Jeremiya 40
40
Jelemiya mbwaakalisalila kusyaala mucisi ca-Juda
1 #
Jer 39:14
Ngaaya makani aakasika kuli-Jeremiya kuzwa kuli-Jehova, Nebuzaradana silutwe wampi naakamana kumwaangununa kuzwa ku-Rama, naakamutolede ulaangidwe munkeetani akati kabantu boonse ba-Jerusalemu aba-Juda ibakatolwa mubuzike ku-Babuloni. 2#Lev 26:14-38; Dt 28:15-68; 32:19-25; Jer 50:7; Malo 2:17Silutwe wampi wakabweza Jeremiya, wamwaambila kuti, Jehova Leza wako nguwakaamba mapenzi aya aabusena obuno. 3#Dt 29:24,25Jehova wakaleta makani, waazuzikizya, mbubonya mbwaakaamba, nkaambo kakuti mwakabisizya Jehova, mwakakaka kuswiilila ijwi lyakwe, aboobo mwasikilwa aya makani. 4#Jer 39:12; Matl 13:9; 20:15Lino bona! Buzuba obuno ndakwaangunwida inkeetani zili amaanza aako. Lino na ncibotu mumeso aako kuti twiinke ayebo ku-Babuloni, inga twaya, njookubamba kabotu, Pele na ncibi mumeso aako kuti twiinke ayebo ku-Babuloni, mbubo, ulasyaala, Bona! Nyika yoonse ili kumeso aako. Kufumbwa antu aabota akululama mumeso aako, koya mpoonya awo. 5#2 Bam 25:22; Matl; 39:1; Jos 15:38; 1 Sam 2:30; Tus 15:16; Mt 6:33; Inc 22:24,27,28Na ulayanda kusyaala, mbubo, piluka kuli-Gedaliya mwana wa-Ahikamu mwana waSafani, ngonguwe mwami wa-Babuloni ngwaakabika kuti aendelezye minzi ya-Juda. Koya ukakale awe akati kabantu. Kufumbwa kuntu kubota mumeso aako, koya nkuko. Lino wakamupa bulilu acipo, wamuleka kuti ainke. 6#Jer 39:14; Bab 20:1; 1 Sam 7:5,6Mpawo Jeremiya wakainka kuli-Gedaliya mwana wa-Ahikamu ku-Mizipa, waakukala awe akati kabantu ibakasyeede munyika.
Bantu mbubakayoboloka kuli-Gedaliya
7 #
2 Bam 25:22-24; Jer 39:10 Lino basilutwe boonse babasilumamba ibakali musokwe, balo abantu babo, nibakamvwa kuti mwami wa-Babuloni wabika Gedaliya mwana waAhikamu kuti aendelezye nyika, alimwi waaba mumaanza aakwe baalumi abanakazi abana boonse, nkokuti batengwana banyika ibatakalina kutolwa mubuzike ku-Babuloni, 8#Jer 41:1bakasika kuli-Gedaliya ku-Mizipa: Ismayeli mwana wa-Netaniya, a-Johanani a-Jonatani bana ba-Kareya, a-Seraya mwana wa-Tanumeti, abana ba-Efai waku-Netofa, a-Jezaniya mwana wamuntu waku-Maaka, balo abantu babo. 9Lino Gedaliya mwana waAhikamu mwana wa-Safani wakabakonkezya, balo abantu babo, wati, Mutayoowi kumanina ba-Kasidi milimo. Amukale munyika akumanina mwami wa-Babuloni milimo, lino munookala kabotu. 10#Dt 16:13Mebo ndakala ku-Mizipa kuti mbe mutabilizi kuliba-Kasidi bazoosika kulindiswe, pele nywebo amutebule waini amicelo yamainza amafuta, muzibike muzilondwedo zyanu, akukala muminzi yanu njimuyoolibwezela. 11#Is 16:4; Jer 24:9; Malo 1:14Abalo ba-Juda boonse ibakali mucisi ca-Moabu amucisi cabana ba-Amoni amucisi caEdomu amuzisi zyoonse, nibakamvwa kuti mwami wa-Babuloni wasia bantu bamwi kuti kabacisyeede mucisi ca-Juda, alimwi wababikila Gedaliya mwana wa-Ahikamu mwana wa-Safani kuti abe mweendelezi wabo, 12ba-Juda boonse bakaboola kuzwa kumasena oonse nkubakacijilide, basika kucisi caJuda kuli-Gedaliya ku-Mizipa, bakaakucela waini amicelo yamainza minji loko.
13Lino Jonatani mwana wa-Kareya abasilutwe boonse babasilumamba ibakali musokwe bakasika kuli-Gedaliya ku-Mizipa, 14#Jer 25:21; 41:10; Am 1:13; Zek 1:15bamwaambila kuti, Sa tozi kuti Baalisi mwami wabana ba-Amoni watuma Ismayeli mwana waNetaniya kuti anyonyoone buumi bwako? Pele Gedaliya mwana wa-Ahikamu takakasyoma majwi aabo pe. 15Mpawo Jonatani mwana wa-Kareya wakaambila Gedaliya cakusisikizya mu-Mizipa kuti, Kondizumizya kuti njiinke kuyoojaya Ismayeli mwana wa-Netaniya. Taakwe muntu uuti zibe pe, Sa ncibotu kuti anyonyoone buumi bwako akumwaisya ba-Juda boonse bayoboloka kulinduwe akucita kuti ba-Juda bacisyeede banyonyooke? 16#1 Kor 13:5Pele Gedaliya mwana wa-Ahikamu wakaambila Jonatani mwana waKareya kuti, Utaciti obo pe. Majwi ngoamba aa-Ismayeli ngaakubeja.
Currently Selected:
Jeremiya 40: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Jeremiya 40
40
Jelemiya mbwaakalisalila kusyaala mucisi ca-Juda
1 #
Jer 39:14
Ngaaya makani aakasika kuli-Jeremiya kuzwa kuli-Jehova, Nebuzaradana silutwe wampi naakamana kumwaangununa kuzwa ku-Rama, naakamutolede ulaangidwe munkeetani akati kabantu boonse ba-Jerusalemu aba-Juda ibakatolwa mubuzike ku-Babuloni. 2#Lev 26:14-38; Dt 28:15-68; 32:19-25; Jer 50:7; Malo 2:17Silutwe wampi wakabweza Jeremiya, wamwaambila kuti, Jehova Leza wako nguwakaamba mapenzi aya aabusena obuno. 3#Dt 29:24,25Jehova wakaleta makani, waazuzikizya, mbubonya mbwaakaamba, nkaambo kakuti mwakabisizya Jehova, mwakakaka kuswiilila ijwi lyakwe, aboobo mwasikilwa aya makani. 4#Jer 39:12; Matl 13:9; 20:15Lino bona! Buzuba obuno ndakwaangunwida inkeetani zili amaanza aako. Lino na ncibotu mumeso aako kuti twiinke ayebo ku-Babuloni, inga twaya, njookubamba kabotu, Pele na ncibi mumeso aako kuti twiinke ayebo ku-Babuloni, mbubo, ulasyaala, Bona! Nyika yoonse ili kumeso aako. Kufumbwa antu aabota akululama mumeso aako, koya mpoonya awo. 5#2 Bam 25:22; Matl; 39:1; Jos 15:38; 1 Sam 2:30; Tus 15:16; Mt 6:33; Inc 22:24,27,28Na ulayanda kusyaala, mbubo, piluka kuli-Gedaliya mwana wa-Ahikamu mwana waSafani, ngonguwe mwami wa-Babuloni ngwaakabika kuti aendelezye minzi ya-Juda. Koya ukakale awe akati kabantu. Kufumbwa kuntu kubota mumeso aako, koya nkuko. Lino wakamupa bulilu acipo, wamuleka kuti ainke. 6#Jer 39:14; Bab 20:1; 1 Sam 7:5,6Mpawo Jeremiya wakainka kuli-Gedaliya mwana wa-Ahikamu ku-Mizipa, waakukala awe akati kabantu ibakasyeede munyika.
Bantu mbubakayoboloka kuli-Gedaliya
7 #
2 Bam 25:22-24; Jer 39:10 Lino basilutwe boonse babasilumamba ibakali musokwe, balo abantu babo, nibakamvwa kuti mwami wa-Babuloni wabika Gedaliya mwana waAhikamu kuti aendelezye nyika, alimwi waaba mumaanza aakwe baalumi abanakazi abana boonse, nkokuti batengwana banyika ibatakalina kutolwa mubuzike ku-Babuloni, 8#Jer 41:1bakasika kuli-Gedaliya ku-Mizipa: Ismayeli mwana wa-Netaniya, a-Johanani a-Jonatani bana ba-Kareya, a-Seraya mwana wa-Tanumeti, abana ba-Efai waku-Netofa, a-Jezaniya mwana wamuntu waku-Maaka, balo abantu babo. 9Lino Gedaliya mwana waAhikamu mwana wa-Safani wakabakonkezya, balo abantu babo, wati, Mutayoowi kumanina ba-Kasidi milimo. Amukale munyika akumanina mwami wa-Babuloni milimo, lino munookala kabotu. 10#Dt 16:13Mebo ndakala ku-Mizipa kuti mbe mutabilizi kuliba-Kasidi bazoosika kulindiswe, pele nywebo amutebule waini amicelo yamainza amafuta, muzibike muzilondwedo zyanu, akukala muminzi yanu njimuyoolibwezela. 11#Is 16:4; Jer 24:9; Malo 1:14Abalo ba-Juda boonse ibakali mucisi ca-Moabu amucisi cabana ba-Amoni amucisi caEdomu amuzisi zyoonse, nibakamvwa kuti mwami wa-Babuloni wasia bantu bamwi kuti kabacisyeede mucisi ca-Juda, alimwi wababikila Gedaliya mwana wa-Ahikamu mwana wa-Safani kuti abe mweendelezi wabo, 12ba-Juda boonse bakaboola kuzwa kumasena oonse nkubakacijilide, basika kucisi caJuda kuli-Gedaliya ku-Mizipa, bakaakucela waini amicelo yamainza minji loko.
13Lino Jonatani mwana wa-Kareya abasilutwe boonse babasilumamba ibakali musokwe bakasika kuli-Gedaliya ku-Mizipa, 14#Jer 25:21; 41:10; Am 1:13; Zek 1:15bamwaambila kuti, Sa tozi kuti Baalisi mwami wabana ba-Amoni watuma Ismayeli mwana waNetaniya kuti anyonyoone buumi bwako? Pele Gedaliya mwana wa-Ahikamu takakasyoma majwi aabo pe. 15Mpawo Jonatani mwana wa-Kareya wakaambila Gedaliya cakusisikizya mu-Mizipa kuti, Kondizumizya kuti njiinke kuyoojaya Ismayeli mwana wa-Netaniya. Taakwe muntu uuti zibe pe, Sa ncibotu kuti anyonyoone buumi bwako akumwaisya ba-Juda boonse bayoboloka kulinduwe akucita kuti ba-Juda bacisyeede banyonyooke? 16#1 Kor 13:5Pele Gedaliya mwana wa-Ahikamu wakaambila Jonatani mwana waKareya kuti, Utaciti obo pe. Majwi ngoamba aa-Ismayeli ngaakubeja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.