Babetesi 5
5
Lwiimbo lwa-Debora a-Baraki
1Lino mubuzuba obo Debora a-Baraki mwana wa-Abinoamu bakaimba lwiimbo lwakuti,
2Basololi mbubakasololela mu-Israyeli,
Abantu mbubakalyaaba camoyo woonse,
Amulumbe Jehova,
3Amuteelele nobami,
Amuswiilile nobasilutwe,
Mebo ndaimbila Jehova,
Ndatembaula Jehova Leza wa-Israyeli.
4 #
Dt 33:2; Int 68:7,8; Hab 3:3-6; Is 64:3 O Jehova, nowakazwa mu-Seiri,
Anowakeendeenda kuzwa kunkanda ya-Edomu,
Nyika yakakankama, amajulu akalosya,
Mayoba akalosya maanzi.
5 #
Kul 19:18; Dt 4:11 Zilundu zyakeenzunuka kubusyu bwa-Jehova,
Eci cilundu ca-Sinai kumeso aa-Jehova Leza wa-Israyeli,
6 #
Bab 3:31; Lev 26:22; Is 33:8; Malo 1:4; 4:18 Mumazuba aa-Samagara mwana wa-Anati,
Amumazuba aa-Jaeli,
Migwagwa kiiteendeli bantu.
Basilweendo kabeenda mutuzila tupilingene.
7 #
Bab 4:4-6; Is 49:23 Minzi yamu-Israyeli yakabula bantu,
Ncobeni yakabula bantu,
Mane ime nde-Debora ndakabuka,
Ndakabuka mbuli nyina waba-Israyeli.
8 #
Dt 32:16; Bab 2:12; 1 Sam 13:19,22; Bab 4:3 Bakasala mizimu imbi,
Elyo kwakabuka inkondo mumanjililo.
Ncobeni teekwakabonwa intobo niliba isumo,
Akati kabantu bali zyuulu zili makumi one bamu-Israyeli,
9Moyo wangu uli kubeendelezi ba-Israyeli,
Ibakalyaaba camoyo woonse akati kabantu.
Amulumbe Jehova.
10 #
Bab 12:14
Inywe nomutanta ambongolo zituba,
Anywebo nomukala aminseme miyandisi,
Anywebo nomweenda munzila,
Amwaambe makani.
11Kule kuzwa kumivwi nkwiifuswa,
Nkubateka maanzi,
Nkukonya oko nkubayookananina milimo iiluleme ya-Jehova,
Abululami mbwacitila minzi yaba-Israyeli.
Bantu ba-Jehova bakaseluka kuya kumilyango.
12Buka, buka, Debora.
Buka, buka, imba lwiimbo.
Buka, Baraki.
Saala basikusaala, O mwana wa-Abinoamu.
13Lino kwakeza basilutwe babantu ibakasyeede,
Jehova wakandizida kuyoolwisya basinguzu.
14 #
Bab 3:27; 4:5,6; My 32:39; Matl 49:21 Kuzwa ku-Efraimu kwakasika abo ibakatalikila mu-Amaleki,
Bakakutobela, O Benjamini, akati kabantu bako.
Kuzwa ku-Makiri kwakeza basinkuta,
Akuzwa ku-Zebuloni basikujata musako wabusibbuku.
15Bapati ba-Isakara bakali a-Debora,
Ba-Isakara bakali amoyo omwe a-Baraki,
Bakamufumukila cakumutobela mumumpata.
Kutulonga twa-Rubeni
Kwakakosolwa makani mapati mumyoyo.
16 #
My 32:1
Ino nkaambonzi nowakakede akati kazimpati zyambelele?
Sa wakali kuyanda kumvwa tuntimbwa twabeembezi?
Kutulonga twa-Rubeni
Kwakakosolwa makani mapati mumyoyo.
17 #
Jos 13:25; 19:29 Ba-Gileadi bakalikede kutala lya-Jordano,
Aba-Dani bakasyaalilanzi amaato aabo?
Ba-Aseri bakalikede ankomwe aalwizi,
Bakalisyeede kumisundila yalo.
18 #
Bab 4:10
Pele Ba-Zebuloni teebakayoowa iŋunzuunzu yalufu,
Aba-Nafitali mbubonya bakali kweendeenda musokwe.
19 #
Bab 4:16; Int 44:12 Bami bakasika kuyoobalwanisya.
Bami ba-Kanana bakali kulwana
Mu-Taanaki kutulonga twa-Megido.
Teebakajana impindu yamali pe.
20 #
Jos 10:11; Bab 4:15 Bana bajulu bakali kulwana,
Inyenyeezi munzila zyazyo zyakali kulwanisya Sisera.
21 #
Bab 4:7
Mulonga wa-Kisoni wakabatola,
Oyo mulonga waciindi, mulonga wa-Kisoni.
(Koya bweenda anguzu, O moyo wangu.)
22Elyo insumba zyambizi zyakali kusabila,
Basilumamba nibakali kuya bweendesya.
23 #
Bab 21:9; Neh 3:5; 1 Sam 17:47 Amutukile Merozi, mbwaamba angelo wa-Jehova.
Kutukila amutukile bantu bankuko,
Nkaambo teebakasika kuyoogwasya milimo ya-Jehova,
Milimo ya-Jehova yakulwanisya basinguzu.
24 #
Tus 31:31; Lk 1:28 Abe acoolwe kwiinda banakazi boonse Jaeli,
Muka-Heberi mu-Keni,
Abe acoolwe kwiinda banakazi boonse mumaanda.
25Oyo mwaalumi naakakumbila maanzi, wakamupa malili,
Wakamuletela mabisi mumutiba wabwami.
26Wakabweza inembe yacilao mujanza lyakwe,
Amujanza lyalulyo wakajata insando yasimilimo,
Elyo insando wakaiumya Sisera amutwe,
Wakaumisya, wakatulula inkumu yakwe,
27Mpawo wakawida kumaulu aakwe, wakakotama, wakalala.
Ncobeni wakawida kumaulu aakwe, wakakotama,
Oko nkwaakakotamina, wakawida nkuko ulifwide.
28Bakasondela mucipulo, bakalila.
Banyina Sisera bakalila kucimanga kuti,
Ino nkaambonzi inkolowi yakwe yamuka?
Mavwili aankolowi yakwe asyaalilanzi?
29Elyo basimbi bakwe bakavuwa cakusongwaala-songwaala,
Alakwe mwini wakalivwiila mbubonya, kuti,
30 #
Kul 15:9
Sa tabali mukwaabana zisaalo nzibajene?
Umwi aumwi uli amusimbi na basimbi bobile.
Sisera ulijene zyakusama zyamabala mabala,
Azisani zisumidwe zyamabala,
Zisumidwe koonse, nkazizwate ansingo.
31 #
Int 48:4,5; 58:11; Ciy 6:10; 18:20; 2 Sam 23:4; Int 37:6; Mt 13:43; Int 19:5 Basinkondonyoko boonse banyonyooke mbubonya, O Jehova.
Pele abo bakuyanda babe mbuli izuba nilipasula canguzu.
Elyo nyika yakaumuna myaka iili makumi one.
Currently Selected:
Babetesi 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Babetesi 5
5
Lwiimbo lwa-Debora a-Baraki
1Lino mubuzuba obo Debora a-Baraki mwana wa-Abinoamu bakaimba lwiimbo lwakuti,
2Basololi mbubakasololela mu-Israyeli,
Abantu mbubakalyaaba camoyo woonse,
Amulumbe Jehova,
3Amuteelele nobami,
Amuswiilile nobasilutwe,
Mebo ndaimbila Jehova,
Ndatembaula Jehova Leza wa-Israyeli.
4 #
Dt 33:2; Int 68:7,8; Hab 3:3-6; Is 64:3 O Jehova, nowakazwa mu-Seiri,
Anowakeendeenda kuzwa kunkanda ya-Edomu,
Nyika yakakankama, amajulu akalosya,
Mayoba akalosya maanzi.
5 #
Kul 19:18; Dt 4:11 Zilundu zyakeenzunuka kubusyu bwa-Jehova,
Eci cilundu ca-Sinai kumeso aa-Jehova Leza wa-Israyeli,
6 #
Bab 3:31; Lev 26:22; Is 33:8; Malo 1:4; 4:18 Mumazuba aa-Samagara mwana wa-Anati,
Amumazuba aa-Jaeli,
Migwagwa kiiteendeli bantu.
Basilweendo kabeenda mutuzila tupilingene.
7 #
Bab 4:4-6; Is 49:23 Minzi yamu-Israyeli yakabula bantu,
Ncobeni yakabula bantu,
Mane ime nde-Debora ndakabuka,
Ndakabuka mbuli nyina waba-Israyeli.
8 #
Dt 32:16; Bab 2:12; 1 Sam 13:19,22; Bab 4:3 Bakasala mizimu imbi,
Elyo kwakabuka inkondo mumanjililo.
Ncobeni teekwakabonwa intobo niliba isumo,
Akati kabantu bali zyuulu zili makumi one bamu-Israyeli,
9Moyo wangu uli kubeendelezi ba-Israyeli,
Ibakalyaaba camoyo woonse akati kabantu.
Amulumbe Jehova.
10 #
Bab 12:14
Inywe nomutanta ambongolo zituba,
Anywebo nomukala aminseme miyandisi,
Anywebo nomweenda munzila,
Amwaambe makani.
11Kule kuzwa kumivwi nkwiifuswa,
Nkubateka maanzi,
Nkukonya oko nkubayookananina milimo iiluleme ya-Jehova,
Abululami mbwacitila minzi yaba-Israyeli.
Bantu ba-Jehova bakaseluka kuya kumilyango.
12Buka, buka, Debora.
Buka, buka, imba lwiimbo.
Buka, Baraki.
Saala basikusaala, O mwana wa-Abinoamu.
13Lino kwakeza basilutwe babantu ibakasyeede,
Jehova wakandizida kuyoolwisya basinguzu.
14 #
Bab 3:27; 4:5,6; My 32:39; Matl 49:21 Kuzwa ku-Efraimu kwakasika abo ibakatalikila mu-Amaleki,
Bakakutobela, O Benjamini, akati kabantu bako.
Kuzwa ku-Makiri kwakeza basinkuta,
Akuzwa ku-Zebuloni basikujata musako wabusibbuku.
15Bapati ba-Isakara bakali a-Debora,
Ba-Isakara bakali amoyo omwe a-Baraki,
Bakamufumukila cakumutobela mumumpata.
Kutulonga twa-Rubeni
Kwakakosolwa makani mapati mumyoyo.
16 #
My 32:1
Ino nkaambonzi nowakakede akati kazimpati zyambelele?
Sa wakali kuyanda kumvwa tuntimbwa twabeembezi?
Kutulonga twa-Rubeni
Kwakakosolwa makani mapati mumyoyo.
17 #
Jos 13:25; 19:29 Ba-Gileadi bakalikede kutala lya-Jordano,
Aba-Dani bakasyaalilanzi amaato aabo?
Ba-Aseri bakalikede ankomwe aalwizi,
Bakalisyeede kumisundila yalo.
18 #
Bab 4:10
Pele Ba-Zebuloni teebakayoowa iŋunzuunzu yalufu,
Aba-Nafitali mbubonya bakali kweendeenda musokwe.
19 #
Bab 4:16; Int 44:12 Bami bakasika kuyoobalwanisya.
Bami ba-Kanana bakali kulwana
Mu-Taanaki kutulonga twa-Megido.
Teebakajana impindu yamali pe.
20 #
Jos 10:11; Bab 4:15 Bana bajulu bakali kulwana,
Inyenyeezi munzila zyazyo zyakali kulwanisya Sisera.
21 #
Bab 4:7
Mulonga wa-Kisoni wakabatola,
Oyo mulonga waciindi, mulonga wa-Kisoni.
(Koya bweenda anguzu, O moyo wangu.)
22Elyo insumba zyambizi zyakali kusabila,
Basilumamba nibakali kuya bweendesya.
23 #
Bab 21:9; Neh 3:5; 1 Sam 17:47 Amutukile Merozi, mbwaamba angelo wa-Jehova.
Kutukila amutukile bantu bankuko,
Nkaambo teebakasika kuyoogwasya milimo ya-Jehova,
Milimo ya-Jehova yakulwanisya basinguzu.
24 #
Tus 31:31; Lk 1:28 Abe acoolwe kwiinda banakazi boonse Jaeli,
Muka-Heberi mu-Keni,
Abe acoolwe kwiinda banakazi boonse mumaanda.
25Oyo mwaalumi naakakumbila maanzi, wakamupa malili,
Wakamuletela mabisi mumutiba wabwami.
26Wakabweza inembe yacilao mujanza lyakwe,
Amujanza lyalulyo wakajata insando yasimilimo,
Elyo insando wakaiumya Sisera amutwe,
Wakaumisya, wakatulula inkumu yakwe,
27Mpawo wakawida kumaulu aakwe, wakakotama, wakalala.
Ncobeni wakawida kumaulu aakwe, wakakotama,
Oko nkwaakakotamina, wakawida nkuko ulifwide.
28Bakasondela mucipulo, bakalila.
Banyina Sisera bakalila kucimanga kuti,
Ino nkaambonzi inkolowi yakwe yamuka?
Mavwili aankolowi yakwe asyaalilanzi?
29Elyo basimbi bakwe bakavuwa cakusongwaala-songwaala,
Alakwe mwini wakalivwiila mbubonya, kuti,
30 #
Kul 15:9
Sa tabali mukwaabana zisaalo nzibajene?
Umwi aumwi uli amusimbi na basimbi bobile.
Sisera ulijene zyakusama zyamabala mabala,
Azisani zisumidwe zyamabala,
Zisumidwe koonse, nkazizwate ansingo.
31 #
Int 48:4,5; 58:11; Ciy 6:10; 18:20; 2 Sam 23:4; Int 37:6; Mt 13:43; Int 19:5 Basinkondonyoko boonse banyonyooke mbubonya, O Jehova.
Pele abo bakuyanda babe mbuli izuba nilipasula canguzu.
Elyo nyika yakaumuna myaka iili makumi one.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.