Babetesi 17
17
Mika mbwaakayaka kakombelo
1Kakuli umwi muntu iwakede mucisi catulundulundu twa-Efraimu, izina lyakwe kali Mika. 2#Matl 14:19; Rut 2:20; 3:10; 2 Sam 2:5Oyu muntu wakaambila banyina kuti, Amubone! Mali aansiliva aali myanda iili ikumi aumwi ngemwakabbidwa, angemwakatukilila angemwakaamba mumatwi aangu, mpaali kulindime. Ndakaabweza. Lino banyina bakati, Jehova akupe coolwe, mwanaangu. 3#Kul 20:4,23; Lev 19:4; Dt 12:30; Int 115:4-8Mpawo wakabweedezezya banyina mali aansiliva aali myanda iili ikumi aumwi, alimwi banyina bakati, Aya mali aansiliva aali mujanza lyangu ndaabila Jehova nkaambo kamwanaangu, kuti tucite cikozyano cibezedwe acikozyano cifulidwe. Lino ndaabweedezya mumaanza aako. 4#Is 46:6Aboobo naakabweedezezya banyina mali, banyina bakabweza mali aansiliva aali myanda yobile, bakapa mufuzi, nkabela wakapanga cikozyano cibezedwe acikozyano cifulidwe. Zyakabikwa muŋanda ya-Mika. 5#Kul 28:4-15; Bab 8:27; 18:14; 1 Sam 23:6; Matl 31:19; Hos 3:4Lino oyo muntu Mika kajisi kakombelo, alimwi wakapanga cibaki casani lituba azikozyano zyamizimu, elyo wakabika umwi wabana bakwe kuti abe mupaizi. 6#Bab 21:25; 18:1; 19:1; Dt 33:5; 12:8Kumazuba ayo katakwe mwami mucisi ca-Israyeli. Bantu boonse bakali kucita kufumbwa zyakababotela.
7 #
Jos 19:15; Bab 19:1; Rut 1:1,2; Mik 5:2; Mt 2:1,5,6 Lino kakuli umwi mukubusi waku-Betelehemu mucisi ca-Juda, kali wamusyobo wa-Juda, alimwi kali mu-Levi iwakali kukala-kala nkuko. 8Oyu muntu wakalonga kuzwa ku-Betelehemu mucisi ca-Juda, wali kuya buyandaula busena bwakukala. Elyo mukweendeenda kwakwe wakasika kucisi catulundulundu twa-Efraimu, kuŋanda ya-Mika. 9Mpawo Mika wakamubuzya kuti, Ino wazwidai? Wakati, Ndi mu-Levi waku-Betelehemu mucisi ca-Juda, Nja buyandaula busena bwakukala, 10#Matl 45:8; Bab 18:19; Job 29:16; Is 22:21; Matl 45:8Lino Mika wakamwaambila kuti, Kala kulindime, undibede taata amupaizi wangu, nkabela njookupa mali aansiliva aali ikumi amwaka, azyakusama, amalilu aako, 11Elyo mu-Levi wakazumina kukala anguwe, nkabela oyo mukubusi wakaba mbubonya mbuli umwi wabana bakwe. 12Mbuboobo Mika mbwaakabika mu-Levi, Mukubusi wakaba mupaizi wakwe, alimwi wakali kukala munanda ya-Mika. 13Nkabela Mika wakati, Lino ncobeni ndizi kuti Jehova ulandipa coolwe, nkaambo ndijisi mu-Levi mupaizi wangu.
Currently Selected:
Babetesi 17: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
