuli boobo natakwe kaambo,
Teensi oyo uundisulide uulisumpula kundilwisya;
Nekwali boobo, nendamuyuba.
13 #
2 Sam 15:12
Pele nduwe, muntu ngotweelene awe,
Mweenzuma ngotuzibilene awe.
14Katwaambaula kabotu antoomwe,
Katweenda ankamu muŋanda ya-Leza,
15 #
My 16:30
Lufu lubajate,
Baye mbaumi kubusangu,
Nkaambo zibi muzili mumaanda aabo amukati kabo.
16Pele mebo njookwiilila Leza,
Lino Jehova uyoondivuna.
17 #
Dan 6:10; Lk 18:1; Inc 3:1 Igoko acifumofumo asikati njootongauka akutongela,
Lino uyooswiilila ijwi lyangu
18 #
2 Mak 32:7
Ulandinununa aluumuno,
Kunkondo njendilwisya,
Nkaambo banji bandibusizya inkondo,
19 #
Dt 33:27
Ulabaswiilila akubabombya,
Oyo uuliwo lyoonse,
Sela.
Nkaambo tabasanduki, Tabayoowi Leza.
20Watambika maanza aakwe kuliyooyo iwakakede aluumuno, Wasampaula cizuminano.
21Mulomo wakwe wakalisyuukide mbuli maumba,
Pele mumoyo wakwe kamuli inkondo.
Majwi aakwe akalibombede mbuli mafuta,
Nekubaboobo akali mapanga aasomwedwe.
22 #
Int 37:24
Bika makani aako oonse mumaanza aa-Jehova, lino ulakutabilila; Lyoonse takooyoozuminina baluleme kuwida mumapenzi.
23Pele yebo, O Leza, uyoobawisizya mucilindi calunyonyooko, Basibulowa abasilweeno tabakooyoomana acisela camazuba aabo. Pele mebo njoosyoma nduwe.
Currently Selected:
Intembauzyo 55: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
