Jeremiya 41
41
Ismayeli mbwaakajaya Gedaliya abantu bamwi
1 #
2 Bam 25:25; Jer 40:6,8; Int 41:9; Lk 22:21 Lino mumwezi wamusanu aibili, Ismayeli mwana wa-Netaniya mwana wa-Elisama, umwi silunyungu waciinga cabwami, wakasika, Wakeza abasilutwe bamwami abantu bali ikumi, elyo bakasika kuli-Gedaliya mwana wa-Ahikamu ku-Mizipa, nkabela bakalya insima boonse antoomwe nkukonya oko ku-Mizipa. 2#2 Sam 3:27Mpawo Ismayeli mwana wa-Netaniya abantu abo bali ikumi mbaakali abo bakanyamuka, bayasa Gedaliya mwana waAhikamu mwana wa-Safani apanga, bamujaya, oyo mwami wa-Babuloni ngwaakabikide kuti aendelezye nyika. 3#Int 52:1; Tus 1:16; Rom 3:15Abalo ba-Juda boonse Gedaliya mbaakali abo ku-Mizipa, aba-Kasidi ibakajanwa mpawo, nkokuti basilumamba, boonse buyo Ismayeli wakabajaya.
4Lino nibwakaca buzuba bwabili, naakamana kujaya Gedaliya, katakwe muntu iwakaziba. 5#Matl 33:18; Jer 7:12-14; Jos 18:1; 24:32; Lev 19:27,28; Dt 14:1; Is 15:2; 2 Bam 25:9; 1 Sam 1:7; Jer 50:4Mpawo kwakasika bamwi bantu kuzwa ku-Sekemu aku-Sile aku-Samariya, bantu bali makumi aali musanu aatatu, Aba bantu bakalilinyoolede kuzilezu, azyakusama zyabo zyakalizapaukide, alimwi bakalilinengede, Bakeza azituuzyo zyabusu atununkilizyo mumaanza aabo, kuti bazilete kuŋanda ya-Jehova. 6Lino Ismayeli mwana wa-Netaniya wakazwa ku-Mizipa kuyoobaswanaanya, weza bulila, nkabela abaswane buyo, wakabaambila kuti, Amuboole kuli-Gedaliya mwana wa-Ahikamu. 7Elyo banjile buyo mukati kamunzi, Ismayeli mwana wa-Netaniya abantu mbakali abo bakabajaya akubawaala mumugodi. 8Pele akati kabo kwakajanwa bantu bali ikumi ibakaambila Ismayeli kuti, Utatujayi pe, nkaambo tulijisi ziyobwedo zyabulotwe abbaale amafuta abuci, zilisisidwe musokwe. Mpawo wakabaleka, taakwe naakabajaya akati kababunyina.
9 #
Jos 10:16-18
Oyo mugodi, Ismayeli nkwaakawaala mitunta yoonse yabantu mbaakajayide kauli mugodi mupati mwami Asa ngwakacita kuti alivune kumaanza aa-Basa mwami wa-Israyeli. Ismayeli mwana wa-Netaniya wakauzuzya bantu bajayidwe. 10#Jer 43:6; 40:7; Neh 2:10,19Lino Ismayeli wakanjizya mubuzike bantu boonse ibakasyeede ibakali ku-Mizipa, bana basimbi bamwami abantu boonse ibakasyeede ku-Mizipa, Nebuzaradana silutwe wampi mbaakapa mumaanza aa-Gedaliya mwana wa-Ahikamu. Ismayeli mwana wa-Netaniya wakabanjizya mubuzike, elyo wakainka kuyoozubuka kuya kubana ba-Amoni.
Johanani mbwaakalwisya Ismayeli
11 #
Jer 40:7,8,13 Lino Johanani mwana wa-Kareya abasilutwe boonse babasilumamba mbaakali abo, nibakamvwa bubi boonse mbwaakacita Ismayeli mwana waNetaniya, 12#2 Sam 2:13bakainka abantu babo boonse kuyoolwisya Ismayeli mwana wa-Netaniya, Nkabela bakamujana ku-Gibeoni maanzi manji mpaabede. 13Lino bantu boonse ibakali a-Ismayeli, nibakabona Johanani mwana waKareya abasilutwe boonse babasilumamba mbaakali abo, bakakondwa. 14Aboobo bantu boonse Ismayeli mbaakatolede mubuzike kuzwa ku-Mizipa bakapiluka akuya kuli-Johanani mwana wa-Kareya. 15#1 Sam 30:17; 1 Bam 20:30Pele Ismayeli mwana wa-Netaniya wakaloboka abantu bali musanu abatatu kuzwa kumaanza aaJohanani akwiinka kucisi cabana ba-Amoni. 16Lino Johanani mwana waKareya abasilutwe boonse babasilumamba mbaakali abo bakatolelela bantu bamwi boonse ibakasyeede, Ismayeli mwana wa-Netaniya mbaakatolede mubuzike kuzwa ku-Mizipa kusule lyakujaya Gedaliya mwana wa-Ahikamu. Bakatolelela baalumi basilumamba abanakazi abana abazibe, nkokuti boonse buyo johanani mbaakapilusya kuzwa ku-Gibeoni. 17#2 Sam 19:37,38Nkabela bakaakukala ku-Geruti-Kimamu uubambene a-Betelehemu. Bakali kuyeeya kuya kuEgepita, 18#Jer 40:5nkaambo kaba-Kasidi, nkaambo bakali kubayoowa nkaambo kakuti Ismayeli mwana wa-Netaniya kajayide Gedaliya mwana wa-Ahikamu, mwami wa-Babuloni ngwaakabikide kuti, aendelezye cisi.
Currently Selected:
Jeremiya 41: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Jeremiya 41
41
Ismayeli mbwaakajaya Gedaliya abantu bamwi
1 #
2 Bam 25:25; Jer 40:6,8; Int 41:9; Lk 22:21 Lino mumwezi wamusanu aibili, Ismayeli mwana wa-Netaniya mwana wa-Elisama, umwi silunyungu waciinga cabwami, wakasika, Wakeza abasilutwe bamwami abantu bali ikumi, elyo bakasika kuli-Gedaliya mwana wa-Ahikamu ku-Mizipa, nkabela bakalya insima boonse antoomwe nkukonya oko ku-Mizipa. 2#2 Sam 3:27Mpawo Ismayeli mwana wa-Netaniya abantu abo bali ikumi mbaakali abo bakanyamuka, bayasa Gedaliya mwana waAhikamu mwana wa-Safani apanga, bamujaya, oyo mwami wa-Babuloni ngwaakabikide kuti aendelezye nyika. 3#Int 52:1; Tus 1:16; Rom 3:15Abalo ba-Juda boonse Gedaliya mbaakali abo ku-Mizipa, aba-Kasidi ibakajanwa mpawo, nkokuti basilumamba, boonse buyo Ismayeli wakabajaya.
4Lino nibwakaca buzuba bwabili, naakamana kujaya Gedaliya, katakwe muntu iwakaziba. 5#Matl 33:18; Jer 7:12-14; Jos 18:1; 24:32; Lev 19:27,28; Dt 14:1; Is 15:2; 2 Bam 25:9; 1 Sam 1:7; Jer 50:4Mpawo kwakasika bamwi bantu kuzwa ku-Sekemu aku-Sile aku-Samariya, bantu bali makumi aali musanu aatatu, Aba bantu bakalilinyoolede kuzilezu, azyakusama zyabo zyakalizapaukide, alimwi bakalilinengede, Bakeza azituuzyo zyabusu atununkilizyo mumaanza aabo, kuti bazilete kuŋanda ya-Jehova. 6Lino Ismayeli mwana wa-Netaniya wakazwa ku-Mizipa kuyoobaswanaanya, weza bulila, nkabela abaswane buyo, wakabaambila kuti, Amuboole kuli-Gedaliya mwana wa-Ahikamu. 7Elyo banjile buyo mukati kamunzi, Ismayeli mwana wa-Netaniya abantu mbakali abo bakabajaya akubawaala mumugodi. 8Pele akati kabo kwakajanwa bantu bali ikumi ibakaambila Ismayeli kuti, Utatujayi pe, nkaambo tulijisi ziyobwedo zyabulotwe abbaale amafuta abuci, zilisisidwe musokwe. Mpawo wakabaleka, taakwe naakabajaya akati kababunyina.
9 #
Jos 10:16-18
Oyo mugodi, Ismayeli nkwaakawaala mitunta yoonse yabantu mbaakajayide kauli mugodi mupati mwami Asa ngwakacita kuti alivune kumaanza aa-Basa mwami wa-Israyeli. Ismayeli mwana wa-Netaniya wakauzuzya bantu bajayidwe. 10#Jer 43:6; 40:7; Neh 2:10,19Lino Ismayeli wakanjizya mubuzike bantu boonse ibakasyeede ibakali ku-Mizipa, bana basimbi bamwami abantu boonse ibakasyeede ku-Mizipa, Nebuzaradana silutwe wampi mbaakapa mumaanza aa-Gedaliya mwana wa-Ahikamu. Ismayeli mwana wa-Netaniya wakabanjizya mubuzike, elyo wakainka kuyoozubuka kuya kubana ba-Amoni.
Johanani mbwaakalwisya Ismayeli
11 #
Jer 40:7,8,13 Lino Johanani mwana wa-Kareya abasilutwe boonse babasilumamba mbaakali abo, nibakamvwa bubi boonse mbwaakacita Ismayeli mwana waNetaniya, 12#2 Sam 2:13bakainka abantu babo boonse kuyoolwisya Ismayeli mwana wa-Netaniya, Nkabela bakamujana ku-Gibeoni maanzi manji mpaabede. 13Lino bantu boonse ibakali a-Ismayeli, nibakabona Johanani mwana waKareya abasilutwe boonse babasilumamba mbaakali abo, bakakondwa. 14Aboobo bantu boonse Ismayeli mbaakatolede mubuzike kuzwa ku-Mizipa bakapiluka akuya kuli-Johanani mwana wa-Kareya. 15#1 Sam 30:17; 1 Bam 20:30Pele Ismayeli mwana wa-Netaniya wakaloboka abantu bali musanu abatatu kuzwa kumaanza aaJohanani akwiinka kucisi cabana ba-Amoni. 16Lino Johanani mwana waKareya abasilutwe boonse babasilumamba mbaakali abo bakatolelela bantu bamwi boonse ibakasyeede, Ismayeli mwana wa-Netaniya mbaakatolede mubuzike kuzwa ku-Mizipa kusule lyakujaya Gedaliya mwana wa-Ahikamu. Bakatolelela baalumi basilumamba abanakazi abana abazibe, nkokuti boonse buyo johanani mbaakapilusya kuzwa ku-Gibeoni. 17#2 Sam 19:37,38Nkabela bakaakukala ku-Geruti-Kimamu uubambene a-Betelehemu. Bakali kuyeeya kuya kuEgepita, 18#Jer 40:5nkaambo kaba-Kasidi, nkaambo bakali kubayoowa nkaambo kakuti Ismayeli mwana wa-Netaniya kajayide Gedaliya mwana wa-Ahikamu, mwami wa-Babuloni ngwaakabikide kuti, aendelezye cisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.