Malilo 3
3
Musinsimi ulalila mapenzi aakwe
1Ndime mwaalumi uubwene mapenzi nkaambo kamusako wabukali bwakwe.
2Wandeenzya munzila yamudima iitakwe mumuni.
3Ncobeni wanduuma ajanza lyakwe buzuba boonse.
4Wamanisya nyama yangu acikanda cangu, azifuwa zyangu zyoonse wazityolaula.
5Wayaka cakundilwisya, wandizyuungulusya malule amapenzi.
6 #
Int 88:5
Wandikazika mumasena aasia mbi mbubonya mbuli bantu bakafwa
kalekale.
7Wandisinkila alubaya kuti ntazwi, wandilemezya inkeetani.
8 #
Job 30:20; Int 22:2 Nekuba kuti ndakwiila akukumbila kugwasigwa, ulakaka cikombyo cangu,
9Wasinka inzila zyangu amabwe aazyuulidwe, aboobo wandileesya
mumigwagwa iitaluleme.
10 #
Hos 5:14
Wandibeda mbuli malama uulindila zyakulya, mbuli mulavu mumasena
aasiseme.
11 #
Hos 6:1
Wapilinganya inzila zyangu, wandikwamauna, wandijazya bukata.
12 #
Job 6:4; Int 34:2 Wabamba buta bwakwe, wandibika mbuli cintu cakufusa mivwi.
13Zifuso zyamunkomo zyakwe wazinjizya munsa zyangu,
14 #
Neh 4:2-4; Int 22:6,7; Jer 20:7; Mt 27:29-31 Ndaba cisesyo kubantu bangu boonse, lwiimbo lwabo lwakusampaula buzuba boonse.
15 #
Jer 9:15
Wandizuzya kulula, wandikozya malule.
16 #
Tus 20:17
Watyola meno aangu amabwe, wandivumbya itwe,
17Wanyanzya moyo wangu luumuno; coolwe ndaciluba,
18 #
Int 31:22
Ndakati, Inguzu zyangu zyamana, bulangizi bwangu bwakuli-Jehova.
19Ibaluka mapenzi aangu abusimutuntuli bwangu, malule aalula luu,
20Moyo wangu ulaayeeya, ulafwinsigwa mukaangu kangu,
21Ncindayeeya nceeci. Cilandikasya kusyomonona.
22 #
Neh 9:31; Int 57:10; Mal 3:6 Ndoluzyalo lwa-Jehova lutukasya kunyonyooka, nkaambo buuya bwakwe tabumani.
23 #
Is 33:2; Heb 10:23 Bulabukuluka cifumo coonse; lusyomo lwako ndupati.
24 #
Int 16:5
Jehova ncecaabilo cangu, mbwa amba moyo wangu, nkabela ngonguwe ngonsyoma.
25 #
Int 130:6
Jehova mubotu kuliyooyo uumulangila, kumuntu uumuyandaula.
26 #
Int 37:7
Ncibotu kuti muntu aumune akulindila lufutuko lwa-Jehova,
27 #
Int 90:12
Ncibotu kuti muntu ayumune ijoko mubwanike bwakwe.
28 #
Jer 15:17
Akale alike, aumune, nkaambo walibikilwa.
29 #
Job 42:6
Abike mulomo wakwe ansi; ambweni ulajana bulangizi,
30 #
Mik 5:1; Mt 5:39 Asandamune isaya lyakwe kuliyooyo uumuuma, azuzigwe lusampuko.
31 #
Int 94:14
Nkaambo Mwami takooyoosoowa lyoonse buyo.
32Nekuba kuti watuusya buusu, ulatufwida luzyalo mubuuya bwakwe
bupati.
33 #
Heb 12:10
Nkaambo tapenzyi bantu kacami nikuba kubausya insoni.
34Kulyataula ansi boonse baange banyika,
35Kunyanzya muntu nzyeelede kubusyu bwa-Mupati kampatila,
36 #
Hab 1:13
Kuleesya muntu mukubetekwa kwakwe, ezi zyoonse tazibotezyi Jehova.
37 #
Int 33:9
Na muntu waamba makani, sa alakonzya kuba, na Mwami talailili obo?
38 #
Job 2:10
Mumulomo wa-Mupati kampatila sa emo momuzwa bubi abubotu?
39 #
Mik 7:9
Sa muntu muumi ulakonzya kutongauka, muntu uuli muzibi zyakwe?
40 #
Int 119:59
Atulingule inzila zyesu, tubonesye mbuzibede, tupiluke kuli-Jehova.
41 #
Int 86:4
Atusumpule myoyo yesu amaanza esu kuli-Leza uuli kujulu.
42 #
Dan 9:5
Twabisya, twapapila, ayebo tona kutulekelela.
43Walivumbya bukali, watutobela; watujaya cakutausa luzyalo.
44Walivumbya ijoba kuti cikombyo cesu citasiki nkobede.
45 #
1 Kor 4:13
Wacita kuti tube mbuli bukololo ambuli itombe lyazintu zyoonse akati kabamasi.
46Basinkondoma boonse batwaasamina amulomo.
47Buyoofu adindi zyatusikila, lunyonyooko akupwayikwa.
48Milonga yamisozi ilazwa mumeso aangu nkaambo kalunyonyooko lwamwana musimbi wabantu bangu.
49Meso aangu alalila, taaumuni, taaleki abuniini pe,
50 #
Is 63:15
Mane Jehova akalange kuzwa kujulu, abone.
51Meso aangu alakataazya moyo wangu nkaambo kabana basimbi bamunzi wangu.
52 #
Int 35:7; 69:4 Bandivwima loko mbuli muyuni basinkondoma babuyo.
53 #
Jer 37:16; Dan 6:17 Bakosola buumi bwangu mudindi, bandisinkila abbwe.
54 #
Int 69:2
Maanzi ainda atala lyamutwe wangu; ndakati, Ndafwa.
55 #
2 Mak 33:12; Int 18:5,6; Joh 2:2 Ndakakwiilila izina lyako, O Jehova, kuzwa mudindi idamfu,
56 #
Int 6:8; Rom 8:26 Wakaswiilila cikombyo cangu cakuti,
Utasinki kutwi kwako kukuyooya kwangu akukulila kwangu.
57 #
Int 69:18; Is 58:9; Jak 4:8 Wakaswena kulindime mubuzuba obo nindakakukwiilila, wakati, Utayoowi.
58 #
1 Sam 25:39; Jer 51:36; Int 35:1; 71:23 Ncobeni wabeteka makani aangu, O Jehova, wanununa buumi bwangu.
59Ulibwene makani aangu, O Jehova; kondibeteka kabotu.
60 #
Jer 11:19
Ulibwene mbubaliya inkoto, amakanze aabo oonse ngebandikanzila.
61Ulimvwide kusampaula kwabo, O Jehova, amakanze aabo oonse aakundibisizya.
62Ulimvwide majwi aabaabo bandibusizya inkondo, ambubandiyeeyela bubi buzuba boonse.
63 #
Int 139:2
Bona kukala kwabo akubuka kwabo. Ndime lwiimbo lwabo.
64 #
Int 28:4; Jer 11:20; 2 Tim 4:14; Ciy 6:10 Uyoobaboozezya bulumbu bweelede milimo yamaanza aabo, O Jehova.
65 #
Int 8:3
Uyoobapa buyumu bwamoyo, alutuko lwako luyooba alimbabo.
66Uyoobatobela cabukali akubanyonyoona, batabonwi limbi kunsi lyajulu lya-Jehova.
Currently Selected:
Malilo 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
