Babetesi 7
7
Gideoni mbwaakazunda ba-Midyani
1 #
Bab 6:32; 1 Sam 12:11; Matl 22:3; Jos 3:1; 6:12; Muk 9:10; Matl 12:6 Elyo Jerubaala, ngonguwe Gideoni, abantu boonse mbaakali abo, bakafuma akuyaka zilao zyabo kumbali lyamukalo waku-Harodi, Azilao zyaba-Midyani zyakali kubbazu lyakumusanza, kufwaafwi kucilundu caMore, mumumpata.
2 #
Dt 8:17; 9:4; 32:27; 1 Sam 17:47; Int 33:16-18; 44:6,7; Tus 25:6; Muk 9:11; Is 10:13; Jer 9:23,24; Zek 4:6; Rom 3:27; 1 Kor 1:29; 4:7; 2 Kor 4:7; 10:17; Ef 2:9 Lino Jehova wakaambila Gideoni kuti, Bantu mboli abo mbanji. Nsikonzyi kwaaba ba-Midyani mumaanza aabo pe, nkaambo ba-Israyeli ambweni balalisumpula cakwaamba kuti, Inguzu zyesu tubeni zyatufutula. 3#Dt 20:8Lino kolungulula mumatwi aabantu kuti, Kufumbwa muntu uuyoowede akukankama, apiluke akwiinka kuzwa kucilundu ca-Gileadi. Mpawo kwakainka bantu bali zyuulu zili makumi obile azibili, kwakasyaala bantu bali zyuulu zili ikumi.
4 #
1 Sam 16:6,7 Pele Jehova wakaambila Gideoni kuti, Bantu bacili banji. Kobasisya kumaanzi, nkabasole nkuko. Kufumbwa muntu ngunti ambe kuti, Oyu ulaya awe, uleelede kwiinka awe. Pele kufumbwa muntu ngunti ambe kuti, Oyu toelede kwiinka awe, utainki awe pe. 5Elyo wakasisya bantu kumaanzi. Nkabela Jehova wakaambila Gideoni kuti, Boonse bantwakila alulimi mbuli mubwa mbwantwakila, ubabike kubbazu limwi balike. Aboonse bafugama kukunywa, ubabike kubbazu lyabo mbubonya. 6Nkabela bantu ibakali kuntwakila, cakusisya ijanza kumulomo, bakali myaanda yotatwe. Pele bantu bamwi boonse bakafugama kukunywa maanzi. 7#1 Sam 14:6; Is 41:14,18Elyo Jehova wakaambila Gideoni kuti, Bantu bali myaanda yotatwe ibakantwakila, mbombabo mbonti mufutuzye. Njooaba ba-Midyani mumaanza aako. Bamwi boonse bapiluke kulimbabo. 8Lino bantu bakabweza bulilu mumaanza aabo, amyeembo yabo. Nkabela bantu bamwi boonse ba-Israyeli wakabatuma kulimbabo, akusyaazya bantu bali myaanda yotatwe luzutu. Azilao zyabaMidyani zyakaliyakidwe munsi lyakwe mukuti.
9 #
Matl 46:2,3; Job 4:13; Mt 1:20; Inc 18:9,10; 27:23 Nkabela mumasiku ayo ngaonya, Jehova wakamwaambila kuti, Buka, ukaye kuzilao-lao, nkaambo ndabaaba mumaanza aako. 10Pele naa uliyoowede kwiinka, koya webo a-Pura mulanda wako kuzilao, 11#Matl 24:14; 1 Sam 14:9,10Elyo nomvwide mbubaamba, kusule maanza aako alajata inguzu, kuti uinke kuzilao. Lino wakainka a-Pura mulanda wakwe kumagolelo aabasilumamba ibakali kuzilao. 12#Bab 6:5,33; 8:10Nkabela Ba-Midyani aba-Amaleki aboonse bana bakujwe bakalilede mukuti, bakavulisya mbuli cisozi, ankamele zyabo kazitabaliki, zyakali mbuli musenga uuli ankomwe yalwizi. 13#Bab 6:15; Is 41:14,15; 1 Kor 1:27Mpawo Gideoni naakasika, kakuli umwi muntu ulakananina mweenzinyina ciloto. Wakati, Swiilila! Ndalota ciloto. Ndakabona cinkwa cabbaale cakeza bukunkulika akati kazilao zyaMidyani, cakasika kutente, cakalyuuma, cakaliwisya, nkabela itente lyakalilede, lyakalivundeme. 14#Matl 40:8; My 23:5Lino mweenzinyina wakavuwa, wakati, Eci cilaamba nzi? Taakwe ncicaamba cita ipanga lya-Gideoni mwana wa-Joasi mu-Israyeli, nkaambo ba-Midyani abasimpi babo bouse Leza wabaaba mumaanza aakwe.
15Elyo Gideoni, naakamvwide ciloto akupandululwa kwaco, wakakomba, elyo wakabweeda kuzilao zyaba-Israyeli, wakati, Amubuke, nkaambo Jehova waaba mumaanza aanu basimpi baba-Midyani. 16#My 10:9; Jos 6:4; 2 Mak 13:14,15; Am 3:6Nkabela bantu bali myaanda yotatwe wakabaandaanya munkamu zyotatwe, alimwi wakabika mumaanza aabo boonse myeembo, ankomeki zitakwe cintu, amalampi mukati kankomeki. 17Lino wakabaambila kuti, Amulange ndime, mukacite mbuncita, Ndasika buyo kumagolelo aazilao, kufumbwa cintu ncencita mebo, amucite mbubonya anywebo. 18Nendizya mweembo, mebo aboonse mbondi abo, lino amulizye myeembo anywebo nyoonse nomuzyungulukide zilao, alimwi amwaambe kuti, Nca-Jehova aca-Gideoni.
19 #
Kul 14:24; Lk 12:38; Ciy 16:15 Elyo Gideoni abantu bali mwaanda mbaakali abo bakasika kumagolelo aazilao kumatalikilo aacindi caakati cakulindila masiku, nibakazwa buyo kubika balindizi, nkabela bakalizya myeembo akutyolaula inkomeki izyakali mumaanza aabo. 20Bantu bankamu zyotatwe boonse bakalizya myeembo akutyolaula inkomeki, alimwi bakajata malampi mumaanza aabo aalumwensi amyeembo yakulizya mumaanza aabo aalulyo, nkabela bakakwiilila kuti, Ipanga lya-Jehova alya-Gideoni. 21#Kul 14:13,14,25; 2 Mak 20:17; Is 30:7,15; 2 Bam 7:7; Job 15:21,22; Tus 28:1Lino boonse bakaima mumasena aabo cakuzyunguluka zilao, nkabela boonse basizilao bakazuzaana, bakali kuya buyoba-yoba akucija. 22#Jos 6:4,16,20; 2 Kor 4:7; Int 83:9; Is 9:4; 19:2; 2 Mak 20:23Lino abo bantu bali myaanda yotatwe, nibakalizya myeembo, Jehova wakabusya ipanga lyamuntu umwi aumwi kuti lyuume mweenzinyina, oonse akati kazilao. Elyo basimpi bakacija kusikila kuBetesita ku-Zerera, akusikila kumugaano wa-Abelimehola kufwaafwi kuTabati. 23Nkabela bantu bakayoboloka kuzwa kunyika ya-Nafitali ayaAseri aya-Manase yoonse, kabaya butanda ba-Midyani. 24#Bab 3:27; Rom 15:30; Flp 1:27; Bab 3:28; Joh 1:28Alimwi Gideoni wakatuma batumwa mutulundulundu toonse twa-Efraimu cakwaamba kuti, Amuseluke kuzoolwisya ba-Midyani akubanyanzya maanzi kusikila ku-Betibara aku-Jordano, Elyo bantu boonse ba-Efraimu bakayoboloka akunyanzya maanzi kusikila ku-Beti-bara aku-Jordano. 25#Bab 8:3,4; Int 83:11; Is 10:26Nkabela bakajata bami bobile ba-Midyani, Orebi a-Zeebi, Orebi bakamujaya kundomba ya-Orebi, a-Zeebi bakamujaya kucisinino ca-Zeebi. Lino kabaya butanda ba-Midyani, alimwi mitwe ya-Orebi a-Zeebi bakaileta kuli-Gideoni kutala lya-Jordano.
Currently Selected:
Babetesi 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Babetesi 7
7
Gideoni mbwaakazunda ba-Midyani
1 #
Bab 6:32; 1 Sam 12:11; Matl 22:3; Jos 3:1; 6:12; Muk 9:10; Matl 12:6 Elyo Jerubaala, ngonguwe Gideoni, abantu boonse mbaakali abo, bakafuma akuyaka zilao zyabo kumbali lyamukalo waku-Harodi, Azilao zyaba-Midyani zyakali kubbazu lyakumusanza, kufwaafwi kucilundu caMore, mumumpata.
2 #
Dt 8:17; 9:4; 32:27; 1 Sam 17:47; Int 33:16-18; 44:6,7; Tus 25:6; Muk 9:11; Is 10:13; Jer 9:23,24; Zek 4:6; Rom 3:27; 1 Kor 1:29; 4:7; 2 Kor 4:7; 10:17; Ef 2:9 Lino Jehova wakaambila Gideoni kuti, Bantu mboli abo mbanji. Nsikonzyi kwaaba ba-Midyani mumaanza aabo pe, nkaambo ba-Israyeli ambweni balalisumpula cakwaamba kuti, Inguzu zyesu tubeni zyatufutula. 3#Dt 20:8Lino kolungulula mumatwi aabantu kuti, Kufumbwa muntu uuyoowede akukankama, apiluke akwiinka kuzwa kucilundu ca-Gileadi. Mpawo kwakainka bantu bali zyuulu zili makumi obile azibili, kwakasyaala bantu bali zyuulu zili ikumi.
4 #
1 Sam 16:6,7 Pele Jehova wakaambila Gideoni kuti, Bantu bacili banji. Kobasisya kumaanzi, nkabasole nkuko. Kufumbwa muntu ngunti ambe kuti, Oyu ulaya awe, uleelede kwiinka awe. Pele kufumbwa muntu ngunti ambe kuti, Oyu toelede kwiinka awe, utainki awe pe. 5Elyo wakasisya bantu kumaanzi. Nkabela Jehova wakaambila Gideoni kuti, Boonse bantwakila alulimi mbuli mubwa mbwantwakila, ubabike kubbazu limwi balike. Aboonse bafugama kukunywa, ubabike kubbazu lyabo mbubonya. 6Nkabela bantu ibakali kuntwakila, cakusisya ijanza kumulomo, bakali myaanda yotatwe. Pele bantu bamwi boonse bakafugama kukunywa maanzi. 7#1 Sam 14:6; Is 41:14,18Elyo Jehova wakaambila Gideoni kuti, Bantu bali myaanda yotatwe ibakantwakila, mbombabo mbonti mufutuzye. Njooaba ba-Midyani mumaanza aako. Bamwi boonse bapiluke kulimbabo. 8Lino bantu bakabweza bulilu mumaanza aabo, amyeembo yabo. Nkabela bantu bamwi boonse ba-Israyeli wakabatuma kulimbabo, akusyaazya bantu bali myaanda yotatwe luzutu. Azilao zyabaMidyani zyakaliyakidwe munsi lyakwe mukuti.
9 #
Matl 46:2,3; Job 4:13; Mt 1:20; Inc 18:9,10; 27:23 Nkabela mumasiku ayo ngaonya, Jehova wakamwaambila kuti, Buka, ukaye kuzilao-lao, nkaambo ndabaaba mumaanza aako. 10Pele naa uliyoowede kwiinka, koya webo a-Pura mulanda wako kuzilao, 11#Matl 24:14; 1 Sam 14:9,10Elyo nomvwide mbubaamba, kusule maanza aako alajata inguzu, kuti uinke kuzilao. Lino wakainka a-Pura mulanda wakwe kumagolelo aabasilumamba ibakali kuzilao. 12#Bab 6:5,33; 8:10Nkabela Ba-Midyani aba-Amaleki aboonse bana bakujwe bakalilede mukuti, bakavulisya mbuli cisozi, ankamele zyabo kazitabaliki, zyakali mbuli musenga uuli ankomwe yalwizi. 13#Bab 6:15; Is 41:14,15; 1 Kor 1:27Mpawo Gideoni naakasika, kakuli umwi muntu ulakananina mweenzinyina ciloto. Wakati, Swiilila! Ndalota ciloto. Ndakabona cinkwa cabbaale cakeza bukunkulika akati kazilao zyaMidyani, cakasika kutente, cakalyuuma, cakaliwisya, nkabela itente lyakalilede, lyakalivundeme. 14#Matl 40:8; My 23:5Lino mweenzinyina wakavuwa, wakati, Eci cilaamba nzi? Taakwe ncicaamba cita ipanga lya-Gideoni mwana wa-Joasi mu-Israyeli, nkaambo ba-Midyani abasimpi babo bouse Leza wabaaba mumaanza aakwe.
15Elyo Gideoni, naakamvwide ciloto akupandululwa kwaco, wakakomba, elyo wakabweeda kuzilao zyaba-Israyeli, wakati, Amubuke, nkaambo Jehova waaba mumaanza aanu basimpi baba-Midyani. 16#My 10:9; Jos 6:4; 2 Mak 13:14,15; Am 3:6Nkabela bantu bali myaanda yotatwe wakabaandaanya munkamu zyotatwe, alimwi wakabika mumaanza aabo boonse myeembo, ankomeki zitakwe cintu, amalampi mukati kankomeki. 17Lino wakabaambila kuti, Amulange ndime, mukacite mbuncita, Ndasika buyo kumagolelo aazilao, kufumbwa cintu ncencita mebo, amucite mbubonya anywebo. 18Nendizya mweembo, mebo aboonse mbondi abo, lino amulizye myeembo anywebo nyoonse nomuzyungulukide zilao, alimwi amwaambe kuti, Nca-Jehova aca-Gideoni.
19 #
Kul 14:24; Lk 12:38; Ciy 16:15 Elyo Gideoni abantu bali mwaanda mbaakali abo bakasika kumagolelo aazilao kumatalikilo aacindi caakati cakulindila masiku, nibakazwa buyo kubika balindizi, nkabela bakalizya myeembo akutyolaula inkomeki izyakali mumaanza aabo. 20Bantu bankamu zyotatwe boonse bakalizya myeembo akutyolaula inkomeki, alimwi bakajata malampi mumaanza aabo aalumwensi amyeembo yakulizya mumaanza aabo aalulyo, nkabela bakakwiilila kuti, Ipanga lya-Jehova alya-Gideoni. 21#Kul 14:13,14,25; 2 Mak 20:17; Is 30:7,15; 2 Bam 7:7; Job 15:21,22; Tus 28:1Lino boonse bakaima mumasena aabo cakuzyunguluka zilao, nkabela boonse basizilao bakazuzaana, bakali kuya buyoba-yoba akucija. 22#Jos 6:4,16,20; 2 Kor 4:7; Int 83:9; Is 9:4; 19:2; 2 Mak 20:23Lino abo bantu bali myaanda yotatwe, nibakalizya myeembo, Jehova wakabusya ipanga lyamuntu umwi aumwi kuti lyuume mweenzinyina, oonse akati kazilao. Elyo basimpi bakacija kusikila kuBetesita ku-Zerera, akusikila kumugaano wa-Abelimehola kufwaafwi kuTabati. 23Nkabela bantu bakayoboloka kuzwa kunyika ya-Nafitali ayaAseri aya-Manase yoonse, kabaya butanda ba-Midyani. 24#Bab 3:27; Rom 15:30; Flp 1:27; Bab 3:28; Joh 1:28Alimwi Gideoni wakatuma batumwa mutulundulundu toonse twa-Efraimu cakwaamba kuti, Amuseluke kuzoolwisya ba-Midyani akubanyanzya maanzi kusikila ku-Betibara aku-Jordano, Elyo bantu boonse ba-Efraimu bakayoboloka akunyanzya maanzi kusikila ku-Beti-bara aku-Jordano. 25#Bab 8:3,4; Int 83:11; Is 10:26Nkabela bakajata bami bobile ba-Midyani, Orebi a-Zeebi, Orebi bakamujaya kundomba ya-Orebi, a-Zeebi bakamujaya kucisinino ca-Zeebi. Lino kabaya butanda ba-Midyani, alimwi mitwe ya-Orebi a-Zeebi bakaileta kuli-Gideoni kutala lya-Jordano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.