Babetesi 15
15
Samsoni mbwaakatenta maila aaba-Filisti
1 #
Matl 38:17; 1 Sam 16:20; Lk 15:29 Lino nicakaba ciindi, bulotwe nibwakali kutebulwa, Samsoni wakainka akapongo kuyooswaya mukaakwe. Wakati, Njile muŋanda mukaangu mwaabede, Pele wisi takwakamuzumizya kunjila, 2#Bab 14:20Wisi wakati, Ndakali kuyeeya kuti ncobeni wamusula, Nciceeco ncindamupeda mweenzinyoko. Sa mucizi wakwe muniini taboti kwiinda nguwe na? Kwata nguwe mucibaka cakwe, 3Lino Samsoni wakabaambila kuti, Ciindi ecino ndiye inkoto kuba-Filisti, nkaambo njoobabisizya. 4#Lwi 2:15; Ezk 13:4Mpawo Samsoni wakainka, wakajata bamwaaba bali myanda yotatwe, nkabela wakabweza misunge, wakabaanga kumicila yabo akubikila bobile bobile musunge akati kamicila yabo, 5Elyo naakamana kutomeka misunge, wakabatuma akati kamaila aabaFilisti, aboobo wakatenta misunta yamaila amaila aacili mukumena amyuunda yamicelo yoonse, 6#Bab 14:15Mpawo ba-Filisti bakabuzya kuti, Ino nguni wakacita obo? Nkabela bakati, Ngu-Samsoni iwakakwata mwana musimbi wamu-Timinati, nkaambo bakamunyanzya mukaakwe, bakamupa mweenzinyina. Mpawo ba-Filisti bakainka, baakutenta musimbi awisi mumulilo. 7Lino Samsoni wakabaambila kuti, Na mwacita obo, ncobeni njooliya inkoto alimwi, lino ndaleka. 8#1 Mak 4:3; 2 Mak 11:6Elyo wakabauma canguzu loko abujayi bupati. Lino wakaseluka, waakukala mulwaanzi lwandomba Etamu.
Ba-Filisti mbubahasoleka kujata Samsoni
9Lino ba-Filisti bakainka, bakaakuliyakila zilao mucisi ca-Juda, alimwi bakaakusaala Lehi. 10Nkabela bantu ba-Juda bakabuzya kuti, Ino mwazidanzi okuno kulindiswe? Bakavuwa kuti, Tweza kuzooanga Samsoni, tumucitile mbubonya mbwaakacitila ndiswe. 11#Lev 26:25; Dt 28:43,44; Bab 2:13,14; 14:4; Neh 9:26,27; Int 78:58,61,62; 106:40-42; Malo 1:5Mpawo kwakainka bantu bali zyuulu zyotatwe ba-Juda, bakaya kulwaanzi lwandomba Etamu, bakaambila Samsoni kuti, Sa tozi kuti ba-Filisti mbobami besu na? Ino ncinzi eci ncowatucitila? Wakabaambila kuti, Mbubonya mbubakandicitila, ambebo ndabacitila mbubonya. 12Lino bakamwaambila kuti, Tweza kuti tukwaange, tukwaabe mumaanza aaba-Filisti, Mpawo Samsoni wakabaambila kuti, Amundikonkezye kuti mutanoonduumi nubeni. 13Bakamuvwiila kuti, Pe, tulakwaanga buyo akukwaaba mumaanza aabo. Tatukooyookujaya pe, Elyo bakamwaanzya intambo impiya zyobile akumugwisya nkukonya kundomba.
14Nkabela naakasika ku-Lehi, ba-Filisti bakeza buongolola kuzoomucinga. Mpawo Muuya wa-Jehova wakamuselukila canguzu, elyo intambo nzyakajisi amaboko aakwe akaba mbuli tutambo buyo tutentedwe mumulilo, azyaanzyo zyakwe zyakeenzunuka amaanza aakwe. 15#Lev 26:8; Dt 32:30; Jos 23:10; Bab 3:31; 1 Sam 14:6,12-16; 2 Sam 23:8Lino wakajana mweebo mupiya wambongolo, nkabela wakatandabika ijanza lyakwe, wakaubweza, wakaujazya bantu bali cuulu. 16Mpawo Samsoni wakati,
Mweebo wambongolo, ndaulundisya bantu.
Mweebo wambongolo, ndaujazya bantu bali cuulu,
17Lino naakamana kwaamba, wakasowa mweebo, Elyo mweenya oyo wakaambwa kuti ngu-Ramati-lehi.
18 #
Int 3:7
Lino wakafwa nyota loko, aboobo wakakwiilila Jehova, wakati, Olu lufutuko lugambya walubeleka kumaanza aangu ndemulanda wako; lino sa nicelede kufwa nkaambo kanyota? Sa njeelede kwaabwa obo mumaanza aabatapalwidwe? 19#Matl 45:27; Is 40:29; 57:15Mpawo Leza wakaandula lwaanzi luli ku-Lehi, nkabela mwakazwa mulindulo maanzi. Mpawo wakanywa, nkabela moyo wakwe wakabuka, waka pona. Nkaambo kako kuntu oko kwakategwa Mukalo wasikukwiila. Mpokucili ku-Lehi asunu. 20#Bab 13:1Nkabela wakabeteka ba-Israyeli mumazuba aaba-Filisti myaka iili makumi obile.
Currently Selected:
Babetesi 15: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
