Matayo 11
11
Mbwaakaamba aa-Johane Mubapatizi
(Luka 7:18-35)
1 #
Mt 7:28; 13:53; 19:1; 26:1 Lino Jesu naakamana kulailila basikwiiya bakwe bali ikumi ababili, wakazwa oko kuti akaiisye akukambauka muminzi yabo.
2 #
Lk 7:18-35
#
Mt 14:3
Lino Johane naakamvwa muntolongo mwakabede milimo ya-Kristo, wakatuma basikwiiya bakwe 3#Mal 3:1; Dan 9:26akumubuzya kuti, Sa nduwe oyo uuza antela ngumbi ngutulangila? 4Nkabela Jesu mukuvuwa kwakwe wakabaambila kuti, Kamuya mukakananine Johane nzimwamvwa akubona. 5#Is 35:5-6; 61:1Boofu balabonununa, zilema zileenda, basicinsenda balasalazigwa, basinkematwi balamvwa, bafu balabusigwa, abacete balakambaukilwa makani mabotu. 6#Mt 13:57; 26:31Nkabela uli acoolwe umwi aumwi uutajani cilebyo mulindime. 7#Mt 3:1,5Lino nibakazwa akwiinka, Jesu wakatalika kwaambila makamu makani aa-Johane, wakati, Ino ncinzi ncimwakaya kuyooebela munkanda? Sa nditete lipeka amuuwo? 8Pele ncinzi ncimwakaya kuyooebela? Sa muntu uusamide zikobela ziteteete? Amulange, abo basamide zikobela ziteteete bali mumaanda aabami, 9#Lk 1:76Pele nkaambonzi mwakaya? Sa nkuyoobona musinsimi? Ncobeni ndamwaambila kuti mupati kwiinda musinsimi. 10#Mal 3:1; Mk 1:2; Joh 3:28Nguwenya uulembedwe boobo, kuti,
Amulange, ndatuma mutumwa wangu kunembo kubusyu bwako,
Kuti abambe inzila yako kunembo lyako.
11 #
Mt 13:17
Ncobeni ndamwaambila kuti akati kabo bazyedwe kubanakazi tana kuzyalwa mupati kwiinda Johane Mubapatizi, nekubaboobo oyo muniini wamu-Bwami bwakujulu mupati kwiinda nguwe. 12#Lk 16:16; 13:24; Joh 6:15Kuzwa kuciindi ca-Johane Mubapatizi kusikila sunu Bwami bwakujulu bwajatwa canguzu, abalo bakali balabujata cabukali. 13Nkaambo basinsimi boonse bakasinsima antoomwe a-Mulao kusikila kwa-Johane. 14#Mt 17:10-13; Mk 9:11-13Alimwi kuti kamuyanda kuzumina, ngooyo Eliya iwakeelede kuboola. 15Umwi aumwi uujisi matwi aakuswiilila aswiilile. 16Pele bantu basunu nkabakozyanisye buti? Balikozyene abana bakede mucisambalilo, baita beenzinyina babo, 17#Tus 29:9bati, Twakamusibila nyeele, nekubaboobo teemwakazyana. Twakaimba zyakulizya, nekubaboobo teemwakalila. 18#Mt 3:4Nkaambo Johane wakeza, katalyi, katanywi, nkabela baamba bati, Ulijisi daimona. 19#Mt 9:14,15Mwana a-Muntu weza, ulalya, ulanywa, nkabela baamba bati, Amulange, sindya, mukolwi, mulongwe wabo basimutelo abasizibi. Nkabela maanu alulamikwa kumilimo yao.
Jesu mbwaakakalalila minzi imwi
(Luka 10:13-15)
20 #
Lk 10:12-15
Elyo wakatalika kukalalila minzi mwakacitila malele aakwe manji, nkaambo kakuti teebakeempwa. 21#Is 23:1-18; Ezk 26:1–28:26; Am 1:9-10; Zek 9:2-4; Jon 3:6Maawe Korazini! Maawe Betsaida! Nkaambo malele ayo aakacitwa mulindinywe kuti naakacitidwe mu-Turo amu-Sidoni, nibeempedwe kalekale akusama masaka atwe. 22Ndamwaambila kuti mubuzuba bwalubeta mulandu wa-Turo a-Sidoni uzooba muniini kwiinda ndinywe. 23#Is 14:13-15; Matl 19:24-28; Mt 4:13; 8:5; 9:1Ayebo Kapernauma, sa uzoosumpulwa kujulu? Pe, uzooseluzigwa kucikalilo cabafwa. Nkaambo malele ayo aakacitwa mulinduwe kuti naakacitidwe mu-Sodoma, nuuciliwo nibuba bwasunu. 24#Mt 10:15; Lk 10:12Ndakwaambila kuti mubuzuba bwalubeta mulandu wa-Sodoma uzooba muniini kwiinda nduwe.
25 #
Mt 6:14,15; 18:35; Lk 12:58,59 #
Lk 10:21,22 #
1 Kor 1:26-29
Kuciindi eco Jesu wakaamba wati, Ndakulumba, Ta, mwami wakujulu aansi, nkaambo wakabasisila makani aya basimaanu abacenjede, wakaavumbwida bana. 26Ee, Ta, nkaambo mbuboobo mbucakabota kumeso aako. 27#Joh 3:35; 1:18; 10:15; Mt 28:18; Flp 2:9Zintu zyoonse ndazipegwa kwa-Taata, nkabela taakwe muntu uuzi Mwana pele Taata alike, alimwi taakwe muntu uuzi Taata pele Mwana, antoomwe amuntu oyo ngwayanda Mwana kumuyubununa.
Jesu mbwatamba boonse balemenwa
28 #
Mt 12:20; Jer 31:25 Amuboole kulindime nyoonse nomukatede nomulemenwa, ndime enti kamulemunune. 29#Jer 6:16Amulikulike ijokwe lyangu, mwiiye kwangu, nkaambo ndilibombede, ndi mutete moyo, lino mulakatulukwa mumyoyo yanu, 30#1 Joh 5:3nkaambo ijokwe lyangu lilibulungusene, awalo mukuli wangu muuba.
Currently Selected:
Matayo 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.