Mika 3
3
Milandu yabasolozi abasinsimi babeji
1 #
Jer 5:4,5 Ndakati, Amuswiilile nubasilutwe ba-Jakobo abeendelezi baluzubo lwaIsrayeli. Sa teensi ndinywe numweelede kuziba kubeteka? 2Anukuti ndinywe numusula bubotu akuyandisya bubi. Ndinywe numufunda bantu akukwamuna nyama yakuzifuwa zyabo. 3#Int 14:4Mulalya nyama yabantu bangu, azikanda mulazibbabula kumibili yabo. Mulatyolaula zifuwa zyabo, mulazisabaula mbubonya mbuli zyakujika mucilongo, mbuli nyama iibikidwe mucinabwao. 4#Tus 1:28Caba ciindi bayoolilila Jehova, pele takooyoobavwiila pe, Uyoosisa busyu bwakwe kulimbabo ciindi eco, nkaambo kakubija kwancito zyabo. 5#Is 56:10; Mt 7:15Mbuboobu mbwaamba Jehova aabasinsimi babeji baleesya bantu bangu, balumya meno aabo ciindi cakulila kuti, Luumuno. Kufumbwa muntu uutabiki mumilomo yabo, balalibamba kumulwisya. 6#Ezk 13:23Nkaambo kako mulasikilwa masiku, mutabi acilengano, akujana mudima, kuti mutasondi. Izuba liyoobbilila basinsimi banu, abuzuba buyoobasiila mbi. 7#Int 74:9; Am 8:11Basizilengano bayoofwa bweeme, abasondi bayoopilinganisigwa, Boonse bayoofumba milimo yabo, nkaambo takukooyooba lutyabo lwa-Leza. 8#1 Kor 2:1,4; Is 58:1Pele mebo ncobeni ndizwide inguzu nkaambo ka-Muuya wa-Jehova, Ndizwide lubeteko abukozu bwakwaambila Jakobo milandu yakwe akutapatila Israyeli aazibi zyakwe.
9Amuswiilile nubapati baluzubo lwa-Jakobo abasilutwe baluzubo lwaIsrayeli, inywe numusampaula lubeta akupilinganya bululami boonse, 10numuyaka Zioni abulowa, a-Jerusalemu mulauyaka abubi. 11#Is 1:23; Ezk 22:12; Hos 4:18; Mik 7:3; Jer 6:13; Tit 1:11; 1 Sam 4:5,6; Is 48:2Basilutwe bawo balabeteka cakupegwa makulo, bapaizi bawo balaiisya cakuvola buyo abasinsimi balasondela mali buyo, nekubaboobo balalangila Jehova, balati, Sa Jehova tali akati kesu, Tatukooyoosikilwa bubi. 12#Mik 1:6; Int 79:1; Jer 26:18Lino nkaambo kandinywe Zioni uyoolimwa mbuli muunda. Jerusalemu uyooba malwi malwi, acilundu cantempele ciyooba mbuli kalundulundu kamusokwe buyo.
Currently Selected:
Mika 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.