Babetesi 18
18
Kakombelo kaku-Dani mbukakatalikwa
1 #
Bab 17:6; 21:25; Jos 19:47 Kumazuba ayo katakwe mwami mucisi ca-Israyeli, Alimwi kumazuba ayo bantu bamusyobo wa-Dani bakali kuliyandawida busena bwakukala, nkaambo kabatana kwaabilwa lukono akati kamisyobo yaba-Israyeli. 2#Bab 13:25; My 13:17; Jos 2:1; Bab 17:1Aboobo ba-Dani bakatuma bantu bosanwe bacenjede bamukowa wabo, kuzwa ku-Zora akuzwa ku-Esitaoli, kuti baye bulangaula nyika akubona mbwiibede. Bakabaambila kuti, Kamuya mukalingule nyika. Nkabela bakasika kucisi catulundulundu twa-Efraimu, kuŋanda ya-Mika, akoona nkuko. 3Lino nibakali kufwaafwi kuŋanda ya-Mika, bakaziba ijwi lyamukubusi oyo mu-Levi, nkabela bakaya kumbali, bakamubuzya kuti, Ino nguni wakakuleta okuno? Ucita nzi okuno? Uli amulimonzi okuno? 4#Bab 17:10; Joh 10:12,13; Inc 18:18,21; 20:33; 1 Tim 3:3; Tit 1:11; 2 Pet 2:3Elyo wakabaambila ku-i, Mbuboobu Mika mbwaakandicitila, Wakandinjizya mumilimo. Ndaba mupaizi wakwe. 5#1 Bam 22:5; Hos 4:12; Bab 17:5Lino bakamwaambila kuti, Twakumbila kuti utubuzizye kuli-Leza, kuti tuzibe na lweendo lwesu ndutweenda luli acoolwe. 6#1 Bam 22:6Mpawo mupaizi wakabavwiila kuti, Kamuya aluumuno. Lweendo ndumutola Jehova ulalubotya.
7Mpawo bantu abo bosanwe bakainka, bakasika ku-Laisi, akubona bantu bankuko mbubakede cakuliiba mbubonya mbuli ba-Sidoni. Bakali kukala caluumuno acakutayoowa, teebakabula cintu niciba comwe caansi ano, bakalijisi buvubi, alimwi bakali kule kuzwa kuba-Sidoni, kabatakwe makani amuntu naba umwi. 8Lino nibakasika kubakwabo baku-Zora abaku-Esitaoli, bakwabo bakababuzya kuti, Mujisi makaninzi aakutwaambila? 9#My 13:20; 14:7-9; Jos 2:23,24; 1 Sam 14:48; 1 Bam 22:3Bakavuwa kuti, Amunyamuke, tukabalwisye, nkaambo tuliibwene nyika, nimbotu loko. Nkaambonzi mwasowa ciindi? Mutaneeleli kuyoonjila akuvuba nyika. 10#Dt 8:9Mwasika buyo, muyoojana bantu baliibide. Nyika nimpati. Ncobeni Leza waiaba mumaanza aanu, nyika iitabuli cintu niciba cimwi caansi ano.
11Mpuwo bantu bali myanda iili musanu aumwi bamusyobo wa-Dani ibakalibambide azilwisyo bakanyamuka kuzwa ku-Zora aku-Esitaoli, 12#Jos 15:60bakaakuliyakila zilao ku-Kiriyati-Jearimu mucisi ca-Juda, Nciceeco oko kuntu ncikucaambwa kuti Mahane-Dani (Zilao zya-Dani) asunu. Kuli kumbo kuzwa ku-Kiriyati-Jearimu. 13Elyo kuzwa oko bakaya kunembo, baakusika kucisi catulundulundu twa-Efraimu, akuza kuŋanda ya-Mika.
14 #
1 Sam 14:28; Bab 8:27; 17:5; 1 Sam 23:6 Mpawo abo bantu bosanwe ibakataangwine kuya bulingula nyika yaLaisi bakaambila beenzinyina kuti, Sa tamuzi kuti omu mumaanda muli cikobela cituba cabupaizi azikozyano zyamizimu acikozyano cibezedwe acikozyano cifulidwe. Lino amuyeeye ncimuyoocita. 15#Matl 43:27; 1 Sam 17:22Elyo bakaleya, akusika kuŋanda yamu-Levi mukubusi, kumaanda aa-Mika, nkabela bakamujuzya. 16Lino abo bantu bali myanda iili musanu aumwi baba-Dani ibakalibambide azilwisyo bakaima kumulyango wamunzi, 17#Matl 31:19,30; Bab 6:31; 17:4,5; 2 Bam 19:18; Is 41:29; 46:12; Mik 5:13abantu bosanwe ibakataangwine kuya bulingula nyika bakaakunjila, akuyoogwisya cikozyano cibezedwe, acikobela cabupaizi, azikozyano zyamizimu, acikozyano cifulidwe, mupaizi naakaciimvwi kumulyango wamunzi antoomwe abantu bali myanda iili musanu aumwi ibakajisi zilwisyo zyankondo. 18Nkabela bantu nibakanjila muŋanda ya-Mika akugwisya cikozyano cibezedwe, acikobela cabupaizi, azikozyano zyamizimu, acikozyano cifulidwe, mupaizi wakababuzya kuti, Ino mucitanzi? 19#Job 21:5; 29:9; Tus 30:32; Mik 7:16; Matl 45:8; Bab 17:10; 2 Bam 6:21; 13:14; Is 22:21; Mt 23:9Elyo bakavuwa kuti, Umuna, vumba mulomo wako, twiinke ayebo, utubede tateesu amupaizi wesu. Cintu cibotu ncicili, kuba mupaizi wamuntu omwe buyo, nanka kuba mupaizi wamusyobo aluzubo lwaba-Israyeli? 20Mpawo mupaizi wakakondwa mumoyo wakwe, nkabela wakainka acikobela cabupaizi azikozyano zyamizimu acikozyano cibezedwe, akuya bweenda akati kabantu abo.
21Elyo bakanyamuka, bakainka, nkabela twana aŋombe amikuli bakazyeenzya zyoonse kunembo, 22Lino nibakeenda kasinzo kuzwa kuŋanda yaMika, bantu ibakali mumaanda aabambene a-Mika bakaitwa kuti batobele ba-Dani, 23Nkabela bakoongolola ba-Dani, aba-Dani bakaceba, bakabuzya Mika kuti, Mwaba anzi? Mwazidanzi abantu banji bali boobu? 24Wakati, Mwabweza mizimu yangu njindakalicitila, amupaizi wangu, mwainka awe, lino mebo ndasyaalilwanzi? We! Undibuzizyanzi, Waba anzi? 25#2 Sam 17:8Mpawo ba-Dani bakamwaambila kuti, Ijwi lyako litamvwigwi kulindiswe, lumwi bantu bakali bakulwisye, elyo uyooswekelwa buumi bwako abuumi bwabasiŋanda bako. 26Mpawo ba-Dani bakainka, nkabela Mika naakabona kuti bamuyumina, wakapiluka, wabweeda kumunzi wakwe.
27 #
Dt 33:22; Jos 19:47 Lino nibakamana kubweza zintu nzyakacitide Mika, amupaizi ngwaakajisi, ba-Dani bakasika ku-Laisi, nkubakajana bantu baliibide batontwede, elyo bakabajazya ipanga akuumpa munzi wabo amulilo. 28#Matl 49:13; Jos 8:11; Bab 10:12; My 13:21; 2 Sam 10:6Katakwe sikubavuna pe, nkaambo kakuli kule ku-Sidoni, alimwi teebakajisi makani amuntu naba omwe pe. Kakuli mumumpata wa-Betirehobu. Elyo bakayakulula munzi akukala mulinguwo. 29#Jos 19:47; Matl 14:14; Bab 20:1; 1 Bam 12:29; 15:20Nkabela bakaulika munzi izina lya-Dani, mbubonya mbuli izina lyawisaabo kwakazyalilwa Israyeli, pele izina lyamunzi kumatalikilo kuuli Laisi, 30#Bab 13:1; 1 Sam 4:2; Int 78:60Mpawo ba-Dani bakaliimikila cikozyano cibezedwe, a-Johatani mwana wa-Gerisomu mwana waMusa abana bakwe bakali bapaizi kumusyobo wa-Dani mane kusikila kubuzuba bwakusaalwa kwacisi. 31#Jos 18:1; 1 Sam 4:1Aboobo bakaimika cikozyano cibezedwe ca-Mika ncaakacita mazuba oonse iŋanda ya-Leza niyakali ku-Sile.
Currently Selected:
Babetesi 18: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
