Myeelwe 32
32
Misyobo yobile acisela mbuyakapegzua nyika kujwe lya-Jordano
1 #
My 21:32; Jos 13:25; 2 Sam 24:5; Is 16:8,9 Lino bana ba-Rubeni abana ba-Gadi kabajisi iŋombe zinji loko, nkabela bakabona kuti nyika ya-Jazeri anyika ya-Gileadi nimbotu kukweembelela iŋombe. 2Elyo bana ba-Gadi abana ba-Rubeni bakeza kuzooambila Musa a-Eleazara mupaizi abasilutwe babantu, bati, 3Tulibwene Atarotu, a-Diboni, a Jazerl, a-Nimra, a-Hesiboni, a-Eleale, a-Sebamu, a-Nebo, a-Beoni, 4#My 21:24,34nyika Jehova njaakazunda kubusyu bwabantu baIsrayeli, ninyika imbotu kukweembelela iŋombe, nkabela swebo tobalanda bako tulijisi iŋombe. 5Bakati, Na tulakonzya kujana coolwe kumeso aako, tupegwe nyika ino, swebo tobalanda bako, twiivube; utatuzubusyi jordano.
6Pele Musa wakaambila bana ba-Gadi abana ba-Rubeni kuti, Ma! Sa ncibotu kuti bananyokwe baye kunkondo, nywebo kamukede buyo okuno? 7Nkaambonzi nomuyanda kutyola myoyo yabana ba-Israyeli kuti batainki kunyika Jehova njabapede? 8#My 13:3,17-33; Dt 1:22Mbubonya obo bamausowanu mbobakacita ciindi ceiya nindakabatuma kuzwa ku-Kadesi-Barinea kuyootwela nyika. 9#My 1:10; 13:24,31; Dt 1:24Bakainka kukuti lya-Esikolo, pele nibakamana kubona nyika, bakatyola myoyo yabana ba-Israyeli akubakasya kunjila munyika Jehova njaakabapa. 10#My 14:11; Dt 1:34; Int 95:11; Ezk 20:15; Heb 3:8-19Elyo mubuzuba obo bukali bwa-Jehova bwakabuka, nkabela wakakonkezya kuti, 11#Dt 1:35; My 14:24Ncobeni aba bantu ibakazwa ku-Egepita, boonse bali amyaka iili makumi obile aiindilila, tabakooyoobona nyika njindakasyomezya Abrahamua-Izaka a-Jakobo, nkaambo teebanditobela amoyo woonse, 12#Dt 1:36; Jos 14:8,9; Job 4:7; Int 37:29; Tus 11:31cita Kalebe mwana wa-Jefune mu-Kenizi a-Joshua mwana wa-Nuni abalike, nkaambo mbembabo bakatobela Jehova camoyo woonse. 13#My 14:33; 26:64Bukali bwa-Jehova bwakabukila ba-Israyeli, nkabela wakabatuntulisya munkanda myaka iili makumi one, mane lumwi lyakamaninina izyalani lyoonse lyabaabo ibakabisya mumeso aa-Jehova. 14#Dt 1:34Lino sunu mwabuka nywebo mucibaka cabamausowanu, nosau lyabantu basizibi, kuti muyungizizye alimwi bukali bwa-Jehova mbwakalalila ba-Israyeli. 15#Dt 30:17; Jos 22:16,18; 2 Mak 7:19; 15:2Nkaambo na mwaleka kumutobela, ulabaleka alimwi kabakede munkanda, aboobo mulabanyonyoozya bantu aba boonse.
16Bamvwe obo bakamuswenenena, bati, Tulayakila matanga esu zimpati akuyakila bana besu minzi okuno, 17#Jos 4:12,13pele swebo tulalibambila inkondo, tulazulwida bana ba-Israyeli mane tukabasisye kubusena bwabo. Bana besu balakala muminzi iili ama baya nkaambo kabantu bakede munyika. 18#Jos 22:4Tatukooyooboola kumaanda esu mane bana ba-Israyeli bakamaninine kujana inkono zyabo. 19#Jos 12:1; 13:8Nkaambo tatukooyooba alukono ambabo kutala lyajordano, nkaambo lukono lwesu twalupegwa kale okuno kutala lya-Jordano kujwe. 20#Dt 3:18; Jos 1:14; 4:12,13Lino Musa wakabaambila kuti, Mbubo, na mwazumina kucita obo, na mwazumina kuya kunkondo azilwisyo zyanu kubusyu bwa-Jehova, 21na baalumi boonse akati kanu balazubuka Jordano azilwisyo zyabo kubusyu bwa-Jehova mane bakatande basinkondonyina boonse kubusyu bwakwe, 22#Dt 3:20; Jos 11:23; 18:1; 22:4,9; Dt 3:12; Jos 1:15; 13:8,32anyika yoonse ikazundwe kubusyu bwakwe, musule lyaboobo muyoopiluka kamutajisi mulandu kuli-Jehova akuba-Israyeli, nkabela nyika ino iyooba lukono lwanu kubusyu bwa-Jehova. 23#Matl 4:7; 44:16; Int 140:11; Tus 13:21; Is 3:11; 59:12; Rom 2:9; 1 Kor 4:5Pele na mwakaka kucita obo, mwabisizya Jehova, lino amuzibe kuti ncobeni zibi zyanu ziyoomupilukila, 24#My 32:16,34Mbubo, amuyakile bana banu minzi azimpati zyambelele zyanu, Amucite mbubonya mbuli kwaamba kwanu. 25Nkabela bana ba-Gadi abana baRubeni bakaambila Musa kuti, Swebo tobalanda bako tulacita mbubonya mbwaalailila mwami wesu. 26#Jos 1:14Bana besu, banakazi besu, imbono zyesu aŋombe zyesu zyoonse zilasyaala okuno kuminzi ya-Gileadi, 27#Jos 4:12pele swebo tobalanda bako tulazubuka, umwi aumwi uulibambilide kuya kunkondo, kuyoolwisya kunembo lya-Jehova mbubonya mbuli mwami wesu mbwalailila,
28 #
Jos 1:12-15
Elyo Musa wakalailila Eleazara mupaizi a-Joshua mwana wa-Nuni abasilutwe banzubo zyabana ba-Israyeli kumakani aabo. 29Musa wakabaambila kuti, Na bana ba-Gadi abana ba-Rubeni bazubuka Jordano anywebo, boonse balibambilide azilwisyo, kuti baye kunkondo kunembo lya-Jehova, nyika nimuyooizunda yoonse, muyoobapa nyika ya-Gileadi, baivube. 30Pele na bakaka kuzubuka anywebo, kabalibambilide kunkondo, bayooabilwa lukono akati kandinywe munyika ya-Kanana. 31Nkabela bana ba-Gadi abana ba-Rubeni bakavuwa kuti, Zintu zyoonse Jehova nzyaatwaa-mbila swebo tobalanda bako tulazicita. 32Tulazubuka katulibambilide kunkondo kunembo lya-Jehova kuya kunyika ya-Kanana, nkabela nyika yalukono lwesu ilaba okuno kutala lya-Jordano.
33 #
Dt 3:12; Jos 12:6; 13:8; 22:4; My 21:24; Dt 2:30-35; 3:1-8; Int 135:10,11; 136:18 Aboobo Musa wakabapa, bana ba-Gadi abana ba-Rubeni acisela camusyobo wa-Manase mwana wa-Josefa, cisi ca-Sihoni mwami waba-Amori acisi ca-Ogi mwami wa-Basani, nyika aminzi yayo, minzi yacisi coonse ceengelede, 34#My 33:45; Dt 2:36Lino bana ba-Gadi bakayaka Diboni, a-Atarotu, a-Aroeri, 35a-Atarotu-Sofani, a-Jazeri, a-Jogebeha, 36a-Beti Nimira, a-Beti Harani, minzi iili amabaya azimpati zyambelele, 37Abalo bana ba-Rubeni bakayaka Hesiboni, a-Eleale, a-Kiriyataimu, 38#Is 46:1; My 22:41; Kul 23:13a-Nebo, a-Baalameoni, (pele mazina akasandulwa), a-Sibima. Bakasandula mazina aaminzi njibakayaka. 39#Matl 50:23; My 26:29; Jos 17:1Nkabela bana ba-Makiri mwana wa-Manase bakaya kucisi ca-Gileadi, bacizunda, batanda ba-Amori ibakakede mumo. 40#Dt 3:12; Jos 17:1Lino Musa wakapa Makiri mwana wa-Manase cisi ca-Gileadi, nkabela wakakala nkuko, 41#Dt 3:14; Jos 13:30; 1 Mak 2:21; Bab 10:4; 1 Bam 4:13Alakwe Jairi mwana wa-Manase wakaakuzunda tunzuunzi twabo, watupa izina lyaHavoti Jairi. 42#2 Sam 18:18; Int 49:11Alakwe Noba wakaakuzunda Kenati atunzi tweengelede, wapa cisi izina lya-Noba mbubonya mbuli izina lyakwe.
Currently Selected:
Myeelwe 32: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
