Babetesi 8
8
1 #
Bab 12:1; 2 Sam 19:41 Pele bantu ba-Efraimu bakamwaambila kuti, Ino ncinzi eci ncowatucitila? Teewakatwiita niwakaya kuyoolwisya ba-Midyani. Nkabela bakakazyanya awe cabukali. 2Lino wakabaambila kuti, Ino mebo ndacitanzi cili mbuli ncimwacita inywe? Sa zyakuvululwida zya-Efraimu taziboti akwiinda zyakutebula zya-Abiezeri na? 3#Int 83:11; Bab 7:24; Int 44:3; Tus 15:1; Rom 12:3,6Leza waaba mumaanza aanu bami ba-Midyani, Orebi a-Zeebi, Ncinzi ncindakakonzya kucita mebo cili mbuli ncimwakacita nywebo? Lino naakamana kwaamba obo, bukali bwabo bwakamana.
Gideoni mbwaakacita ku-Sukoti aku-Penueli
4Elyo Gideoni wakasika ku-Jordano, wakazubuka, walo abantu bali myaanda yotatwe mbaakali abo. Bakati wizuke, nekubaboobo bakacili kuya butanda. 5#Matl 33:17; Int 60:6Mpawo wakaambila bantu baku-Sukoti kuti, Amutwaabile zinkwa, balye bantu mbondi abo, nkaambo bati wizuke, alimwi ndili mukutanda Zeba a-Zalimuna bami ba-Midyani. 6#1 Bam 20:11; 1 Sam 25:11Lino bantu baku-Sukoti bakati, Sa Zeba a-Zalimuna bali kale mumaanza aako na? Ino twaabile buti basimpi bako zilyo? 7Mpawo Gideoni wakati, Mbubo! Jehova naamana kwaaba Zeba u-Zalimuna mumaanza aangu, elyo nenti deluule nyama yanu amamvwa aamusokwe aziyasabavwimi. 8#Matl 32:30; 1 Bam 12:25Lino wakazwa oko, wakaya ku-Penueli, abantu bakooko wakabakumbila mbubonya, pele bantu baku Penueli bakamuvwiila mbubonya mbubakavwiide bantu baku-Sukoti, 9#1 Bam 22:27; Lk 12:45; 1 Tes 5:2,3Nkabela bantu baku-Penueli abalo wakabaambila kuti, Ndaboola buyo caluumuno, nzoomwaya cisanza eci.
10 #
Bab 7:12; 2 Bam 3:26 Lino Zeba a-Zalimuna bakali mu-Karikori, abasimpi babo bakali abo, bakali mbuli zyuulu zili ikumi azisanu, nkukuti boonse ibakasyeede babasimpi babana bakujwe, nkaambo basimapanga ibakajayidwe bakali zyuulu zili mwaanda amakumi obile. 11#My 32:35; Bab 18:27; Tus 17:18; 1 Tes 5:3Elyo Gideoni wakatola inzila yabasikutuntulika kubbazu lyakujwe lyaku-Noba alyaku-Jogibea, nkabela wakauma basimpi kabatalibambide kulwana. 12#Int 83:11Mpawo Zeba a-Zalimuna bakaloboka, pele wakabatobela akubajata abo bami bobile ba-Midyani, alimwi wakapyopyonganya impi yoonse.
13Lino Gideoni mwana wa-Joasi wakaboola kuzwa kunkondo izuba nilyatakalina kupasula. 14Nkabela wakajata umwi mulombe wabantu bakuSukoti, wakamubuzya-buzya, elyo oyo mulombe wakamulungulwida bami ba-Sukoti abapati bankuko, bantu bali makumi aali musanu aabili amusanu mubabili. 15Mpawo naakasika kubantu baku-Sukoti, wakabaambila kuti, Bona! Mbaaba Zeba a-Zalimuna, Mbombabo mbomwakandisampaula cakwaamba kuti, Sa Zeba a-Zalimuna bali kale mumaanza aako? Tubape-denzi bamu bako bakatede zilyo? 16Lino wakabweza bapati bamunzi, alimwi wakabweza mamvwa aamusokwe aziyasabavwimi, nkabela ezi wakaziisya bantu baku-Sukoti. 17#1 Bam 12:25Acalo cisanza ca-Penueli wakacimwaya, abantu bamumunzi wakabajaya.
18 #
Bab 4:6; Int 89:12 Lino wakabuzya Zeba a-Zalimuna kuti, Bakali buti abo bantu mbomwakajaya ku-Tabori Bakavuwa kuti, Bakali mbubonya mbuli nduwe. Boonse bakali mbuli bana bamwami. 19Lino wakati, Bakali bakulana bangu, bana babama bandizyala. Ncobeni Jehova mbwali muumi, nimwakabaleka kabapona nindatamujaya. 20Mpawo wakaambila Jeteri mwanaakwe mutaanzi kuti, Buka, ubajaye. Pele mulombe takwakasomona ipanga lyakwe pe, nkaambo wakali kuyoowa, nkaambo wakacili mwanike. 21#Int 83:11Elyo Zeba a-Zalimuna bakati, Buka uwe omwini, utujaye, nkaambo mwaalumi mbwaabede, inguzu zyakwe mbuzibede. Mpawo Gideoni wakabuka, wakajaya Zeba a-Zalimuna, alimwi wakabweza zyakulisakila izyakali ansingo zyankamele zyabo.
Gideoni mbwaakakaka bwami. Cikozyano caku-Ofira
22Mpawo bantu ba-Israyeli bakaambila Gideoni kuti, Kotweendelezya, uwe amwanaako amuzukulu wako, nkaambo nduwe watuvuna kumaanza aaba-Midyani. 23#1 Sam 8:7; 10:19; Int 10:16; 29:10; Is 26:13; 33:22; Hos 13:10Pele Gideoni wakabavwiila kuti, Nsikoomweendelezya pe, alakwe mwanaangu takooyoomweendelezya. Jehova nguelede kumweendelezya. 24#Matl 16:10; 25:13Alimwi Gideoni wakabaambila kuti, Nkucili cintu comwe ncintakumbile kulindinywe. Amundipe umwi aumwi bucaca mbwajene muzisaalo zyakwe. (Nkaambo kabajisi bucaca bwangolida, nkaambo bakali ba-Israyeli). 25Bakati, Ncobeni tulakupa. Nkabela bakayala cisani ansi, bakawaala alincico umwi aumwi bucaca bwazisaalo zyakwe. 26Nkabela bulemu bwabucaca mbwaakakumbila bwakali masyekeli aangolida aali cuulu amyaanda iili musanu aibili, kutabala zyakulizakila amakobekobe azyakusama zisalala nzibakasamide bami ba-Midyani, anketani zyakali ansingo zyankamele, 27#Bab 17:5; 18:14,17; 6:24; Kul 23:33; Int 73:27; 106:39; Dt 7:16Mpawo Gideoni wakazicitya cikozyano, wakaciimika mumunzi waku-Ofira, nkabela ba-Israyeli boonse bakali amyoyo yakubisya-bisya kulincico, aboobo cakaba cilebyo kuli-Gideoni akuluzubo lwakwe.
28Mbuboobo ba-Midyani mbubakabombesegwa kubana ba-Israyeli, nkabela teebakasumpula limbi mitwe yabo. Lino nyika yakakala aluumuno myaka iili makumi one naakacili kupona Gideoni.
Lufu lwa-Gideoni
29Lino Jerubaala mwana wa-Joasi wakaakukala kulinguwe. 30#Bab 9:2,5; 10:4; 12:9,14Nkabela Gideoni kajisi bana bali makumi aali musanu aabili mbaakazyede, nkaambo kali abanakazi banji, 31Asimamambe wakwe iwakakede ku-Sekemu alakwe wakamuzyalila mwana, bakamuulika izina lya-Abimeleki. 32#Bab 6:24Elyo Gideoni mwana wa-Joasi wakafwa aciimo cibotu, wakazikwa mucivwikilo cawisi mu-Ofira mucisi caba-Abiezeri.
33 #
Bab 2:19; 9:4 Lino Gideoni afwe buyo, bana ba-Israyeli bakatalika alimwi kuya bubisya kumakani aababaala, akubika Baala-beriti abe Leza wabo. 34#Int 78:11,42; 106:13-21; Muk 12:1; Jer 2:32Bana baIsrayeli teebakayeeya Jehova Leza wabo iwakabavuna kumaanza aabasinkondonyina boonse beengelede, 35#Bab 9:16; Muk 9:14,15Alimwi teebakafwida luzyalo luzubo lwa-Jerubaala (ngonguwe Gideoni), mbuli bubotu bwakwe mbwaakacitila ba-Israyeli.
Currently Selected:
Babetesi 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
