Babetesi 16
16
Delila mbwaakeena Samsoni
1Lino Samsoni wakainka ku-Gaza, Nkabela nkukonya oko wakabona mwanakazi simamambe, wakaakuswanana awe. 2#1 Sam 19:11; 23:26; Int 118:10-12; Inc 9:24; 2 Kor 11:32,33Lino bantu ba Gaza bakaambilwa kuti, Samsoni wasika okuno, Mpawo bakazyunguluka, bakamulindila masiku oonse kumulyango wamunzi. Bakaumuna masiku oonse, bakati, Atulindile mane buce, elyo tuyoomujaya, 3Nkabela Samsoni wakalala mane kusikila akati kabusiku, elyo wakabuka akati kabusiku, wakajata zitendele zyamunzi aminsende yobile, wakazibweza amunkulu woonse aziwezo zyakwe, wakaakutanta azyo atala acilundu cilangana a-Hebroni.
4Lino kusule lyayaaya, wakayanda mwanakazi mumumpata wa-Soreki, izina lyakwe kali Delila. 5#Bab 14:15; Tus 2:16-19; 5:3Nkabela bami baba-Filisti bakaza kulinguwe, bakati, Komoongelezya, ukabone na inguzu zyakwe zigambya zyazwa kuli, alimwi tubone na tulakonzya kumuzunda buti, kuti tumwaange akumupenzya, Lino tuyookupa umwi aumwi mali aansiliva aali cuulu amwaanda. 6Elyo Delila wakabuzya Samsoni kuti, Kondaambila na inguzu zyako zigambya zyazwai, Alimwi sa kuli cintu niciba cimwi cikonzya kukwaanga kuti upenzegwe? 7Lino Samsoni wakamwaambila kuti, Na ndaangwa antambo zipiya zili musanu azibili zitana kuyuma, elyo njookompama, njooba mbubonya mbuli bantu bamwi. 8#Tus 6:24-26Mpawo bami baba-Filisti bakamuletela intambo zili musanu azibili izyakatalina kuyuma, nkabela wakamwaanzya nzizyo. 9#Joh 5:14Nkabela basikulindila bakali awe mumonya muŋanda. Lino wakamwaambila kuti, Ba-Filisti bakuzida, Samsoni. Mpawo wakadunsula intambo mbubonya mbuli butonge mbubudunsuka, bwaampa mulilo, Aboobo inguzu zyakwe teezyakazibwa pe.
10Lino Delila wakaambila Samsoni kuti, Bona! Wandeena, Wandaambila zyakubeja. Kondaambila mbokonzya kwaangwa. 11Wakamuvwiila kuti, Na bandaanzya intambo impiya, zitana kubelesegwa, elyo njookompama akuba mbubonya mbuli bantu boonse. 12#Tus 7:22Mpawo Delila wakabweza intambo impiya, wamwaanzya nzizyo, wamwaambila kuti, Ba-Filisti bakuzida, Samsoni. Nkabela basikulindila bakali muŋanda yamukati. Pele wakanunsaula intambo izyakali amaboko aakwe mbuli katonge buyo.
13Lino Delila wakaambila Samsoni kuti, Asunu wandeena, akundaambila zyakubeja. Kondaambila mbokonzya kwaangwa, Nkabela wakamuvwiila kuti, Na mwaluka zyoosyo zili musanu azibili zyasusu lyangu alusabwe, akuuma-uma akasamu, elyo njookompama, akuba mbubonya mbuli bantu boonse. Elyo naakacili koona, Delila wakabweza zyoosyo zili musanu azibili zyasusu lyakwe, akuziluka alusabwe. 14Alimwi wakazyaanga akasamu, elyo wakamwaambila kuti, Ba-Filisti bakuzida, Samsoni. Pele naakasinsimuka muŋonzi, wakanonkola buyo kasamu acilusyo alusabwe loonse.
15 #
Bab 14:16; Tus 2:16; 5:3-14 Mpawo wakamwaambila kuti, Ulaamba buti kuti, Ndakuyanda, nekuba kuti moyo wako tuuli kulindime. Wandeena ziindi zyotatwe, alimwi tona kundaambila na inguzu zyako zigambya nkuzizwa, 16Lino naakatalika kumukataazya amajwi aakwe mazuba oonse, akumusungilizya, moyo wakwe wakapenga loko cakufwa. 17#1 Mak 28:9; 2 Mak 15:2; Tus 18:2; Mik 7:5; My 6:5; Bab 13:5; Inc 18:18Elyo wakamwaambila makani oonse aamumoyo wakwe, wakati, Taakwe nindakagelwa abuniini, nkaambo ciindi coonse ndakali mu-Naziri wa-Leza, kuzwa mwida lyabama. Na ndagelwa, inguzu zyangu zilamana, njookompama akuba mbubonya mbuli bantu boonse.
18Lino Delila naakabona kuti wamwaambila makani oonse aamumoyo wakwe, wakatumina bami baba-Filisti, wakabaambila kuti, Kamuza sunu buyo, nkaambo wandaambila camoyo woonse. Mpawo bami baba-Filisti bakeza kulinguwe akuleta mali mumaanza aabo. 19#Tus 5:3,4; 7:21; Muk 7:25,26Nkabela wakamooneka amazwi aakwe, alimwi wakaita muntu kuzoomugela zyoosyo zili musanu azibili zyasusu lyakwe. Elyo wakatalika kumusabwida, nkabela inguzu zyakwe zyakamana. 20#My 14:9,42,43; Jos 7:12; 1 Sam 16:14; 18:12; 28:15,16; 2 Mak 15:2; Int 33:16; Tus 22:14; Jer 9:23,24; Hos 9:12Mpawo wakamwaambila kuti, Ba-Filisti bakuzida, Samsoni, Lino wakasinsimuka, wakati, Nje anze mbuli lyoonse, nkalyoolole. Pele katezi kuti Jehova ulimusiide. 21Elyo ba-Filisti bakamujata, akudonkola meso aakwe, alimwi bakamusisya ku-Gaza akumwaanzya zyaanzyo zyamundalila, nkabela wakali kugaya mucigayilo camuntolongo, 22Nekubaboobo isusu lyamutwe wakwe lyakatalika kukula alimwi naakamana kugelwa.
Samsoni mbwaakafwa
23Lino bami baba-Filisti bakabungana kuti bapailile Dagoni Leza wabo cipaizyo cipati, akusekelela, nkaambo bakaamba kuti, Leza wesu waaba Samsoni sinkondoma mumaanza esu. 24#1 Sam 31:9; 1 Mak 10:9; Int 97:7; 115:3,8; Dan 5:4,23; 1 Kor 8:4; 10:19,20Nkabela bantu nibakamubona, bakatembaula Leza wabo, nkaambo bakati, Leza wesu waaba mumaanza esu sinkondoma, iwakali kusaala cisi cesu akujaya bantu besu banji. 25#Bab 9:27; 16:6-9; 18:20; 2 Sam 13:28; 1 Bam 20:12; Es 3:15; Is 32:13; Dan 5:2-4; Mt 14:6,7Lino myoyo yabo niyakatalika kukondwa, bakati, Amumwiite Samsoni, atusobanine. Mpawo bakaita Samsoni muntolongo mwaakabede, nkabela wakabasobanina. Elyo bakamwiimikizya akati kamisemu yobile, 26nkabela Samsoni wakaambila mulombe iwakali kumweenzya ajanza kuti, Njaampe misemu iitabilide iŋanda, akuyaama alinjiyo. 27#Dt 22:8; Jos 2:6Nkabela iŋanda yakalizwide bantu banji, baalumi abanakazi, abami boonse baba-Filisti bakali mumo, alimwi alululi akali baalumi abanakazi mbuli zyuulu zyotatwe ibakali kweebela cisobano ca-Samsoni.
28 #
Jer 15:15
Mpawo Samsoni wakakwiilila Jehova, wakati, O Mwami Jehova, ndakumbila kuti undiyeeye akundipa inguzu ciindi comwe buyo, O Leza, kuti nkateme mulandu kulibasinkondoma ba-Filisti lomwe nkaambo kameso aangu obile. 29Mpawo Samsoni wakajatisya misemu yobile yaakati iyakatabilide iŋanda, wakalimbilila, ijanza lyakwe lyalulyo aluumwi, ajanza lyakwe lyalumwensi aluumwi. 30Nkabela Samsoni wakati, Mfwe antoomwe abaFilisti. Lino wakakotama anguzu zyakwe zyoonse, nkabela iŋanda yakawa akubalimba bami abantu boonse ibakali mumo, Aboobo bantu mbaakajaya mulufu lwakwe bakali banji kwiinda bantu mbaakajaya naakacili muumi, 31#Bab 13:25Elyo babunyina bakwe abasimukowanyina bakeza kuzoomubweza, akuyoomuzika akati ka-Zora a-Esitaoli mucuumbwe ca-Manowa wisi. Wakabeteka ba-Israyeli myaka iili makumi obile.
Currently Selected:
Babetesi 16: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
