Malilo 2
2
Jerusalemu mbwaakaba zilao. Munzi uusalala wafwa nzala
1 #
Mt 11:23; 2 Sam 1:19; 1 Mak 28:2 Maawe! Mwami wavumbya buti mwana musimbi wa-Zioni ijoba mubukali bwakwe!
Bulemu bwa-Israyeli wabuwaala ansi kuzwa kujulu!
Cuuno camaulu aakwe taciyeeyi mubuzuba bwabukali bwakwe!
2 #
Int 89:39
Mwami wamenenena makalilo oonse aa-Jakobo, tafwi luzyalo,
Mulunyemo lwakwe wa mwaya maanda mayumu aamwana musimbi wa-Zioni, waalosya ansi.
Wanyonyoona bwami abasilutwe babo,
3 #
Job 16:15; Int 74:11 Mubukali bwakwe buyoosya wagonka meja oonse aa-Israyeli.
Waboozya ijanza lyakwe lyalulyo kubusyu bwabasinkondonyina.
Watenta Jakobo mbuli mabangabanga aamulilo uuyakisya koonse koonse.
4 #
Is 63:10
Wabamba buta bwakwe mbuli silumamba, uliimvwi ajanza lyakwe lyalulyo mbuli sinkondonyina,
Wanyonyoona zintu zyoonse zibotezya mutente lyamwana musimbi wa-Zioni;
Watila bukali bwakwe mbuli mulilo.
5 #
Jer 52:13
Mwami waba mbuli sinkondonyina, wamena Israyeli;
Wamena maanda aakwe aabwami, wanyonyoona macijilo aakwe; Wavuzya kulila akukwiila mumwana musimbi wa-Juda.
6 #
Int 80:12; Zef 3:18; Is 5:5; 1:8 Wamwaya cikombelo mbuli cilao camumuunda, wanyonyoona imbunganinonganino;
Jehova walubya bantu bamu-Zioni buzuba bwa-Sabata amapobwe aabikidwe;
Mubukali bwakwe buyoosya wasampaula mwami amupaizi.
7 #
Int 78:59-61; Ezk 7:20; Is 64:10,11; Mik 3:12; Jer 7:12-14; Mt 24:2; Int 74:4 Mwami wasowa cipaililo cakwe, wasampaula cikombelo cakwe;
Malambo aamaanda aakwe aabwami waaba mumaanza aabasinkondonyina;
Bayobayoba muŋanda ya-Jehova mbuli buzuba bwambungano.
8 #
Is 34:11; Am 7:7 Jehova wakanza kunyonyoona bulambo bwamwana musimbi wa-Zioni;
Watandabika intambo, takasyi ijanza lyakwe kumena;
Matalikilo abulambo, zyoonse zilalila, zilanyana zyoonse.
9 #
Dt 28:36; 2 Bam 25:7; 2 Mak 15:3; Int 74:9; Am 8:11,12; Mik 3:6,7 Zitendele zyakwe zyabbila mukati kavu, wapwaya minkulu yakwe,
Mwami wakwe abasilutwe bakwe bali akati kabamasi, mulao nkuutako,
Abalo basinsimi bakwe tabajani cilengano kuli-Jehova,
10 #
Job 2:13; Malo 4:5; Is 47:1-5 Bapati bamwana musimbi wa-Zioni balikede ansi, baumuna buyo;
Babika bulongo amitwe yabo, balisamine zisani zyamasaka;
Banakalindu ba-Jerusalemu bakotamika mitwe yabo ansi.
11 #
Int 6:7; Job 16:13 Meso aangu alizwide misozi, mala aangu apengesya;
Moyo wangu watika ansi nkaambo kalunyonyooko lwamwana musimbi wabantu bangu;
Nkaambo twana abavwanda balawizuka mumigwagwa yamunzi.
12Balabuzya kulibanyina babo kuti, Ino maila awaini ali kuli?
Nibawizuka mbuli bayasidwe mumigwagwa yamunzi,
Amyoyu yabo niitulwa nibacili kunkolo zyabanyina.
13 #
Job 5:1; Dan 9:12 Nkwaambilenzi? Nkukozyanye ani, O mwana musimbi wa-Jerusalemu?
Nkweelanye ani kuti nkuumbulizye, O mwana nakalindu wa-Zioni?
Nkaambo lunyonyooko lwako ndupati mbuli lwizi. Taakwe uukonzya kukuponya.
14 #
Is 58:1
Basinsimi bako bakubonena zilengano zyabuyo azyabufubafuba;
Tabana kuyubununa milandu yako kuti bakasye buzike bwako.
Bakubonena zilengano zyabuyo azintu zyakukutanda.
15 #
1 Bam 9:8; Int 48:2 Boonse bainda munzila balakukambila maanza aabo;
Balaweela akugunaguna mitwe yabo kumwana musimbi wa-Jerusalemu.
Bati, Sa ngooyu munzi iwakaulikwa Bweebesi butaindwi, Lukondo lwanyika yoonse?
16 #
Int 56:2; 35:21 Basinkondonyoko boonse balakwaasamina amulomo;
Balawela, balaluma ntwino, bati, Twamumenenena;
Ncobeni mboobuno buzuba mbutwakali kulangila, twabujana, twabubona.
17 #
Lev 26:16; Int 38:16; Dt 28:15,43,44; Malo 1:5 Jehova wacita mbubonya mbwaakakanza,
Wazuzikizya majwi aakwe aakalekale,
Wamwaya cakutafwa luzyalo,
Wacita kuti basinkondonyoko bakusekelele,
Wasumpula luja lwabasikupenzya.
18 #
Jer 14:17; Malo 1:16 Myoyo yabo yakakwiilila Jehova,
O bulambo bwamwana musimbi wa-Zioni, misozi yako ikunke mbuli mulenga isikati amasiku,
Utalyokezyi; imboni yaliso lyako italeki.
19 #
Mk 13:35; Int 62:8; Is 51:20; Malo 4:1; Nah 3:10 Buka, ulile masiku, kumatalikilo aaziindi zyakulindila;
Tila moyo wako ube mbuli maanzi aatika kubusyu bwa-Jehova;
Tandabika maanza aako kulinguwe cakupailila buumi bwabana bako baniini,
Bawizuka nkaambo kanzala kumagolelo aamigwagwa yoonse.
20 #
Kul 32:11; Lev 26:29; Dt 28:53; Jer 19:9; Malo 4:10,13 Langa, O Jehova, ubone abo mbocitila obo.
Sa ncibotu kuti banakazi balye lunyungu lwabo, bana mbobakali kusumpula?
Sa ncibotu kuti bapaizi abasinsimi boonse bajayigwe mucikombelo ca-Mwami?
21 #
2 Mak 36:17
Balombe abadala boonse balilede ansi mumigwagwa;
Bakamwale bangu abalombe bangu balijayidwe apanga;
Wabajaya mubuzuba bwabukali bwako, wabanyonyoona cakutafwa insoni.
22 #
Int 31:13; Jer 46:5; Hos 9:12 Wabaita mbuli mubuzuba bwapobwe, aziyoosyo zyangu nkuzili kumabazu oonse.
Katakwe iwakaloboka, iwakasyaala mubuzuba bwabukali bwa-Jehova,
Bana mbondakali kusumpaula akulela, sikondoma wabamanisya boonse.
Currently Selected:
Malilo 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
