Intembauzyo 50
50
Intembauzyo ya-Asafu
1Leza, Leza Jehova, waamba.
Waita nyika, kuzwa kubuzwezuba kusikila kumabbililo.
2Ku-Zioni, busena butaindwi mububotu,
Leza wamweka.
3Leza wesu weza, taumuni,
Mulilo ulasyukutya kunembo lyakwe,
Mumbali lyakwe mulavuuma loko,
4 #
Mik 6:1,2 Uloongolola majulu,
Ayalo nyika, kuti abeteke bantu bakwe,
5 #
Is 13:3; 1 Kor 6:2; 1 Tes 3:13; Jud 1:14; Kul 24:7; Is 59:20,21; Heb 8:6 Amundiyobolwede basalali bangu,
Abo mbetutangene abo cizuminano kukupaizya.
6Majulu alaluula bululami bwakwe,
Nkaambo Leza mwini nguubeteka,
Sela.
7Amuswiilile nobantu bangu, ŋambe;
Teelela O Israyeli, nkubike kaambo;
Ndime Leza, Leza wako.
8Teensi nkaambo kazipaizyo zyako ncendakutapatilila pe.
Zituuzyo zyako zitentwa zili kubusyu bwangu lyoonse.
9 #
Is 43:23; Mik 6:6; Inc 17:25 Nsikootambula mucende naba omwe kuŋanda yako,
Naba sijembwe kuzimpati zyako.
10Nkaambo banyama boonse bamusokwe mbibangu,
Aŋombe zili kuzilundu zili cuulu.
11Ndibezi boonse bayuni bakumalundu,
Azintu zyoonse zyeendeenda musokwe nzizyangu.
12Nendakafwa inzala nentakwaambila,
Nkaambo nyika njiyangu azyoonse zili mulinjiyo.
13Sa ndalya nyama yabacende?
Sa ndanywa bulowa bwabasijembwe?
14 #
My 14:2
Kulumba kube cipaizyo cako kuli-Leza
Uliye nzowapinga ku-Mupatikampatila,
15 #
Job 22:27; Int 22:23; Mt 5:16; Joh 15:8 Lino undikwiilile mubuzuba bwamapenzi,
Nkabela njookuvuna.
16Pele sizibi Leza ulamwaambila kuti,
Uli abulemunzi kuya buluula milumbe yangu,
Nanka kwaamba cizuminano cangu amulomo wako?
17 #
Tus 1:7; 5:12,13; Rom 2:21; 2 Tes 2:10-12 Nkaambo ulisulide kulayigwa,
Ulasowa majwi aangu kusule lyako.
18 #
Rom 1:32
Na wabona sikubba, ulabotelwa kulinguwe,
Abasibwamu ulavwelana abo.
19Ulalekelela mulomo wako kububi,
Alulimi lwako luleena.
20Ulakala akuvwiya munyoko,
Ulalengelela mwana wabanyoko kaambo.
21 #
Muk 8:11; Rom 2:4 Ezi zyoonse wazicita, nkabela ndakaluumwide.
Lino wakali kuyeeya kuti ndili mbuli nduwe,
Pele lino ndakukona,
Ndabamba makani mbwaabede kumeso aako.
22Amuyeeye aya makani, nyoonse nomuluba Leza,
Kuti ntamukwamauni nekwabula sikuvuna.
23Uupaizya kulumba nguundilemeka,
Ayooyo uubamba inzila yakwe
Njoomubonya lufutuko lwa-Leza.
Currently Selected:
Intembauzyo 50: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
