Intembauzyo 49
49
Kumupati wabasikwiimba. Intembauzyo yabana ba-Kora
1Amuswiilile aya, nyoonse nobamasi;
Amucenjeke matwi aanu, nyoonse nomukede ansi,
2Nobaniini anobapati,
Nobavubi anobatengwana nyoonse.
3Mulomo wangu ulaamba busongo,
Amiyeeyo yamoyo wangu iyooba abuswini.
4 #
Int 78:2
Njoocenjeka kutwi kwangu kucikozyano,
Njoopandulula kasimpi kangu mukantimbwa.
5Ino njoowenzi mumazuba aabubi,
Luciso lwabasinkondoma nilundizyungulukide,
6Abo basyoma buvubi bwabo,
Akulikankaizizya kuvula kwambono zyabo?
7 #
Mt 16:26
Taakwe muntu uukonzya kunununa mweenzinyina,
Nanka kupa Leza cilubuzyo cabuumi bwakwe,
8 #
Job 36:18
(Nkaambo cinunuzyo cabuumi bwabo tacuuliki,
Aboobo ulacileka lyoonse),
9 #
Heb 9:27; Int 89:48 Kuti apone lyoonse,
Ataboni kabanda.
10Ncobeni ulibwene kuti basongo balafwa,
Bafubafuba abasizizindwe abalo balafwa mbubonya,
Balasiila bambi imbono zyabo,
11Tubanda twabo ngemaanda aabo cakutamana,
Makalilo aabo kutola kumazyalani amazyalani,
Nekuba kuti bakaulika mazina aabo kumyuunda yabo.
12Muntu naba mulemu takalilili,
Uli mbuli banyama bafwidilila.
13Njeeyi inzila yabasikamikami,
Amamanino aabaabo balamwa kucaabilo cabo.
Sela.
14 #
Dan 7:22; Mal 4:3; Lk 22:30; 1 Kor 6:2; 2 Tim 2:12; Ciy 2:26 Balabikwa mbuli imbelele kubusangu,
Lufu lulabeembela.
Balulami bayooba abwami kulimbabo mubuzuba obo,
Inguzu zyabo ziyoomaninina kubusangu, zitabi limbi acikalilo.
15 #
Hos 13:14
Pele Leza uyoonununa buumi bwangu kubusangu, Nkaambo uyoonditambula.
Sela
16Utayoowi na muntu uli ambono zinji,
Na bulemu bwaŋanda yakwe buya bukomena,
17Nkaambo naazoofwa takoozootola cintu;
Bulemu bwakwe tabukooyoomutobela.
18Nekuba kuti walikankaizya mubuumi bwakwe,
Nekuba kuti muntu watembaulwa naajene coolwe,
19Uuyooselukila kubusena bwabamawisi,
Bataboni mumuni lyoonse.
20 #
Muk 3:19-21
Muntu naba mulemu takalilili,
Uli mbuli banyama bafwidilila.
Currently Selected:
Intembauzyo 49: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
