Babetesi 20
20
Ba-Israyeli bamwi mbubakalwisya ba-Benjamini
1 #
Dt 13:12; Jos 22:12; Bab 21:5; 1 Sam 11:7; 3:20; Bab 10:17; 11:11 Lino bantu boonse ba-Israyeli bakayoboloka, bazwa muzisi zyoonse kuzwa ku-Dani akusikila ku-Beereseba, acisi ca-Gileadi, bakaboneka camoyo omwe kubusyu bwa-Jehova ku-Mizipa. 2#Bab 8:10; 2 Sam 24:9; 2 Bam 3:26Bami babantu bamisyobo yoonse ya-Israyeli bakalibonya mumbungano yabantu ba-Leza, bantu bali zyuulu zili myanda yone basinyenda ibakasamide mapanga, 3(Abalo ba-Benjamini bakamvwa kuti bantu ba-Israyeli balibungene ku-Mizipa.) Elyo bantu ba-Israyeli bakati, Tuswiilile. Kubisya kuli boobu kwakaba buti? 4#Bab 19:15Mpawo mu-Levi, mulumi wamwanakazi iwakajayidwe, wakavuwakuti, Ndakasika ku-Gibeya mucisi ca-Benjamini, twakali asimamambe wangu, kuzoona nkuko, 5#Bab 19:22-26Lino bantu ba-Gibeya bakandibusizya inkondo, bakazyunguluka iŋanda masiku, bakayanda kundijaya, alimwi simamambe wangu bakamulalika, lino wafwa. 6#Bab 19:29; Matl 34:7; Jos 7:15Elyo ndakabweza simamambe wangu, ndamutendaula zipanzi zipanzi akuzituma muzisi zyoonse zyanyika ya-Israyeli, nkaambo bacita cintu cibi loko cisesemya mucisi ca-Israyeli. 7#Kul 19:5,6; Jos 9:14; Bab 19:30; Tus 13:10Amuswiilile, nubantu ba-Israyeli nyoonse, mukosole makani na tuleelede kucita buti.
8Mpawo bantu boonse bakabuka camoyo womwe, bakati, Tatukoobweeda kulindiswe abuniini pe, Takukooba muntu naba omwe akati kesu uupiluka kuŋanda yakwe. 9Mbuboobu mbututi citile Gibeya. Tulawaala cisolo, tubone na mbobani beelede kuyoolwisya munzi. 10Tulasala bantu bali ikumi kuzwa kubantu bali mwaanda, mumisyobo yoonse yaba-Israyeli, abantu bali mwaanda kuzwa kubantu bali cuulu, abantu bali cuulu kuzwa kubantu bali zyuulu zili ikumi, kuti baletele bantu bulilu, kuti bazoobweedezezye bantu ba-Gibeya mucisi ca-Benjamini zibi zyabo zyoonse nzibabisya munyika ya-Israyeli. 11Aboobo bantu boonse bakayoboloka kuyoolwisya munzi camoyo omwe.
12 #
Dt 13:14; Jos 22:13,16; Mt 18:15-18; Rom 12:18 Mpawo misyobo yoonse ya-Israyeli yakatuma bantu moonse mucisi camusyobo wa-Benjamini, bakati, Ino ncibi nzi eci icakacitwa akati kanu? 13#Dt 13:13; Bab 19:22; 1 Sam 30:22; 2 Sam 20:1; 23:6; 1 Bam 21:13; 2 Mak 13:7; 2 Kor 6:15; Dt 13:5; 17:12; 1 Kor 5:13; 2 Mak 25:16; Rom 1:32Lino amwaabe mumaanza esu bantu abo babi baku-Gibeya, kuti tubajaye akugwisya bubi munyika ya-Israyeli. Pele ba-Benjamini bakakaka kumvwa majwi aabakwabo ba-Israyeli. 14Ba-Benjamini bakabungana kuzwa kuminzi ya-Gibeya kuyoolwisya bantu ba-Israyeli. 15Nkabela bantu boonse ba-Benjamini mbubakayobolola mubuzuba obo kuzwa kuminzi yabo bakali zyuulu zili makumi obile amusanu acimwi, nkukuti baalumi bali amapanga, kutabala bantu ba-Gibeya ibakaleta baalumi basalidwe bali myanda iili musanu aibili. 16#Bab 3:15; 1 Mak 12:2Akati kabaaba boonse kakuli bantu basalidwe bali myanda iili musanu aibili basicimwensi. Boonse bakalibwene kufusa ibbwe cakulanza. 17Nkabela ba-Israyeli bamwi, nkutaamba ba-Benjamini, bakayobolola baalumi basimapanga bali zyuulu zili myanda yone. Boonse aba bakali basilumamba.
18 #
Kul 28:30; My 27:21; Jos 9:14; Bab 1:1; 1 Sam 23:9; Ezr 8:21 Mpawo bantu ba-Israyeli bakanyamuka, akuya ku-Beteli kuyoobuzya kuli-Leza kuti, Mbobani akati kesu beelede kutaanguna kuya kukulwana aba-Benjamini? Lino Jehova wakavuwa kuti, Ba-Juda mbobeelede kutaanguna.
19Elyo bantu ba-Israyeli bakabuka cifumo, bakainka kuyoolwisya Gibeya. 20Bantu ba-Israyeli bakaya kuyoolwana aba-Benjamini, alimwi bakalibamba mumindando ku-Gibeya, 21#Matl 49:27; Dt 23:9; Muk 9:1,11Mpawo ba-Benjamini nibakazwa ku-Gibeya, bakambwezya mubuzuba obo bantu ba-Israyeli bali zyuulu zili makumi obile azibili. 22Nekubaboobo bantu ba-Israyeli bakajata bukozu, akulibamba mumindando lwabili mpoonya awo mpobakataangwine kulibamba buzuba butaanzi. 23#Int 78:34-36; Hos 5:15Nkabela bantu ba-Israyeli bakaya kuyookwiilila Jehova mane kubbizya izuba, alimwi bakabuzya kuli-Jehova kuti, Sa tuleelede kuyoolwisya alimwi bakwesu ba-Benjamini? Jehova wakavuwa kuti, Kamuya, mukabalwisye.
24Aboobo bantu ba-Israyeli bakaswena afwiifwi kuba-Benjamini buzuba abumwi bwabili. 25#Job 9:12; Int 66:18; 97:2; Hos 10:9; Mik 3:4; Joh 9:31Abalo ba-Benjamini bakazwa ku-Gibeya kuzoobalwisya buzuba obo bwabili, akumbwezya bantu bali zyuulu zili ikumi amusanu azitatu baba-Israyeli, boonse bakali basimapanga. 26Mpawo bantu boonse ba-Israyeli, basilumamba boonse, bakainka ku-Beteli, baakulila. Nkabela bakakala nkuko kubusyu bwa-Jehova, akuliimya kulya, mane kusikila kumabbililo aazuba, alimwi bakatuula zituuzyo azipaizyo zyakutontozya kubusyu bwa-Jehova. 27#Job 22:27; Int 50:15; 91:15; Tus 3:6; Jos 18:1; 1 Sam 4:3,4; Int 78:60,61; Jer 7:12Alimwi bantu ba-Israyeli bakabuzya kuli-Jehova, (nkaambo ibbokesi lyacizuminano ca-Leza kalili nkuko mumazuba ayo, 28#Kul 6:25; My 25:7,11; 31:6; Jos 22:13; 24:33; Int 106:30,31; Dt 10:8; 18:5a-Pinehasi mwana wa-Eleazara mwana wa-Aroni nguwakali kulilanga kuciindi eco) bakati, Sa twiinke alimwi kuyoolwisya bakwesu ba-Benjamini, naa tuleke? Mpawo Jehova wakati, Amwiinke, nkaambo junza njoobaaba mumaanza aanu,
29 #
Jos 8:4; 2 Sam 5:23 Lino ba-Israyeli bakabika bantu basikuyuba kuzyunguluka Gibeya. 30Nkabela ba-Israyeli bakainka kuyoolwisya ba-Benjamini buzuba abumwi bwa ta tu, akulibamba mumindando yabo ku-Gibeya mbubonya mbuli kuziindi zimwi. 31Mpawo ba-Benjamini nibakanyamuka kuyoolwisya bantu, bakasiya munzi akuya kule, alimwi bakatalika kuuma akujaya bantu bamwi, mbubonya mbuli kuziindi zyakutaanguna, mumigwagwa. Umwi mugwagwa ulaya ku-Beteli, aumwi ulaya ku-Gibeya. Amusokwe bakacita mbubonya. Bakajaya bantu bali makumi otatwe baba-Israyeli, 32Elyo ba-Benjamini bakati, Twabatanda mbubonya mbuli kukutaanguna. Pele bantu ba-Israyeli bakati, Atucije, tubagwisye kumunzi, tubasansaanye mumigwagwa. 33Lino bantu boonse ba-Israyeli bakabuka mpobakakede akulibamba mumindando yabo ku-Baalitamara, abalo ba-Israyeli ibakayubide bakafwambaana kuzwa nkubakabede kumbo lya-Geba. 34#Jos 8:14; Job 21:13; Tus 4:19; 29:6; Muk 8:11; Is 3:10,11; 47:11; Mt 24:44; Lk 21:34; 1 Tes 5:3Kwakainka kuyoolwisya Gibeya bantu bali zyuulu zili ikumi ibakasalidwe kumisyobo yoonse yaba-Israyeli, elyo lumamba lwakayuma loko, pele ba-Benjamini teebakaziba kuti mapenzi ali kufwaafwi kulimbabo. 35Jehova wakazunda ba-Benjamini kumaanza aaba-Israyeli, nkabela ba-Israyeli bakajaya mubuzuba obo bantu bali zyuulu zili makumi obile amusanu amwaanda akati kabaBenjamini, boonse bakali basimapanga. 36#Jos 8:15Lino ba-Benjamini bakabona kuti twazundwa.
Bantu ba-Israyeli bakatantamuka ba-Benjamini, nkaambo bakali kusyoma abo bayubide mbubakabika ku-Gibeya, 37#Jos 8:19Mpawo bantu bayubide bakafwambaana kufumuka kuya ku-Gibeya. Basikuyuba bakazwa akusaazya ipanga munzi woonse. 38Lino citondezyo ncibakalibambilide bantu baIsrayeli abasikuyuba cakali boobu, Bakazumina kuti na babona ikumbi ipati lyabusi kuzwa kumunzi, 39elyo bantu ba-Israyeli baleelede kupiluka kulumamba, Lino ba-Benjamini bakatalika kuuma akujaya bantu bakati be makumi otatwe baba-Israyeli, nkaambo bakati, Ncobeni twabazunda mbubonya mbutwakazunda munkondo intaanzi. 40#Jos 8:20Pele citondezyo nicakatalika kuzwa kumunzi, nkukuti ikumbi lyabusi nilyakaboneka, ba-Benjamini bakaceba musule, bakabona kuti munzi woonse uli mukati kabusi buya kujulu. 41#Kul 15:9,10; Tus 5:22; Is 33:14; Lk 17:27,28Mpawo bantu ba-Israyeli bakapiluka musule, aba-Benjamini bakatalika kuyoowa, nkaambo bakabona kuti mapenzi abasikila. 42Elyo bakafutatila ba-Israyeli kuya kunkanda, pele basinkondonyina bakabeenzya, abantu ibakazwa muminzi bakabanyonyoona akati kanzila, 43#Hos 9:9; 10:9Bakaya butimbaula ba-Benjamini, akubatobela akubalyataula kuzwa ku-Noha mane kusikila kulangene a-Gibeya kujwe. 44Nkabela kwakajayigwa bantu ba-Benjamini bali zyuulu zili ikumi amusanu azitatu, boonse bakali basintaze. 45#Jos 15:32Elyo bakanyona akucijila kunkanda kuya kundomba ya-Rimoni. Bantu bali zyuulu zyosanwe akati kabo bakajayigwa akati kamigwagwa, alimwi bakatandililwa kusikila ku-Gidomu, abantu bali zyuulu zyobile bakajayigwa. 46Aboobo ba-Benjamini boonse ibakajayigwa mubuzuba obo bakali zyuulu zili makumi obile amusanu, boonse bakali basimapanga basintaze. 47#Bab 21:13; Is 1:9; Jer 14:9,10; Malo 3:32; Hab 3:2Pele bantu bali myaanda iili musanu aumwi bakacijila kunkanda kundomba ya-Rimoni, akukala nkukonya kundomba ya-Rimoni myezi yone. 48Nkabela bantu ba-Israyeli bakapiluka kuya bulwisya ba-Benjamini, akubajazya ipanga, bantu abanyama boonse kufumbwa mbubajana, Aminzi yoonse njibakajana bakaitentya mulilo.
Currently Selected:
Babetesi 20: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
