Myeelwe 33
33
Nyendo zyaballa ba-Israyeli
1Ngaaya makani aakweendeenda kwabana ba-Israyeli mbubakeendeenda munyendo zyabo kuzwa kuciindi eco nibakazwa munyika ya Egepita munkamu zyabo kujanza lya-Musa alya-Aroni, 2Musa wakalemba matalikilo aanyendo zyabo mukulailila kwa-Jehova. Matalikilo aanyendo zyabo ngaaya. 3#Matl 47:11; Kul 1:11; 12:37; 12:2; 13:4; Int 105:38; Is 52:12; Kul 14:8Bakanyamuka kuzwa ku-Ramese mumwezi mutaanzi, mubuzuba bwakumi amusanu bwamumwezi mutaanzi, bamane kulya Pasika, nebwakaca ba-Israyeli bakazwa ajanza ijumu mumeso aaba-Egepita boonse. 4#Kul 12:12; 18:11; Is 19:1; Zef 2:11; Ciy 12:8Ba-Egepita bakali mukuzika bana babo bataanzi Jehova mbaakauma akati kabo, Abalo baleza babo Jehova wakababeteka.
5 #
Kul 12:37
Lino bana ba-Israyeli bakanyamuka kuzwa ku-Ramese, baakukala ku-Sukoti. 6#Matl 33:17; Kul 13:20; Jos 13:27; Int 60:6Kuzwa ku-Sukoti bakaakukala ku-Etemu kumbali ankanda, 7#Kul 13:17,18; 14:2,9Lino bakanyamuka kuzwa ku-Etamu, bakaakukala ku-Pihahiroti kujwe lya-Baala-Zefoni, nkabela bakakala kunembo lya-Migidoli. 8#Kul 14:22; 15:22Lino bakanyamuka kuzwa ku-Pihahiroti, bainda akati kalwizi, banjila munkanda, beenda lweendo lwamazuba otatwe munkanda ya-Etamu, baakukala kuMara. 9Kuzwa ku-Mara bakasika ku-Elimu, nkabela ku-Elimu kakuli tusensa twamaanzi tuli ikumi atubili, lino bakayaka zilao nkuko. 10Lino kuzwa ku-Elimu bakaakukala kunkomwe ya-Lwizi Lusalala. 11#Kul 16:1; 17:1Kuzwa ku-Lwizi Lusalala bakaakukala kunkanda ya-Sini. 12Kuzwa kunkanda ya-Sini bakaakukala ku-Dofeka, 13Kuzwa ku-Dofeka bakaakukala kuAlusi. 14#Kul 17:1; 19:2Kuzwa ku-Alusi bakaakukala ku-Refidimu. Nkonkuko bantu nkobakabula maanzi aakunywa. 15#Kul 16:1; 19:1,2Lino kuzwa ku-Refidimu bakaakukala kunkanda ya-Sinai. 16#My 11:34; Dt 9:22Kuzwa kunkanda ya-Sinai bakaakukala ku-KibirotiHatava. 17Kuzwa ku-Kibiroti-Hatava bakaakukala ku-Hazeroti. 18#My 12:16; Dt 1:1Kuzwa ku-Hazeroti bakaakukala ku-Ritima. 19Kuzwa ku-Ritima bakaakukala ku-Rimoni-Perezi. 20#Dt 1:1Kuzwa ku-Rimoni-perezi bakaakukala ku-Libina. 21Kuzwa ku-Libina bakaakukala ku-Risa. 22Kuzwa ku-Risa bakaakukala ku-Kehelata. 23Kuzwa ku-Kehelata bakaakukala kucilundu ca-Seferi. 24Kuzwa kucilundu ca-Seferi bakaakukala ku-Harada. 25Kuzwa kuHarada bakaakukala ku-Makeloti. 26Kuzwa ku-Makeloti bakaakukala ku-Tahati. 27Kuzwa ku-Tahati bakaakukala ku-Tera. 28Kuzwa ku-Tera bakaakukala ku-Mitika. 29Kuzwa ku-Mitika bakaakukala ku-Hasimona. 30#Dt 10:6Kuzwa ku-Hasimona bakaakukala ku-Moseroti. 31Kuzwa ku-Moseroti bakaakukala ku-Bene-Jakani. 32#Matl 36:27; Dt 10:6; 1 Mak 1:42Kuzwa ku-Bene-Jakani bakaakukala kuHori Hagidigadi. 33Kuzwa ku-Hori Hagidigadi bakaakukala ku-Jotibata. 34Kuzwa ku-Jotibata bakaakukala ku-Ebirona. 35#Dt 2:8; 1 Bam 9:26; 22:48Kuzwa ku-Ebirona bakaakukala ku-Ezioni Geberi. 36#My 13:21; 20:1; Dt 32:51; Jos 15:1Kuzwa ku-Ezioni Geberi bakaakukala kunkanda ya-Zini (nkokuti Kadesi). 37#My 20:22,23; 21:4; Ezk 47:19Kuzwa ku-Kadesi bakaakukala kucilundu ca-Hori kumagolelo aanyika ya-Edomu.
38 #
My 20:22-28; Dt 10:6; 32:50 Lino Aroni mupaizi wakatanta mucilundu ca-Hori mukulailila kwaJehova, wafwa nkukonya oko, mumwaka wamakumi one wakupola kwabana ba-Israyeli kuzwa kunyika ya-Egepita, mubuzuba butaanzi bwamumwezi wasanu. 39Nkabela Aroni kajisi myaka iili mwanda amakumi obile aitatu ciindi eco naakafwa kucilundu ca-Hori.
40 #
My 21:1; Bab 1:16 Lino mu-Kanana, mwami wa-Aradi iwakakede ku-Negebi munyika ya-Kanana wakamvwa makani aakuboola kwabana ba-Israyeli.
41Lino kuzwa kucilundu ca-Hori bakaakukala ku-Zalimona. 42Kuzwa ku-Zalimona bakaakukala ku-Punoni. 43Kuzwa ku-Punoni bakaakukala ku-Oboti. 44Kuzwa ku-Oboti bakaakukala ku-Iyebarimu kumagolelo aacisi ca-Moabu. 45#My 32:34Kuzwa ku-Iyimu bakaakukala ku-Diboni Gadi. 46#Jer 48:22; Ezk 6:14Kuzwa ku-Diboni Gadi bakaakukala ku-Alimoni Dibilataimu. 47#My 21:20; Dt 32:49Kuzwa ku-Alimoni Dibilataimu bakaakukala kuzilundu zya-Abarimu kunembo lya-Nebo. 48#My 22:1Lino kuzwa kuzilundu zya-Abarimu bakaakukala kumageze aa-Moabu kunkomwe ya-Jordano kulangene a-Jeriko. 49Nkabela bakayaka zilao zyabo kunkomwe ya-Jordano kuzwa ku-Beti-Jesimoti kusikila ku-Abelisitimu mumageze aa-Moabu.
50Lino Jehova wakaambila Musa kumageze aa-Moabu, kunkomwe ya-Jordano kulangene a-Jeriko, wati, 51#Dt 7:1; 9:1; Jos 3:17Ambila bana ba-Israyeli kuti, Mwazubuka Jordano akunjila munyika ya-Kanana, 52#Kul 23:24; 34:12-17; Dt 7:2-5,25,26; Jos 11:12; 23:7; Bab 2:2muleelede kutanda bantu boonse bakede munyika, kunyonyoona mabwe aazikozyano aabo oonse akunyonyoona zikozyano zyabo zifulidwe zyoonse, akumwaya zyoonse zipaililo zyabo zyakuzilundu. 53#Int 24:1; Dt 10:14; Job 41:11; Dan 4:35Muleelede kuvuba nyika akukala mulinjiyo, nkaambo nyika ndaipa kulindinywe kuti mwiivube, 54#My 26:54-56Nkabela mukaikone nyika kucisolo munzubo zyanu; musyobo munji upegwe caabilo cipati, musyobo muce upegwe caabilo ciniini. Bantu bapegwe zyaabilo kufumbwa mbobawidwa cisolo; amukone mbubonya mbuli misyobo yabamausowanu. 55#Jos 23:13; Int 106:34; Kul 23:33; Ezk 28:24Pele na mwabula kutanda bantu bakede munyika, abo basyaala bayoomubeda mbuli cintu ciyasa mumeso ambuli mamvwa mumabazu aanu, nkabela bayoomupenzya omo munyika momukede. 56Lino ncinjeeya kubacitila, njoocicitila ndinywe.
Currently Selected:
Myeelwe 33: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
