Matayo 10
10
Mbwaakatuma baapostolo
(Marko 6:7-13; Luka 9:1-6)
1 #
Mk 6:7-13; Lk 9:1-5 Lino wakaita basikwiiya bakwe bali ikumi ababili, wakabapa bwami bwakutanda badaimona basofweede akuponya malwazi oonse.
2 #
Mk 3:14-19; Lk 6:13-16; Joh 1:40-49 Ngaaya mazina aabaapostolo bali ikumi ababili: mutaanzi ngu-Simoni uutegwa Petro, a-Andreya mwanike wakwe, a-Jakobo mwanaakwe Zebedayo, a-Johane mwanike wakwe, 3a-Filipo a-Bartolomayo, a-Tomaso a-Matayo simutelo, a-Jakobo mwanaakwe Alifayo, a-Tadayo, 4a-Simoni mu-Kanana, a-Judase Iskariote, nguwenya wakamwaaba, 5Aba bali ikumi ababili Jesu wakabatuma, wakabalailila kuti:
Mutatoli inzila yakulibamasi, nikuba kunjila kumunzi nuuba omwe wabaSamariya, 6#Mt 15:24; Inc 13:46; Jer 50:6pele kamuya kumbelele zisweekede zyamukowa waba-Israyeli. 7#Lk 10:4-12#Mt 4:17; Lk 10:9Nkabela mwanooya bweenda kamunooyookambauka kuti, Bwami bwakujulu buliswenede. 8#Inc 20:33Amuponye balwazi, amubusye bafu, amusalazye basicinsenda, amutande badaimona. Mwakapegwa buyo, anywe amupe buyo. 9Mutavubi ingolida niiba insiliva nuuba mukuba muzikwama zyanu, 10#1 Kor 9:14; 1 Tim 5:18; Lk 10:4; My 18:31niiba inkomo yazilyo, niziba zikobela zyobile, niziba indyasyo, niiba inkoli, nkaambo similimo uleeleledwe bulilu bwakwe.
11Nkabela nimunjila mumunzi umwi aumwi, nimuba mukanzi kamwi akamwi, amuyandaule muntu umwi wamumo uuelede, kuti mukale kwakwe mane lumwi mukainke. 12#Lk 10:5,6Alimwi, ciindi ncomunjila muŋanda, amubajuzye bali mumo. 13Lino bantu bali mumo kuti beelede luumuno lwanu alube alimbabo. Pele kuti tabeelede, luumuno lwanu aluboole kulindinywe. 14#Inc 13:51; 18:6; Lk 10:10-12Alimwi, umwi aumwi uukaka kumutambula nikuba kuswiilila makani aanu, elyo ciindi ncomuzwa kuŋanda eyo nikuba kumunzi oyo, amukunkumune lusuko luli kuzituta zyanu. 15#Mt 11:24; Matl 19:24-28; Lk 20:47Ncobeni ndamwaambila kuti mubuzuba bwalubeta oyo munzi uzoojana mulandu nikuba kwiinda cisi ca-Sodoma a-Gomora.
16 #
Lk 10:3; Joh 10:12; Inc 20:29; Rom 16:19; Ef 5:15 Amulange, Ndamutuma mbuli imbelele akati kabaumpe, Nkaambo kaako amucenjele mbuli inzoka, pele amube batakwelweeno mbuli inziba. 17#Mk 13:9-11; Lk 12:11-12; 21:12-15#Mt 24:9Mukacenjele bantu, nkaambo bayoomwaaba kumbeta impati, nkabela muzikombelo zyabo bayoomukwipaula. 18#Mt 24:14; Inc 25:23; 27:24Alimwi muyootolwa kubusyu bwabeendelezi ababami nkaambo kandime, cikabe citondezyo kulimbabo akubamasi. 19#Lk 12:11,12Nkabela nibayoomwaaba mutalibiliki kuti, Nkaambe buti? Nkaambenzi? nkaambo eco ncimweelede kwaamba muyoocipegwa kuciindi nciconya, 20#Joh 14:26; 1 Kor 2:4nkaambo teensi ndinywe mwaamba pe, ngu-Muuya waUsowanu uuamba akati kanu. 21#Mk 13:12; Lk 21:16; Mt 10:35; Mik 7:6Nkabela munyina uyooaba munyina kulufu, alakwe wisi uyooaba mwana, abalo bana bayoosandukila bazyali babo kuti babajaye. 22#Mt 24:9,13; Mk 13:13; Lk 21:17; Joh 15:21Nkabela muyoosulwa kubantu boonse nkaambo kazina lyangu, nekubaboobo oyo uukakatila kusikila kumamanino uyoofutuka. 23#Mt 16:28Alimwi ciindi ncibamupenzya mumunzi umwi amucijile kuluumwi, nkaambo ncobeni ndamwaambila kuti, ciindi ncimutana kwiimana minzi yoonse ya-Israyeli, uyoosika Mwana a-Muntu.
24 #
Lk 6:40; Joh 13:16; 15:20 Sikwiiya tali mupati kwiinda mufundisi wakwe, alakwe muzike tali mupati kwiinda mwami wakwe. 25#Mt 9:34; 12:24; Mk 3:22; Lk 11:15Cimulame sikwiiya kuti abe mbuli mufundisi wakwe, alakwe muzike mbuli mwami wakwe. Kuti mwiniŋanda bamwaantikizya bati, Nduwe Belzebule, abalo basiŋanda bakwe bazooinda kubaantikizya mbubonya obo. 26#Lk 12:2-9#Mk 4:22; Lk 8:17Nkaambo kaako mutabayoowi, nkaambo taakwe cintu civumbidwe citakooyoovumbululwa, niciba cisisidwe citakooyooyubululwa. 27Eco ncindamwaambila mumudima amucaambe mumumuni, eco ncimuswiilila mumatwi amucuumine mompompo anduli. 28#Jak 4:12Alimwi mutabayoowi bajaya mubili pele tabakonzyi kujaya muuya, amuyoowe nguwe uukonzya kujaya mubili antoomwe amuuya mu-Gehena. 29Sa tuyuni tobile tatuulwi kobili? nekubaboobo taakwe nikaba komwe akati kantuto kawida ansi atazumina Usowanu. 30Anywebo aalo masusu aali amitwe yanu alibalidwe oonse. 31#Mt 12:12Nkaambo kaako mutayoowi, mulayandika kwiinda tuyuni tunji. 32Nceŋambila kuti umwi aumwi uundizumina kubusyu bwabantu, ambebo nzoomuzumina kubusyu bwa-Taata uuli kujulu. 33#2 Tim 2:12; Lk 9:26Pele umwi aumwi uunditama kubusyu bwabantu, ambebo nzoomutama kubusyu bwa-Taata uuli kujulu.
34 #
Lk 12:51-53
Mutayeeyi kuti ndeza kuleta luumuno ansi, nsizide kuleta luumuno pe, ndaleta iceba. 35#Mik 7:6Nkaambo ndeza kukazyanisya mwana awisi, alakwe mwana musimbi abanyina, alakwe mukamwana abanyinazyala. 36Nkabela basiŋanda bamuntu mwini mbibazooba basinkondonyina. 37#Dt 33:9; Lk 14:26,27Oyo uuyanda wisi nibaba banyina kwiinda ndime teelede kwangu. Oyo uuyanda mwanaakwe mulombe naba mwanaakwe musimbi kwiinda ndime teelede kwangu. 38#Mt 16:24; Mk 8:34; Lk 9:23Nkabela oyo uutabwezi ciingano cakwe kuti anditobele teelede kwangu. 39#Mt 16:25; Mk 8:35; Lk 9:24; 17:33; Joh 12:25Oyo uujene buumi bwakwe uzoobusweekelwa, oyo uusweekelwa buumi bwakwe nkaambo kandime uzoobujana.
40 #
Mk 9:37; Lk 9:48; 10:16; Joh 12:44; 13:20; Mt 18:5 Oyo uutambula ndinywe ulatambula ndime, alimwi oyo uutambula ndime ulatambula nguwenya iwakandituma. 41Oyo uutambula musinsimi muzina lyamusinsimi uzoopegwa bulumbu mbubonya mbuli musinsimi. Oyo uutambula mululami muzina lyamululami uzoopegwa bulumbu mbubonya mbuli mululami. 42#Mt 25:40; Mk 9:41Nkabela umwi aumwi uunywisya naba omwe akati kabaniini aba kanywido kamaanzi aatontola muzina lyasikwiiya, ncobeni ndamwaambila kuti takoozoosweekelwa bulumbu bwakwe.
Currently Selected:
Matayo 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.