Mika 5
5
1 #
Job 16:10; Malo 3:30; Mt 27:30 Lino kolinenga cakulila, nkaambo watusinkila, Mubetesi wa-Israyeli balamuumya musako aseya.
Mwami mupya mbwati zyalzoe
2 #
Matl 35:19; 49:10; Int 132:6; Is 9:6; Int 90:2; Tus 8:22; Joh 1:1; Mt 2:6; Joh 7:42 Pele webo, O Betelehemu-Efrata, nekuba kuti uli muniini buyo akati kamikowa ya-Juda, mulinduwe momuyoozwa uuti kaendelezye ba-Israyeli. Kweendeenda kwakwe nkwakalekale, nkwamazuba aaciindi loko. 3Nkaambo kako uyoobaaba mane kusikila kuciindi cakuzyala cayooyo uuti zyale, elyo babunyina basyeede bayoopiluka kubana ba-Israyeli. 4#Int 72:8; Is 52:13; Zek 9:10; Lk 1:32Uyooima akweembela munguzu zya-Jehova, mubulemu bwazina lya-Jehova Leza wakwe. Nkabela bayookalilila, nkaambo uyooba mupati koonse koonse akusikila kumagolelo aanyika. 5#Is 9:6; Lk 2:14; Ef 2:14; Kol 1:20Ngonguwe uyooba luumuno lwesu, baAsuri nibayoosika munyika yesu akulyataula mumaanda esu aabwami, elyo tuyoobusya beembezi bali musanu ababili abeendelezi bali musanu abatatu bakubalwisya. 6#Lk 1:71; Matl 10:8-11Bayooendelezya cisi ca-Asuri kunguzu zyapanga, acisi caNimrodi apanga lisomwedwe. Nkabela uyootuvuna mumaanza aaba-Asuri nibayoonjila mucisi cesu anibayooendenda munyika yesu.
7 #
Int 110:3
Lino inkamu iisyeede ya-Jakobo iyooba akati kamisyobo minji yabantu mbuli lume luzwa kuli-Jehova, ambuli lunywanywa lutalindili muntu nikuba kwiimina bantu baansi. 8Inkamu iisyeede ya-Jakobo iyooba akati kabamasi, akati kamisyobo minji yabantu, mbuli mulavu akati kabanyama bamusokwe, ambuli syuumbwa akati kamatanga aambelele. Naainda cakulyata acakukwamuna taakwe uukonzya kuvuna. 9Ijanza lyako lisumpulwe cakulwisya basimulandunyoko, abasinkondonyoko boonse banyonyooke.
Leza mbwati kome ba-Israyeli kuti abasalazye
10 #
Zek 9:10
Lino mubuzuba obo, mbwaamba Jehova, njoomanisya imbizi zyako akati kanu, akunyonyoona inkalaki zyako. 11Njoomanisya minzi yamucisi cako akumwaya zitabilizyo zyako. 12Njoomanisya malozi aamumaanza aako, nkabela takooyooba abasondi. 13#Zek 13:2; Is 2:8Alimwi njoomanisya zikozyano zyako zibezedwe amatantilo aako akati kanu, kuti utakombi limbi zibumbwa zyamaanza aako omwini. 14Azyaanda zyako zyoonse njoozinonkola akati kanu, aminzi yako njooinyonyoona. 15Nkabela bamasi batana kuswiilila njoobatemena milandu cabukali acakunyemesya.
Currently Selected:
Mika 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.