Mika 4
4
Cilengano cabwami bwa-Leza
1 #
Is 2:2; Ezk 17:22; Dan 2:44 Lino kumazuba aaciza, cilundu caŋanda ya-Jehova ciyooimikwa atala lyazilundu akusumpulwa kwiinda tulundulundu toonse, nkabela bantu bayookunka kulincico. 2#Joh 6:45Bantu bamisyobo minji bayooinka cakuti, Amuboole, tutante kucilundu ca-Jehova, tuye kuŋanda ya-Leza wa-Jakobo, nkabela uyootwiiyisya ziyanza zyakwe, tweende munzila zyakwe. Nkaambo mu-Zioni mulazwa Mulao, ajwi lya-Jehova lilazwa mu-Jerusalemu. 3#Is 2:4; Hos 2:18; Int 72:7; Lk 1:33; Joel 3:10Lino uyoobeteka misyobo minji akutapatila mikowa iili anguzu yakule. Nkabela bayoofula mapanga aabo abe maamba aakulimya, amasumo aabo abe zizibyo zyamisamu, Cisi tacikooyoobweza ipanga lyakulwisya cisinyina, nkaambo tabakwe nibayooiiya inkondo limbi pe. 4#1 Bam 4:25; Is 36:16; Jer 31:10; Zek 3:10Banooyookede umwi aumwi mucisiko camusaansa wakwe amumukuyu wakwe, nkabela takukooyooba muntu naba omwe uubayoosya, nkaambo aya makani azwa kumulomo waJehova wamakamu makamu, 5#Jer 2:11; Kul 3:14,15Nkaambo misyobo yoonse ileenda muzina lyamizimu yayo, aswebo tuleenda muzina lya-Jehova Leza wesu lyoonse mane kukabe kutamani.
Kutandwa kwabantu akuboola kssabo
6 #
Is 56:8; Jer 3:18; Ezk 34:13,16; Zef 3:19; Int 147:2 Mubuzuba obo, mbwaamba Jehova, njoobunganya sikwiima-ima, ayooyo uutandidwe njoomuboozya, ayooyo ngundakabisizya, 7#Is 9:6; Dan 7:14; Lk 1:33; Ciy 11:15Sikwiima-ima njoomucita kuti abe inkamu iitamwaikide, ayooyo uutandidwe uyooba cisi cili anguzu, nkabela Jehova nguuyoobeendelezya mucilundu ca-Zioni kuzwa sunu akutamani.
8Uwe nongazi yabutanga, cilundu camwana musimbi wa-Zioni, bulaboola kulinduwe. Bwami butaanzi bulabweeda, bwami bwamwana musimbi wa-Jerusalemu, 9Lino nkaambonzi nolila cakukwiila? Sa nkaambo kakubula mwami? Sa nkaambo kakuti basinkuta bamana nkojatilwa insungo mbuli insungo zyamwanakazi uutumbuka? 10Kuciswa akusunga cakuzyala, O mwana musimbi wa-Zioni, mbuli mwanakazi uutumbuka, nkaambo ulazwa mumunzi akukala musokwe. Ulasika aku-Babuloni, nkabela oko uyoovunwa, Jehova uyookunununa kumaanza aabasinkondonyoko, 11Ciindi ecino misyobo minji yabantu ilakuyobolokela. Balaamba kuti, Anyonyooke! Meso esu abone ncituyanda cicitwa mu-Zioni. 12Pele tabezi miyeeyo ya-Jehova, tabamvwi makanze aakwe. Nkaambo wakabunganya mbubonya mbuli misunta yamaila mbiiletwa kucipolelo. 13#Ciy 21:24Buka, upole, o mwana musimbi wa-Zioni, nkaambo luja lwako njoolucita mbuli butale, ansumba zyako njoozicita mbuli mundalila, elyo uyoopwaya bantu banji. Imbono zyabo uyoozisaalila Jehova, abuvubi bwabo uyoobupa Mwami wanyika yoonse.
Currently Selected:
Mika 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.