Intembauzyo 51
51
Kumupati wabasikwiimba. Intembauzyo ya-Davida yakuciindi eco Natani musinsimi naakasika kulinguwe naakazwa kucita bwaamu a-Bateseba
1 #
Kol 2:14
Kondeetelela, O Leza, mbubonya mbuli luzyalo lwako,
Muluse lwako lupati ziminganya milandu yangu,
2 #
Ezk 36:25; Zek 13:1; 1 Kor 6:11; Heb 9:14; 1 Joh 1:7; Ciy 1:5 Undisanzisye kumilandu yangu,
Akundisalazya kuzibi zyangu.
3 #
Int 32:5
Nkaambo ndaziba milandu yangu,
Azibi zyangu zili kumeso aangu lyoonse.
Nduwe olike ngundabisizya,
Ndacita zibi kumeso aako,
Aboobo uliluleme mumajwi ngoamba,
4 #
Rom 3:4; Lk 15:21; Matl 39:9 Uliluzi mukubeteka kwako,
5 #
Job 14:4; Joh 3:6; Rom 5:12 Ncobeni ndakazyalwa mumilandu,
Amuzibi bama mobakandiminta.
6Ulayanda busyomeki bwamukati;
Kondizibya busongo mumoyo wangu uusisidwe.
7Undisalazye amusamu wahisopo, kuti nsalale;
Undisanzye, nkatube buu kwiinda nyengenge.
8Undizuzye lukondo alusekelelo,
Kuti zifuwa nzowapwaya zikondwe.
9Sisa busyu bwako kuzibi zyangu;
Ziminganya milandu yangu yoonse,
10 #
Tus 20:9; Jer 13:27; Ezk 11:19; Inc 15:9; Ef 2:10 Undipe moyo uusalala, O Leza;
Ulengulule muuya uululeme mukati kangu.
11 #
Matl 4:14; Ezk 36:27; Rom 8:9 Utandisowi kuzwa kubusyu bwako;
Utandinyanzyi Muuya wako Uusalala.
12 #
Rom 8:15; 2 Kor 3:17 Undiboozezye lukondo lwalufutuko lwako,
Akundipa moyo wabusungu wakundiyumya.
13Lino njooiiyisya basinsotoko inzila zyako,
Abasizibi bayoopiluka kulinduwe.
14Undivune kumulandu wabujayi, O Leza, Leza walufutuko lwangu,
Lino lulimi lwangu luyooimba cakusekelela bululami bwako,
15O Mwami, asamuna mulomo wangu,
Nkabela milomo yangu iyoobusya kutembaulwa kwako.
16Nkaambo toyandi cipaizyo; nekwali boobo nendakupa;
Tobotelwi kuzituuzyo zitentwa.
17Cipaizyo ncayanda Leza muuya uutyokede;
Moyo uupengede akweempwa tokuusampauli, O Leza,
18Citila Zioni bubotu mukukondwa kwako;
Yakulula malambo aa-Jerusalemu.
19 #
Mal 3:3
Lino uyookondwa kuzipaizyo ziluleme,
Zituuzyo azipaizyo zitentwa,
Nkabela bayootuula basune acipaililo cako.
Currently Selected:
Intembauzyo 51: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
