Babetesi 6
6
Ba-Midyani mbubakafwabya ba-Israyeli
1 #
Lev 26:14; Bab 2:19; Matl 25:2; My 25:17; Hab 3:7 Lino bana ba-Israyeli bakacita bubi mumeso aa-Jehova, nkabela Jehova wakabaaba mumaanza aaba-Midyani myaka iili musanu aibili. 2#1 Sam 13:6; Heb 11:38Nka bela ijanza lya-Midyani lyakalemena ba-Israyeli, elyo nkaambo kaba-Midyani bana ba-Israyeli bakalicitila malyango aamuzilundu, amalindi azinkolyo. 3#Matl 29:1; Bab 7:12; 8:10; 1 Bam 4:30; Job 1:3Lino ba-Israyeli nibakamana kubyala, kwakasika ba-Midyani aba-Amaleki abana bakujwe kuzoosaala, 4#Lev 26:16; Dt 28:30; Job 31:7,8; Jer 5:17; 12:12,13; Mik 6:15Bakali kuza kuzoobalwisya akunyonyoona micelo yanyika koonse koonse mane kusikila ku-Gaza. Teebakasiila ba-Israyeli malilu naa buniini, niiba imbelele niiba iŋombe niiba imbongolo. 5Bakeza aŋombe zyabo amatente aabo, bakeza banji loko mbuli cisozi. Katakwe iwakakonzya kubabala, ankamele zyabo zyoonse. Bakeza kuzoosaala nyika, 6#Int 50:15; 78:34; Hos 5:15aboobo ba-Israyeli bakalipengede loko nkaambo ka-Midyani, Mpawo bana ba-Israyeli bakakwiilila Jehova.
7Elyo bana ba-Israyeli nibakakwiilila Jehova nkaambo kaba-Midyani, 8Jehova wakatumina bana ba-Israyeli muntu musinsimi, wakabaambila kuti, Mbuboobu mbwaamba Jehova Leza wa-Israyeli. Ndime ndakamupozya munyika ya-Egepita. Ndime ndakamugwisya muŋanda yabuzike. 9Ndakamuvuna mumaanza aaba-Egepita amumaanza aaboonse ibakali kumupenzya. Ndakabatanda kubusyu bwanu, alimwi ndakamwaabila nyika yabo. 10#2 Bam 17:35; Jer 10:2Elyo ndakamwaambila kuti, Ndime Jehova Leza wanu. Mutalemeki mizimu yaba-Amori mbomukede munyika yabo. Nekubaboobo tamuna kuswiilila ijwi lyangu,
Gideoni mbwaakaitwa
11 #
Jos 17:2; Bab 8:2 Nkabela angelo wa-Jehova wakasika, wakala munsi lyamusamu mupati wamu-Ofira kuli-Joasi mu-Abiezeri. Lino mwanaakwe Gideoni wakali kuvwimbula bulotwe mudindi lyakusinina masaansa, kuti abusise kumeso aaba-Midyani. 12#Matl 16:7-13; Bab 13:3; Lk 1:11,28Nkabela angelo wa-Jehova wakamubonekela, wakamwaambila kuti, Jehova uli ayebo, O mwaalumi singuzu. 13#Int 89:49; Is 59:1; 2 Mak 15:2Gideoni wakati, We! mwami! Na Jehova uli aswe, ino nkaambonzi notujene mapenzi aya oonse? Alimwi ali kuli malele oonse bamatatesu ngubakatwaambila nibakaamba kuti, Jehova nguwakatupozya munyika ya-Egepita. Anukuti sunu Jehova watusia, watwaaba mumaanza aaba-Midyani. 14#1 Sam 12:11; Heb 11:32; Jos 1:9Mpawo Jehova wakamucebuka, wakati, Koya anguzu ezi nzopedwe, ukavune ba-Israyeli kumaanza aaba-Midyani. Sa teensi ndime ndakutuma na? 15#1 Sam 9:21Wakamuvwiila kuti, Akaka mwami! Mebo nkavune buti ba-Israyeli? Luzubo lwangu nduniini akati kanzubo zya-Manase, ambebo ndimuniini muluzubo lwataata, 16#Kul 3:12; Jos 1:5Elyo Jehova wakamwaambila kuti, Ncobeni njooba ayebo, nkabela ba-Midyani uyoobauma mbuli mbwaumwa muntu omwe buyo.
17 #
Kul 4:1
Lino Gideoni wakamwaambila kuti, Na ncobeni ndijene luse mumeso aako, ukandicitile citondezyo cakutondezya kuti nduwe ngundaambaula ayebo. 18#Matl 18:3Utainki kuzwa ano mane ntaangune kuzooleta cipaizyo cangu, nkacituule kubusyu bwako, Wakati, Ndalindila mane ukaboole. 19Elyo Gideoni wakaakubamba kapongo, azinkwa zyalusuwo lwabusu. Nyama wakaibika mucinzuma, amusinza wakaubika mucilongo, elyo wakazileta nkwakakede kunsi lyamusamu, wakamutambika. 20#Bab 13:19; 1 Bam 18:33Nkabela angelo waLeza wakamwaambila kuti, Bweza nyama azinkwa, uzibike awa andomba, amusinza uutile, Lino wakacita obo. 21#Lev 9:24; 2 Mak 7:1Mpawo angelo wa-Jehova wakatandabika mpela yamufunko ngwaakajisi mujanza lyakwe, wakaampa nyama azinkwa, nkabela mwakazwa mulilo mundomba, wakatenta nyama azinkwa zyoonse, Lino angelo wa-Jehova wakamuzeluka. 22#Matl 16:13; 32:30; Kul 33:20; Bab 13:22Lino Gideoni naakabona kuti nguangelo wa-Jehova, wakati, Maawe, Mwami Jehova! Ndibwene angelo wa-Jehova cakulangana kumeso. 23#Dan 10:19; Lk 24:36Pele Jehova wakamwaambila kuti, Moyo wako ube aluumuno. Utayoowi, nkaambo tokoofwa pe. 24#Matl 22:14; Kul 17:15; Jer 33:16; Ezk 48:35; Bab 8:32Mpawo Gideoni wakayakila Jehova cipaililo nkukonya oko, wakacibanda Jehova-siluumuno. Asunu mpocicili nkukonya ku-Ofiri wa-Abiezeri.
Gideoni mbwaakamwaya cipaililo ca-Baala
25 #
Kul 34:13; Dt 7:5; Bab 3:7 Lino masiku ayo ngaonya Jehova wakamwaambila kuti, Bweza mucende waŋombe wauso, mucende wabili uuli amyaka iili musanu aibili, ukamwaye cipaililo ca-Baala uso ncajisi, akutema misamu iili kulincico. 26Elyo ukayakile Jehova Leza wako cipaililo atala amandomba aya. Ukayake kabotu, amucende wabili uleelede kumubweza akutuula cituuzyo amisamu njowakatema. 27#Joh 3:1Lino Gideoni wakabweza bantu bali ikumi babalanda bakwe, wakacita mbubonya mbuli Jehova mbwaakamulailila. Nkabela mbwaakali kuyoowa basiluzubonyina abantu bamumunzi, teewakacicita isikati, wakacicita masiku. 28Elyo bantu bamumunzi nibakabuka cifumofumo bakabona kuti cipaililo ca-Baala cilimwayidwe, amisamu ilitemedwe iyakali nkuko, amucende wabili ulituulidwe acipaililo icakayakwa. 29Mpawo bakabuzyanya kuti, Ino nguni wakacita obo? Nkabela nibakayandaula akubuzisisya, kwakaambwa kuti, Gideoni mwana wa-Joasi nguwakacita obo. 30#Joh 16:2; Inc 26:9Lino bantu bamumunzi bakaambila Joasi kuti, Leta mwanaako, kuti afwe, nkaambo wakamwaya cipaililo ca-Baala, alimwi wakatema misamu iili kulincico. 31Pele Joasi wakaambila boonse mbakaimvwi abo kuti, Sa mulacitila Baala inkondo? Sa mulayanda kumuvuna? Uuti mucitile inkondo ajayigwe Junza cifumo, Naa ngu-Leza, alicitile inkondo yakwe mwini nkaambo kakuti cipaililo cakwe camwayigwa. 32Nkaambo kako mubuzuba obo Gideoni wakabandwa Jerubaala, nkukuti Baala alicitile inkondo, nkaambo wakamwaya cipaililo cakwe.
Gideoni mbwaakalibamba kulwisya ba-Midyani
33 #
Jos 17:16; 19:18; 1 Bam 18:45; 21:23 Mpawo boonse ba-Midyani aba-Amaleki abana bakujwe bakabungana, bakazubuka kuzookala-kala mukuti lya-Jezreeli. 34#Bab 3:10; 11:29; 13:25; 14:6,19; 1 Mak 12:18; 2 Mak 24:20; 1 Kor 12:8-11; My 10:3; Bab 3:27Lino Muuya wa-Jehova wakaselukila Gideoni, nkabela wakalizya mweembo, abana ba-Abiezeri bakamubunganina. 35Alimwi wakatuma batumwa munyika yoonse yaManase, elyo bakamubunganina abalo, Amunyika ya-Aseri aya-Zebuloni aya-Nafitali moonse wakatuma batumwa, nkabela bakeza kuzoobalwisya.
Gideoni mbwaakakumbila zitondezyo
36Lino Gideoni wakaambila Leza kuti, Naa ncobeni ulafutula ba-Israyeli kujanza lyangu, mbubonya mboamba, 37#Kul 4:3-7; Dt 32:2; Int 72:6; Hos 6:3,4; 14:5Bona! Ndabika boya bwambelele iigeledwe mucipolelo. Naa kulabonwa kuti mumee nkuuli aboya luzutu, pele ansi oonse alayuma, elyo njooziba kuti ncobeni ulafutula ba-Israyeli kujanza lyangu, mbubonya mboamba. 38Nkabela cakaba obo, nkaambo nibwakaca, wakafuma, wakasina boya, elyo mulimbubo mwakazwa maanzi manji aamumee aakuzuzya mutiba.
39 #
Matl 18:32
Lino Gideoni wakaambila Leza kuti, Utandinyemeni. Nkaambe alimwi komwe buyo. Nkasole aboya alimwi lomwe, Ayume aboya luzutu, pele ansi oonse abe mumee. 40Elyo Leza wakacita mbwaakaamba mumasiku ayo, Akayuma aboya luzutu, pele ansi oonse kwakali mumee.
Currently Selected:
Babetesi 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Babetesi 6
6
Ba-Midyani mbubakafwabya ba-Israyeli
1 #
Lev 26:14; Bab 2:19; Matl 25:2; My 25:17; Hab 3:7 Lino bana ba-Israyeli bakacita bubi mumeso aa-Jehova, nkabela Jehova wakabaaba mumaanza aaba-Midyani myaka iili musanu aibili. 2#1 Sam 13:6; Heb 11:38Nka bela ijanza lya-Midyani lyakalemena ba-Israyeli, elyo nkaambo kaba-Midyani bana ba-Israyeli bakalicitila malyango aamuzilundu, amalindi azinkolyo. 3#Matl 29:1; Bab 7:12; 8:10; 1 Bam 4:30; Job 1:3Lino ba-Israyeli nibakamana kubyala, kwakasika ba-Midyani aba-Amaleki abana bakujwe kuzoosaala, 4#Lev 26:16; Dt 28:30; Job 31:7,8; Jer 5:17; 12:12,13; Mik 6:15Bakali kuza kuzoobalwisya akunyonyoona micelo yanyika koonse koonse mane kusikila ku-Gaza. Teebakasiila ba-Israyeli malilu naa buniini, niiba imbelele niiba iŋombe niiba imbongolo. 5Bakeza aŋombe zyabo amatente aabo, bakeza banji loko mbuli cisozi. Katakwe iwakakonzya kubabala, ankamele zyabo zyoonse. Bakeza kuzoosaala nyika, 6#Int 50:15; 78:34; Hos 5:15aboobo ba-Israyeli bakalipengede loko nkaambo ka-Midyani, Mpawo bana ba-Israyeli bakakwiilila Jehova.
7Elyo bana ba-Israyeli nibakakwiilila Jehova nkaambo kaba-Midyani, 8Jehova wakatumina bana ba-Israyeli muntu musinsimi, wakabaambila kuti, Mbuboobu mbwaamba Jehova Leza wa-Israyeli. Ndime ndakamupozya munyika ya-Egepita. Ndime ndakamugwisya muŋanda yabuzike. 9Ndakamuvuna mumaanza aaba-Egepita amumaanza aaboonse ibakali kumupenzya. Ndakabatanda kubusyu bwanu, alimwi ndakamwaabila nyika yabo. 10#2 Bam 17:35; Jer 10:2Elyo ndakamwaambila kuti, Ndime Jehova Leza wanu. Mutalemeki mizimu yaba-Amori mbomukede munyika yabo. Nekubaboobo tamuna kuswiilila ijwi lyangu,
Gideoni mbwaakaitwa
11 #
Jos 17:2; Bab 8:2 Nkabela angelo wa-Jehova wakasika, wakala munsi lyamusamu mupati wamu-Ofira kuli-Joasi mu-Abiezeri. Lino mwanaakwe Gideoni wakali kuvwimbula bulotwe mudindi lyakusinina masaansa, kuti abusise kumeso aaba-Midyani. 12#Matl 16:7-13; Bab 13:3; Lk 1:11,28Nkabela angelo wa-Jehova wakamubonekela, wakamwaambila kuti, Jehova uli ayebo, O mwaalumi singuzu. 13#Int 89:49; Is 59:1; 2 Mak 15:2Gideoni wakati, We! mwami! Na Jehova uli aswe, ino nkaambonzi notujene mapenzi aya oonse? Alimwi ali kuli malele oonse bamatatesu ngubakatwaambila nibakaamba kuti, Jehova nguwakatupozya munyika ya-Egepita. Anukuti sunu Jehova watusia, watwaaba mumaanza aaba-Midyani. 14#1 Sam 12:11; Heb 11:32; Jos 1:9Mpawo Jehova wakamucebuka, wakati, Koya anguzu ezi nzopedwe, ukavune ba-Israyeli kumaanza aaba-Midyani. Sa teensi ndime ndakutuma na? 15#1 Sam 9:21Wakamuvwiila kuti, Akaka mwami! Mebo nkavune buti ba-Israyeli? Luzubo lwangu nduniini akati kanzubo zya-Manase, ambebo ndimuniini muluzubo lwataata, 16#Kul 3:12; Jos 1:5Elyo Jehova wakamwaambila kuti, Ncobeni njooba ayebo, nkabela ba-Midyani uyoobauma mbuli mbwaumwa muntu omwe buyo.
17 #
Kul 4:1
Lino Gideoni wakamwaambila kuti, Na ncobeni ndijene luse mumeso aako, ukandicitile citondezyo cakutondezya kuti nduwe ngundaambaula ayebo. 18#Matl 18:3Utainki kuzwa ano mane ntaangune kuzooleta cipaizyo cangu, nkacituule kubusyu bwako, Wakati, Ndalindila mane ukaboole. 19Elyo Gideoni wakaakubamba kapongo, azinkwa zyalusuwo lwabusu. Nyama wakaibika mucinzuma, amusinza wakaubika mucilongo, elyo wakazileta nkwakakede kunsi lyamusamu, wakamutambika. 20#Bab 13:19; 1 Bam 18:33Nkabela angelo waLeza wakamwaambila kuti, Bweza nyama azinkwa, uzibike awa andomba, amusinza uutile, Lino wakacita obo. 21#Lev 9:24; 2 Mak 7:1Mpawo angelo wa-Jehova wakatandabika mpela yamufunko ngwaakajisi mujanza lyakwe, wakaampa nyama azinkwa, nkabela mwakazwa mulilo mundomba, wakatenta nyama azinkwa zyoonse, Lino angelo wa-Jehova wakamuzeluka. 22#Matl 16:13; 32:30; Kul 33:20; Bab 13:22Lino Gideoni naakabona kuti nguangelo wa-Jehova, wakati, Maawe, Mwami Jehova! Ndibwene angelo wa-Jehova cakulangana kumeso. 23#Dan 10:19; Lk 24:36Pele Jehova wakamwaambila kuti, Moyo wako ube aluumuno. Utayoowi, nkaambo tokoofwa pe. 24#Matl 22:14; Kul 17:15; Jer 33:16; Ezk 48:35; Bab 8:32Mpawo Gideoni wakayakila Jehova cipaililo nkukonya oko, wakacibanda Jehova-siluumuno. Asunu mpocicili nkukonya ku-Ofiri wa-Abiezeri.
Gideoni mbwaakamwaya cipaililo ca-Baala
25 #
Kul 34:13; Dt 7:5; Bab 3:7 Lino masiku ayo ngaonya Jehova wakamwaambila kuti, Bweza mucende waŋombe wauso, mucende wabili uuli amyaka iili musanu aibili, ukamwaye cipaililo ca-Baala uso ncajisi, akutema misamu iili kulincico. 26Elyo ukayakile Jehova Leza wako cipaililo atala amandomba aya. Ukayake kabotu, amucende wabili uleelede kumubweza akutuula cituuzyo amisamu njowakatema. 27#Joh 3:1Lino Gideoni wakabweza bantu bali ikumi babalanda bakwe, wakacita mbubonya mbuli Jehova mbwaakamulailila. Nkabela mbwaakali kuyoowa basiluzubonyina abantu bamumunzi, teewakacicita isikati, wakacicita masiku. 28Elyo bantu bamumunzi nibakabuka cifumofumo bakabona kuti cipaililo ca-Baala cilimwayidwe, amisamu ilitemedwe iyakali nkuko, amucende wabili ulituulidwe acipaililo icakayakwa. 29Mpawo bakabuzyanya kuti, Ino nguni wakacita obo? Nkabela nibakayandaula akubuzisisya, kwakaambwa kuti, Gideoni mwana wa-Joasi nguwakacita obo. 30#Joh 16:2; Inc 26:9Lino bantu bamumunzi bakaambila Joasi kuti, Leta mwanaako, kuti afwe, nkaambo wakamwaya cipaililo ca-Baala, alimwi wakatema misamu iili kulincico. 31Pele Joasi wakaambila boonse mbakaimvwi abo kuti, Sa mulacitila Baala inkondo? Sa mulayanda kumuvuna? Uuti mucitile inkondo ajayigwe Junza cifumo, Naa ngu-Leza, alicitile inkondo yakwe mwini nkaambo kakuti cipaililo cakwe camwayigwa. 32Nkaambo kako mubuzuba obo Gideoni wakabandwa Jerubaala, nkukuti Baala alicitile inkondo, nkaambo wakamwaya cipaililo cakwe.
Gideoni mbwaakalibamba kulwisya ba-Midyani
33 #
Jos 17:16; 19:18; 1 Bam 18:45; 21:23 Mpawo boonse ba-Midyani aba-Amaleki abana bakujwe bakabungana, bakazubuka kuzookala-kala mukuti lya-Jezreeli. 34#Bab 3:10; 11:29; 13:25; 14:6,19; 1 Mak 12:18; 2 Mak 24:20; 1 Kor 12:8-11; My 10:3; Bab 3:27Lino Muuya wa-Jehova wakaselukila Gideoni, nkabela wakalizya mweembo, abana ba-Abiezeri bakamubunganina. 35Alimwi wakatuma batumwa munyika yoonse yaManase, elyo bakamubunganina abalo, Amunyika ya-Aseri aya-Zebuloni aya-Nafitali moonse wakatuma batumwa, nkabela bakeza kuzoobalwisya.
Gideoni mbwaakakumbila zitondezyo
36Lino Gideoni wakaambila Leza kuti, Naa ncobeni ulafutula ba-Israyeli kujanza lyangu, mbubonya mboamba, 37#Kul 4:3-7; Dt 32:2; Int 72:6; Hos 6:3,4; 14:5Bona! Ndabika boya bwambelele iigeledwe mucipolelo. Naa kulabonwa kuti mumee nkuuli aboya luzutu, pele ansi oonse alayuma, elyo njooziba kuti ncobeni ulafutula ba-Israyeli kujanza lyangu, mbubonya mboamba. 38Nkabela cakaba obo, nkaambo nibwakaca, wakafuma, wakasina boya, elyo mulimbubo mwakazwa maanzi manji aamumee aakuzuzya mutiba.
39 #
Matl 18:32
Lino Gideoni wakaambila Leza kuti, Utandinyemeni. Nkaambe alimwi komwe buyo. Nkasole aboya alimwi lomwe, Ayume aboya luzutu, pele ansi oonse abe mumee. 40Elyo Leza wakacita mbwaakaamba mumasiku ayo, Akayuma aboya luzutu, pele ansi oonse kwakali mumee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.