Jeremiya 42
42
Jeremiya mbwaakacenjezya bantu kuti batayi ku-Egepita
1 #
Jer 40:8,13; 41:11 Lino basilutwe boonse babasilumamba, a-Johanani mwana wa-Kareya a-Jezaniya mwana wa-Hosaya, abantu boonse buyo nibaba baniini nibaba bapati, bakaswena kuli-Jeremiya musinsimi, 2#Kul 8:28; 1 Sam 7:8; 1 Bam 13:6; Is 37:4; Jer 21:2; Inc 8:24; Jak 5:16; Lev 26:22bamwaambila kuti, Kotambula cikumbizyo cesu, ukatukombele kuli-Jehova Leza wako. Kokombela aba boonse basyeede, (nkaambo iswe netusyeede tuli bace buyo nekuba kuti twakali banji, mbubonya mbobwene ayebo), 3#Ezr 8:21; Int 27:11; Tus 3:5,6kuti Jehova Leza wako atutondezye inzila njitweelede kutola ambutweelede kucita. 4#1 Bam 22:14; 1 Sam 3:18; Inc 20:20Mpawo Jeremiya musinsimi wakabaambila kuti, Ndamvwa. Ncobeni ndakomba kuli-Jehova Leza wanu, mbubonya mbumwaamba, lino kufumbwa cintu Jehova ncasi muvuwe ndamulwiida ncico, nsikoosisa cintu niciba comwe pe. 5Abalo bakaambila Jeremiya kuti, Jehova abe kamboni musyomesi mulusinizyo, atupe mulandu na twakaka kucita zintu zyoonse Jehova Leza wako nzyasi twaambile. Ncobeni tunoocita mbubonya mbwaamba. 6#Matl 31:50; Dt 6:3; Jer 7:23Mumakani oonse, naaba mabotu naaba mabi, tunooswiilila ijwi lya-Jehova Leza wesu ngutwakutuma kulinguwe, kuti tukajane coolwe mukuswiilila ijwi lya-Jehova Leza wesu.
7Amane buyo mazuba aali ikumi, ijwi lya-Jehova lyakasika kuli-Jeremiya. 8Mpawo wakaita Johanani mwana wa-Kareya, abasilutwe boonse babasilumamba mbaakali abo, abantu boonse nibaba baniini nibaba bapati, 9wabaambila kuti, Mbuboobu mbwaamba Jehova Leza wa-Israyeli, ngumwakandituma kulinguwe kumutolela cikumbilo canu. 10#Jer 24:6; 31:28; 18:8; Dt 32:36Na mwazumina kuboola kuzookala munyika ino, njoomuyaka akutamumwaya, njoomusimpika nji akutamunonkola, nkaambo ndausa insoni nkaambo kamapenzi ngendakamuletela. 11#My 14:9; Dt 20:4; Int 46:7; Is 43:5; Rom 8:31Mutayoowi mwami wa-Babuloni ngumuyoowede. Mutamuyoowi, mbwaamba Jehova, nkaambo ndili anywebo kukumuvuna kuzwa kumaanza aakwe. 12#Int 106:45,46Njoomufwida luzyalo, kuti amufwide luzyalo akumupilusya kunyika yanu. 13#Jer 44:16Pele na mwaamba kuti, Tatuyandi kukala munyika ino, aboobo mwakaka kuswiilila ijwi lya-Jehova Leza wanu, 14na mwaamba kuti, Pe, tulaya kunyika ya-Egepita, nkututakonzya kubona inkondo nikuba kumvwa kulila kwamweembo nikuba kubula cakulya, tukakale nkuko, 15#Dt 17:16; Lk 9:51lino amuswiilile ijwi lya-Jehova nuba-Juda basyeede, Mbuboobu mbwaamba Jehova wamakamu Leza wa-Israyeli. Na mwayumya myoyo yanu akukakatila kumuyeeyo wakuya ku-Egepita kuyookala nkuko, 16#Ezk 11:8lino ipanga ndilyonya ndimuyoowa liyoomujana oko kunyika ya-Egepita, alyalo ipamba ndimuyoowa liyoomutobelela nkukonya ku-Egepita mane lumwi mukafwe nkuko. 17#Jer 24:10; 44:14,28Mbuboobo mbukuyooba kubantu boonse bapangika myoyo yabo kuya ku-Egepita kuyookala nkuko. Bayoojazigwa ipanga apamba amalwazi. Tabakooyoosyaalilwa naba omwe uuloboka kuzwa kumapenzi ngenjoobaletela.
18 #
2 Mak 34:25; Jer 6:11; Ezk 22:22; Jer 18:16; 24:9; 26:6 Nkaambo mbuboobu mbwaamba Jehova wamakamu Leza wa-Israyeli, Mbubonya mbuli bukali bwangu buyoosya mbubwakatililwa bantu ibakakede mu-Jerusalemu, bukali bwangu buyootilwa mbubonya kulibaabo basi inke ku-Egepita. Muyooba lukwanzo aciyoosyo, muyootukilwa akusampaulwa, nkabela busena obuno tamukooyoobubona limbi. 19#Dt 17:16Ngaayo makani Jehova ngaamwaambila nuba-Juda basyeede. Mutainki ku-Egepita pe. Ncobeni muzibe kuti ndamucenjezya buzuba obuno. 20Mwalyeena nubeni, nkaambo mwakandituma kuli-Jehova Leza wanu, mwati, Utukombele kuli-Jehova Leza wako, nkabela kufumbwa cintu ncaamba Jehova Leza wesu, utulwiide ncico, lino tuyoocita mbubonya. 21#Zek 7:11Lino buzuba obuno ndamulwiida makani, pele nywebo tamuswiilili ijwi lya-Jehova Leza wanu mumakani oonse ngaandituma kumwaambila. 22#Ezk 6:11Nkaambo kako amuzibe ncobeni kuti muyoojazigwa ipanga apamba amalwazi kubusena obo mbubonya nkumuya kwiinka kuyookala-kala.
Currently Selected:
Jeremiya 42: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Jeremiya 42
42
Jeremiya mbwaakacenjezya bantu kuti batayi ku-Egepita
1 #
Jer 40:8,13; 41:11 Lino basilutwe boonse babasilumamba, a-Johanani mwana wa-Kareya a-Jezaniya mwana wa-Hosaya, abantu boonse buyo nibaba baniini nibaba bapati, bakaswena kuli-Jeremiya musinsimi, 2#Kul 8:28; 1 Sam 7:8; 1 Bam 13:6; Is 37:4; Jer 21:2; Inc 8:24; Jak 5:16; Lev 26:22bamwaambila kuti, Kotambula cikumbizyo cesu, ukatukombele kuli-Jehova Leza wako. Kokombela aba boonse basyeede, (nkaambo iswe netusyeede tuli bace buyo nekuba kuti twakali banji, mbubonya mbobwene ayebo), 3#Ezr 8:21; Int 27:11; Tus 3:5,6kuti Jehova Leza wako atutondezye inzila njitweelede kutola ambutweelede kucita. 4#1 Bam 22:14; 1 Sam 3:18; Inc 20:20Mpawo Jeremiya musinsimi wakabaambila kuti, Ndamvwa. Ncobeni ndakomba kuli-Jehova Leza wanu, mbubonya mbumwaamba, lino kufumbwa cintu Jehova ncasi muvuwe ndamulwiida ncico, nsikoosisa cintu niciba comwe pe. 5Abalo bakaambila Jeremiya kuti, Jehova abe kamboni musyomesi mulusinizyo, atupe mulandu na twakaka kucita zintu zyoonse Jehova Leza wako nzyasi twaambile. Ncobeni tunoocita mbubonya mbwaamba. 6#Matl 31:50; Dt 6:3; Jer 7:23Mumakani oonse, naaba mabotu naaba mabi, tunooswiilila ijwi lya-Jehova Leza wesu ngutwakutuma kulinguwe, kuti tukajane coolwe mukuswiilila ijwi lya-Jehova Leza wesu.
7Amane buyo mazuba aali ikumi, ijwi lya-Jehova lyakasika kuli-Jeremiya. 8Mpawo wakaita Johanani mwana wa-Kareya, abasilutwe boonse babasilumamba mbaakali abo, abantu boonse nibaba baniini nibaba bapati, 9wabaambila kuti, Mbuboobu mbwaamba Jehova Leza wa-Israyeli, ngumwakandituma kulinguwe kumutolela cikumbilo canu. 10#Jer 24:6; 31:28; 18:8; Dt 32:36Na mwazumina kuboola kuzookala munyika ino, njoomuyaka akutamumwaya, njoomusimpika nji akutamunonkola, nkaambo ndausa insoni nkaambo kamapenzi ngendakamuletela. 11#My 14:9; Dt 20:4; Int 46:7; Is 43:5; Rom 8:31Mutayoowi mwami wa-Babuloni ngumuyoowede. Mutamuyoowi, mbwaamba Jehova, nkaambo ndili anywebo kukumuvuna kuzwa kumaanza aakwe. 12#Int 106:45,46Njoomufwida luzyalo, kuti amufwide luzyalo akumupilusya kunyika yanu. 13#Jer 44:16Pele na mwaamba kuti, Tatuyandi kukala munyika ino, aboobo mwakaka kuswiilila ijwi lya-Jehova Leza wanu, 14na mwaamba kuti, Pe, tulaya kunyika ya-Egepita, nkututakonzya kubona inkondo nikuba kumvwa kulila kwamweembo nikuba kubula cakulya, tukakale nkuko, 15#Dt 17:16; Lk 9:51lino amuswiilile ijwi lya-Jehova nuba-Juda basyeede, Mbuboobu mbwaamba Jehova wamakamu Leza wa-Israyeli. Na mwayumya myoyo yanu akukakatila kumuyeeyo wakuya ku-Egepita kuyookala nkuko, 16#Ezk 11:8lino ipanga ndilyonya ndimuyoowa liyoomujana oko kunyika ya-Egepita, alyalo ipamba ndimuyoowa liyoomutobelela nkukonya ku-Egepita mane lumwi mukafwe nkuko. 17#Jer 24:10; 44:14,28Mbuboobo mbukuyooba kubantu boonse bapangika myoyo yabo kuya ku-Egepita kuyookala nkuko. Bayoojazigwa ipanga apamba amalwazi. Tabakooyoosyaalilwa naba omwe uuloboka kuzwa kumapenzi ngenjoobaletela.
18 #
2 Mak 34:25; Jer 6:11; Ezk 22:22; Jer 18:16; 24:9; 26:6 Nkaambo mbuboobu mbwaamba Jehova wamakamu Leza wa-Israyeli, Mbubonya mbuli bukali bwangu buyoosya mbubwakatililwa bantu ibakakede mu-Jerusalemu, bukali bwangu buyootilwa mbubonya kulibaabo basi inke ku-Egepita. Muyooba lukwanzo aciyoosyo, muyootukilwa akusampaulwa, nkabela busena obuno tamukooyoobubona limbi. 19#Dt 17:16Ngaayo makani Jehova ngaamwaambila nuba-Juda basyeede. Mutainki ku-Egepita pe. Ncobeni muzibe kuti ndamucenjezya buzuba obuno. 20Mwalyeena nubeni, nkaambo mwakandituma kuli-Jehova Leza wanu, mwati, Utukombele kuli-Jehova Leza wako, nkabela kufumbwa cintu ncaamba Jehova Leza wesu, utulwiide ncico, lino tuyoocita mbubonya. 21#Zek 7:11Lino buzuba obuno ndamulwiida makani, pele nywebo tamuswiilili ijwi lya-Jehova Leza wanu mumakani oonse ngaandituma kumwaambila. 22#Ezk 6:11Nkaambo kako amuzibe ncobeni kuti muyoojazigwa ipanga apamba amalwazi kubusena obo mbubonya nkumuya kwiinka kuyookala-kala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.