Babetesi 19
19
Bantu ba-Gibeya mbubakabisya
1 #
Bab 17:6,7 Kuciindi eco ba-Israyeli nibakabulide mwami, umwi mu-Levi wakali kukala-kala kumyeenya iili kule yamucisi catulundulundu twa-Efraimu, Oyo muntu wakalibwezela mwanakazi simamambe waku-Betelehemu mucisi ca-Juda, 2Nkabela simamambe wakwe wakamukalalila, aboobo wakamusiya, wakaya kuliwisi ku-Betelehemu mucisi ca-Juda, wakaakukala nkuko myezi yone, 3Mpawo mulumi wakwe wakanyamuka, wamutobela, kuti amwaambile majwi aaluzyalo akumuboozya. Lino keenda amulanda ambongolo zyobile, Nkabela naakasika kuŋanda yawisi, wisi musimbi wakamubona, elyo wakeza kuzoomucinga cakukondwa. 4Lino syanyinazyala, wisi musimbi, wakamukazika, aboobo kakede awe mazuba otatwe, Bakaiya, akunywa, akoona nkuko. 5#Matl 18:5Elyo buzuba bwane nibwakaca, bakafuma kubuka akulibambila lweendo lwabo, pele wisi musimbi wakakasya mukwe wakwe, wati, Taanguna kulya kasima, kuti ujane inguzu, elyo kusule uleenda kabotu, 6Mpawo baalumi boonse bobile bakakala, balya, banywa antoomwe, Alimwi wisi musimbi wakaambila mulumi kuti, Ndakumbila kuti uone asunu, moyo wako ukondwe. 7Lino mulumi wakabuka kuti aende, nekubaboobo syanyinazyala wakamukasya lumwi wakoona nkuko alimwi. 8Lino buzuba bwasanu nibwakaca, wakafuma kubuka kuti aende, elyo wisi musimbi wakamwaambila kuti, Kazika moyo wako akulindila mane kumazuba. Mpawo bakalya boonse bobile. 9Nkabela mulumi naakanyamuka asimamambe wakwe amulanda wakwe kuti bainke, syanyinazyala wisi musimbi wakati, Bona! Izuba lyaamba kubbila! Ona okuno. Ncobeni buzuba bwamana, lino ona okuno, kuti moyo wako ukondwe, lino junza muyoofuma kubuka akulibambila lweendo lwanu, mwiinke kulindinywe.
10 #
Jos 18:28; 2 Sam 5:6 Pele mulumi wakakaka koona nkuko, wakanyamuka, wakeenda, mane wakasika kufwaafwi ku-Jebusi (nkukuti Jerusalemu), Keenda ambongolo zyobile zyamikuli, alimwi kali asimamambe wakwe. 11#Matl 10:15,16; Kul 33:2; My 13:29; Jos 15:8,63; Bab 1:21; 2 Sam 5:6; 24:16; 1 Mak 1:13,14Lino nibakasika afwiifwi a-Jebusi, izuba lyakaamba kubbila, nkabela mulanda wakaambila mwami wakwe kuti, Boola, tunjile mumunzi oyu waba-Jebusi, tuone mumonya. 12#Jos 18:28; 1 Sam 10:26; Is 10:29; Hos 5:8Pele mwami wakavuwa kuti, Tatweelede kunjila mumunzi wabazwamasi batali ba-Israyeli. Atwiinde kunembo, tukasike ku-Gibeya. 13Wakaambila mulanda wakwe kuti, Boola, tukasike kuluumwi wamyeenya eyi yobile, tukoone ku-Gibeya nanka ku-Rama. 14Aboobo bakaya kunembo mulweendo lwabo, nkabela izuba lyakababbilila kufwaafwi ku-Gibeya mucisi ca-Benjamini. 15#Mt 25:43; Heb 13:2Mpawo bakanyona nkuko, kuti bakaone ku-Gibeya. Nkabela wakanjila mumunzi, waakukala akati kamundando wamunzi, nkaambo katakwe muntu iwakabanjizya muŋanda yakoona.
16 #
Int 104:23
Lino kwakasika umwi munene ulazwa kumilimo yakumuunda wakwe igoko. Oyo muntu kazwa kunyika yatulundulundu twa-Efraimu, kali mweenzu ku-Gibeya, Bantu bankuko bakali ba-Benjamini. 17Mpawo naakatambya meso aakwe, wakabona silweendo akati kamundando wamunzi. Elyo munene wakamubuzya kuti, Uya kuli? Wazwida kuli? 18#Jos 18:1; Bab 18:31; 20:18; 1 Sam 1:3,7Wakavuwa kuti, Twazwa ku-Betelehemu mucisi ca-Juda, tulaya kule kucisi catulundulundu twa-Efraimu, nkokulindiswe. Ndakaya ku-Betelehemu mucisi ca-Juda. Lino ndaya kuŋanda ya-Jehova. Pele taakwe uundinjizya muŋanda. 19Tulijisi makuba abulilu bwambongolo zyesu, azinkwa awaini nzitukonzya kulya, mebo ayooyu musimbi mulanda wako ayooyu mukubusi ngutweenda awe tobalanda bako, Taakwe cintu ncitubulide pe. 20#Matl 43:23; Bab 6:23; Matl 19:2Elyo munene wakati, Amube aluumuno, Mebo njoomulela. Mutaoni akati kamundando wamunzi pe. 21#Matl 24:32; 43:24; 18:4; Lk 7:38,44; Joh 13:5; 1 Tim 5:10Mpawo wakabanjizya muŋanda yakwe, wapa imbongolo bulilu bwazyo, alimwi nibakamana kusamba kumaulu, bakalya akunywa.
22 #
Matl 19:4,5-8; Bab 20:5; Hos 9:9; 10:9; Dt 13:13; 1 Sam 2:12; 1 Bam 21:10; 2 Mak 13:7; 2 Kor 6:15; Matl 19:5; Rom 1:26,27 Lino nibakali kukondwa mumyoyo yabo, bantu bamumunzi basizibi bakazyunguluka iŋanda, bauma cijazyo, nkabela bakaambila munene mwiniŋanda kuti, Amulete anze oyo mwaalumi iwakanjila muŋanda yako, kuti tumuzibe, 23#Matl 19:6; 2 Sam 13:12Mpawo mwiniŋanda wakazwa anze, wakabaambila kuti, Pe, bakwesu, mutabisyi obo, Muntu oyu mweenzu wangu, Mutaciti cintu cibi cili boobo, 24#Matl 19:8; 34:2; Dt 21:14Amubone! Mwanaangu musimbi nakalindu nkwali, alimwi simamambe wakwe nkwali. Amuleke, mbalete anze, Amubalalike akubacitila kufumbwa ncimuyanda, pele oyu mwaalumi mutamucitili cintu cibi cili boobu pe, 25#Matl 4:1Nekubaboobo bantu bakakaka kumvwa, Elyo mwiniŋanda wakajata simamambe wakwe, wamutonta anze kulimbabo, nkabela bakamulalika ukumubisizya masiku oonse mane bwakaca. Lino nibwakatalika kuca, bakamuleka. 26Nkabela nibwakaca, mwanakazi wakasika kumulyango waŋanda mwakaakubede mulumaakwe, wakawida mpawo, mane izuba lyakamana kupasula.
27Mpawo mwami wakwe wakafuma kubuka, nkabela naakajalula milyango yaŋanda akuzwa anze kuti atole lweendo lwakwe, wakajana simamambe wakwe ulilede kumulyango waŋanda, amaanza aakwe akali acikunguzyo. 28#Bab 20:5Lino wakamwaambila kuti, Buka! Atweende. Pele walo takwakavuwa pe. Elyo wakamwaanzika ambongolo yakwe, wanyamuka, waakusika kulinguwe. 29#1 Sam 11:7; Bab 20:6Nkabela naakanjila muŋanda yakwe, wakabweza cifulo, wakajata simamambe wakwe, wakamutendaula amaboko amaulu oonse muzipanzi zili ikumi azibili, wakazituma muzisi zyoonse zya-Israyeli. 30#Bab 20:7; Tus 11:14; 13:10Lino boonse bantu ibakabona bakati, Ma! Makani aali boobo taana kuba abuniini kuzwa kubuzuba obo bantu ba-Israyeli nibakazwa munyika yaEgepita akusikila sunu. Lino amubike myoyo yanu kulingawo, tubuzyanye, twaambilwe na tulacita buti.
Currently Selected:
Babetesi 19: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
